Reservist na

(Banat) - November 24, 2020 - 12:00am

CEBU, Philippines — Andam matud pa si JM de Guzman nga moserbisyo sa nasud. Kini maoy iyang gipadayag niadtong Domingo pinaagi sa us aka IG post, dungan sa pagpahibawo nga nahuman na niya ang iyang reservist training sa Philippine Air Force. “Finally after 8 months, I finished my Philippine Air Force, Special Basic Citizen Military Training CL-2020 (lectures, drills, and rigorous simulations and trainings) of Air Force Reserve Command conducted by 1st Air Reserve Center. Special thanks to Lt. Col Hermie Calubiran Jr. PAF.

Brody and Brady

Masaligon si direk Mark Reyes nga musulbong ang ilang umaabot nga digital series nga B&B: The Story of the Battle of Brody and Brandy. Kini kay gawas nga nindot ang istorya, mga edaran na ang ilang mga bida nga sila si Ian Veneracion ug Iza Calzado, sukwahi sa mga kdramas ug uban pang Asian series nga mga batan-on pa ang mga bida. Production venture sa Sangre Productions nga gipanag-iya nila ni Sunshine Dizon, Karylle, Diana Zubiri,  Reyes ug Isa ang nahisgutang digital series nga isalida sa labing bag-ong streaming platform nga mao ang WeTV Philippines.

Direk Shine

Pinaagi usab niining maong digital series, mosuway og direct si Sunshine Dizon. Siya maoy assistant director ni direk Mark Reyes, kinsa niingon nga hayan malupigan pa unya siya ni Sunshine sanglit bata pa kaayo kini nga nagsugod og artista hinungdan nga sinati na kaayo ang aktres unsaon pagmugna ang mga eksena.

Ganiel for Miss World

Mosalmot sa Miss World Philippines pageant ang Star Patroller nga si Ganiel Krishnan karong tuiga. Si Ganiel kanhi, court side reporter sa UAAP para sa FEU sa wala pa siya nahimong star patroller. Nakoronahan sab siya nga Mutya ng Pilipinas Asia Pacific niadtong 2016, ug nitapos isip 2nd runner-up sa international edition sa samang tuig.

Nakugang si Frankie

Gitubag ni Frankie Pangilinan ang usa ka DDS nga giugkat ang mga relasyon sa iyang inahan nga si Sharon Cuneta sa wala pa kini naminyo ngadto sa iyang amahan nga si Senator Kiko Pangilinan. Suma pa sa maong netizen, hypocrite o tigpaka aron ingnon sila si Frankie. Nakugang siya sa maog netizen sanglit ang iyang tweet kabahin man sa katin-awan ni Vice President Leni Robredo kabahin sa mga lalaki nga gilambigit ngadto niya. Tubag ni Frankie sa netizen, "nawalan ako ng brain cells sa pagbasa nito pero sana bayad ka dyan sayang naman din brain cells mo."

Nagkasinabot na

Nahusay na sila si Super Tekla u gang iyang kanhi live-in partner nga si Michelle Lhor Bana-ag, apan wala sila nagtipon og balik. Aduna lamang silay komunikasyon tungod ug alang sa ilang anak nga si Angelo. Emotional si Tekla sa nakalabay nga episode sa Boobay and Tekla Show sanglit guest nila ang iyang bestfriend nga si Donita Nose nga maoy ni unong niya niadtong na eskandalo siya sa show ni Raffy Tulfo. Nisamot siyag ka emosyonal sanglit niadtong adlawa, gidala sa ospital si Angelo  busa dali kining niadto human sa iyang trabaho.

Wala kauyon

Nilayas si Mystica sa lock in taping sa GMA series nga Owe My Love niadtong nilabay nga adlaw didto sa Bocaue Bulacan kay gibalewa matud pa sa production ang iyang yangongo. Wala siya nakauyon nga gihatag og tagsa ka kwarto ang ubang cast pero giusa silag lawak ni Kiray. Dili matud pa siya ganahan makig roommate kang Kiray kay managlahi sila og lifestyle ug baruganan kabahin sa privacy. Nahiubos sab siya kay wala siya nahatdan og pamahaw. Nasayran nga lakip sa cast niining maong romantic comedy sila si  Winwyn Marquez, Buboy Villar, Nova Villa, Benjamin Alves, ug Lovi Poe.

$12M ang gasto

 Giklaro ni  Narvacan, Ilocos Sur Mayor Chavit Singsonnga dili siya maoy tag-iya sa Miss Universe Philippines franchise ug igo lamang matud pa siyang nitabang niini. Kini maoy rebelasyon niya pinaagi sa latest vlog ni Aiko Melendez niadtong Domingo. Gilab-as sab niya nga niadtong 2016, gipadeposito siya sa Miss Universe Organization og $12 million sa wala pa sila nagpinirmahan isip sponsor sa Miss Universe pageant nga gipahigayon dinhi sa Pilipinas niadtong January 2017.  Karon matud, hatagan na siya og discount ug dili na siya pa depositohon kun buot niya nga mo-sponsor bisan asa pa sa kalibutan ipahigayon ang pageant.

Gameboys

Isalida na sa Netflix karong December 30  ang sikat nga BL series nga minilyon ang views sa Youtube. Kini mao ang Gameboys nga gibituonan nila ni Elijah Canlas ug Kokoy de Santos.

2M subscribers

Nagmaya karon si Kim Chiu kay niabot na og 2 million ang iyang subscribers sa Youtube.

Theory of Love

Human sa 2Gether BL series, lain nga BL series gikan sa Thailand na sab ang ipasalida sa ABS-CBN sa dili madugay. Kini mao ang “Theory of Love.” 

JM DE GUZMAN
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with