Daddy Jhong

Mabdos na ang non-showbiz gilrfriend ni Jhong Hilario, 44, nga si Maia Leviste Azores, 29. Pero walay igong detalye ang post ni Jhong nga hulagway nila ni Maia nga kuha didto sa Balesin Island niining bag-o lang sa wala pa ang bagyong Ulysses. Igo lamang gi  caption ni Jhong: Sample King or Sample Queen. Naila si Jhong sa It's Showtime isip "Sample King" niadtong uso pa kaayo nga pahatagon og sample sa ilang talento ang mga hurado.

Gidugok og Beauty Queens

Naghugop sa Bantayan Island ang pipila ka mga kandidata sa gipahigayon nga Miss Universe Philippines sa nilabay nga bulan.

Kini isip guests sa tulo ka adlaw nga mini Suroy Suroy Sugbo nga giatol sa subling pagbukas kagahapon sa Bantayan Airport nga nahimutang sa lungsod sa Sta. Fe.

Nisalmot usab sa Suroy Suroy si 2019 Bb. Pilipinas Universe nga si Gazini Ganados.

Gumikan sa subling pagbukas na sa Bantayan Airport nga isip pag-abag sa turismo, dili mo menos 20 minutos na lamang ang gilay-on sa isla gikan sa Mactan Cebu International Airport.

Jlo at 51

Nabahin ang netizens sa gi-upload ni Jennifer Lopez sa iyang Instagram account nga cover art para sa iyang umaabot nga album.

Adunay mga nikomento nga bigot gihapon si Jlo bisan sa edad niya karon, apan puol na matud pa ang hubo-hubo.

May mga niingon sab nga kinahanglan niyang magpa sexy gyud kay dili kaayo siya ingon niana ka nindot og tingog.