April Boy namatay

(Banat) - November 30, 2020 - 12:00am

CEBU, Philippines — Nipanaw kagahapon ang OPM singer nga si April Boy Regino sa edad nga 51 anyos, gumikan sa acute respiratory failure. Niadtong 2009, nabaniog nga nakalingkawas si April Boy sa prostate cancer. Siya ang tingog likod sa sikat nga OPM hits sama sa Umiiyak Ang Puso”, “Sana’y Laging Magkapiling”, “Esperanza”, ug “Di Ko Kayang Tanggapin”.

Game Shows

Adunay mga game shows nga isalida sa palig-onon nga GMA News TV. Usa na niini ang i-host nila ni Andre Paras ug Sef Cadayona. Aduna say laing show nga Eat Bulaga Dabarkad ang mo host apan wala pay igong detalye.

Go go na!

Onse ka teleseries sa GMA7 ang nabalik na gyud sa regular taping, kasagaran niini naka lock in na. Hinungdan nga mga bag-ong episodes na ang inanay nga makita sa telebisyon. Lakip sa nag-lock in taping ang Babawiin Ko Ang Lahat nila ni Carmina Villaroel, John Estrada ug Pauline Mendoza; Owe My Love nila ni Lovi Poe, Benjamin Alvez ug Winwyn Marquez; ug The Lost Recipe nila ni Kelvin Miranda ug Mikee Quintos.

Lig-on nga casting

Gipasigarbo sa writer nga si Suzette Doctolero nga de kalidad nga acting ang matagamtam sa mutan-aw sa Legal Wives starring Dennis Trillo sa GMA7 puhon. Kini kay lig-on ang cast nga naglakip sab nila ni Alice Dixson, Andrea Torres, Bianca Umali, Ms. Cherie Gil, Al Tantay, Bernard Palanca, ug Irma Adlawan.

Trending ang ABS-CBN series

Dakong hagit gyud sa GMA7 ug TV5 nga himuong de kalidad ang ilang mga salida sanglit bisan og wala nay prangkisa padayong ni arangkada ang mga pasundayag sa ABS-CBN nga gipakita pinaagi sa nagkadaiyang platforms. Trending gihapon kanunay ang Ang Sayo Ay Akin nila ni Jodi Sta. Maria ug Iza Calzado; Ang Probinsyano ni Coco Martin ug Walang Hanggang Paalam nila ni Angelica Panganiban ug Zanjoe Marudo.

Pakpak for Rabiya

Gidayeg ni 2015 Miss Universe Pia Wurtzbach si Miss Universe Philippines Rabiya Mateo. Kini kay ni Pia pa, taas kaayo ang self-awareness ni Rabiya, or nakasabot kaayo kini unsa pay angayan niyang palambuon sa iyang kaugalingon isip pagpangandam alang sa Miss Universe pageant nga wala pay petsa ug venue. Matud ni Pia nga husto ang dalan nga gisubay ni Rabiya paingon sa kadaugan.

Pagdayeg ug Pasalamat

Todo pagdayeg ug pasalamat ang gipauwan sa young stars nga sila Kira Balinger ug Grae Fernandez para sa ilang co-stars sa toprating series Ang Sa Iyo Ay Akin nga sila si Jodi Sta. Maria, Iza Calzado, Sam Milby ug Diamond Star Maricel Soriano. Suma pa sa duruha, dili kiwaw ikatrabaho ang maong seasoned stars ug nga andam gyud sila mutudlo ug motabang sa mga batan-ong artista. Lingaw sab matud pa ang mga nahisgutan off cam.

Kaslunon na?

Kaslunon na ba si Jessy Mendiola ngadto kang Luis Manzano? Kini ang pangutana sa netizens human may usa ka bridal shop ang nag-upload og hulagway ni Jessy samtang nagsul-ob og wedding gown. May tsika sab nga engage na ang duruha.

APRIL BOY REGINO
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with