Abi'g na COVID-19

CEBU, Philippines — Nakuyawan makadiyot si Aiko Melendez kay abi niya'g nataptan na siyag Covid 19 sanglit gikapoy siya ug wala nay natagamtam sa iyang gikaon samtang didto sa set sa Prima Donnas adtong November 27. Gikuhaan siyag body temperature apan normal ra ang resulta. Apan kay nanggilok man gihapon iyang tutunlan, gidala siya sa hospital aron ma swab. Paghuman sa 45 minutos, nahibaw an nga aduna siyay tonsilitis ug over fatigue siya. Back to work na si Aiko ug labihan iyang pasalamat sa GMA7 nga wala gyud siya pasagdi.

Action project please

Nagkakusog ang panawagan aron mahatagan og action project si Liza Soberano. Kini human nag-viral ang video sa self defense training ni Liza para unta sa Darna movie kaniadto diin niatras siya human na injury ang iyang tudlo sa taping sa teleserye nga Bagani. Suma pa sa mga nanawagan maayo kaayo si Liza sa iyang fight scenes ug usik kun dili kini niya magamit sa pelikula o telibisyon.

Gibalibaran gyud

Giklaro ni Ogie Diaz nga dili ang artista mismo ang niduol niya aron i-guest sa iyang vlog kundili ang organizer sa MMFF. Gibalibaran kini ni Ogie gumikan kay nag yes to ABS-CBN shut down ang maong artista busa dili siya motabang. Matud ni Ogie nga kun nindot gyud ang pelikula ug ni-improve na ang acting skill sa maong artista, tan awon gyud kini sa publiko bisan pa og dili siya motabang pag-promote.

Si Cong. Alfred?

Si Alfred Vargas ang nisantop sa hunahuna sa netizens nga maoy gipasabot ni Ogie Diaz. Suma pa nila, nag yes to ABS-CBN shutdown ang maong kongresista ug aduna kini entry sa umaabot Metro Manila Film Festival busa walay duda nga mao gyud kini ang gipasabot ni Ogie.

Pamatud-an kun haom ba

Wala ni uyon si Jameson Blake sa obserbasyon nga sila na sa iyang mga ka edad ang musunod nga mga indemand lsanglit sunod-sunod ang iyang projects karon. Siguro I won’t say na parang we’re the next, siguro ito yung chance to see if we could be the next, parang ganun. To see if people could see that we could be the next ones for the management din. It’s like our chance siguro,” pamunto pa ni Jameson kinsa apil sa prequel sa Four Sisters and A Wedding ug nagbida sa BL series Lockdown Love.

MBP remake?

Nigawas ang tsika nga himoan og remake ang toprating series sa ABS-CBN kaniadto nga May Bukas Pa, ug sunod tuig na kini mulugwa. Ang maong serye maoy nagpasikat kang Zaijan Jaranilla kaniadto, kinsa 19 years old na karon ug bida sa iyang comeback movie nga Boyet Not A Girl Yet.