Mabdos at 40
(Banat) - November 20, 2020 - 12:00am

CEBU, Philippines — Naukyab ang mga tsismosa human gi-upload ni Phoemela Baranda sa iyang Instagram account ang iyang maternity para sa Preview magazine. Caption ni Phoem sa hulagway: Life begins. Sa March 2021 siya gitakda nga manganak. Ang iyang non-showbiz boyfriend nga Filipino-Chinese businessman nga si Jason Choachuy maoy amahan sa gisabak ni Phoem.

Nagka uyab na?

Gisakyan nila ni Angelica Panganiban ug Zanjoe Marudo ang tsika nga aduna silay espesyal nga relasyon karon nga namugna gumikan sa lock in taping sa ilang teleserye nga Walang Hanggang Paalam. Nagsugod kining tanan human gisungog si Angelica niadtong November 6, sa iyang suod  nga mga higala nga aduna nay nagpangga niya karon. Pagka November 10, gitsika ni Lolit Solis nga aduna nay espesyal nga relasyon ang duruha nga namugna gumikan sa lock in taping. Human niini nag-isig upload og hulagway nilang duha si Angelica ug Zanjoe ug nag-joke sa gikatahong relasyon nila karon.

Liwat ni Coco?

Adunay mikatap karon nga mga hulagway ni Julia Montes nga adunay gisabak nga bata. Ang komento sa mga intrigira mao nga anggid matud pa og dagway kang Coco Martin ang bata. Dugay na nga intriga nga matud pa, niadtong nawagtang si Julia sa showbiz, ni-abroad kini sanglit nagsabak kini sa anak nila ni Coco. Walay kumpirmasyon ang duha ka mga habig kabahin niini hangtud karon.

Good Laffternoon

Sila si Teejay Marquez, EJ Salamante, Ate Gay, Ms. Ali, Boobsie, Iya Mina ug Ariela Arida ang mga hosts sa umaabot nga noontime show sa government owned station PTV. Good Laffternoon ang title sa nahisgutang show.

 Bag-ong primetime shows

Mas palig-onon pa sa TV5 ang primetime bida pinaagi sa iang mga bag-ong shows sugod karong Lunes, November 23. Kini maglangkob sa Paano Ang Pasko, Lunes hangtud Biyernes, matag 9pm;  Ate ng Ate Ko, matag Lunes; Stay in Love matag Martes; Bella Bandida matag  Miyerkules;Carpool Kagat ng Dilim matag Biyernes. Ang nahisgutang mga shows gawas lang sa Paano Ang Pasko, makita matag 9pm.

Owe My Love

Balik taping na sila si Lovi Poe ug Benjamin Alvez alang sa ilang romantic-comedy series sa GMA7 nga Owe My Love. Nasugdan na nila ang taping kaniadto apan nahunong gumikan sa pandemic. Kauban nila niining maong series sila si Ai-Ai delas Alas, Winwyn Marquez, Leo Martinez, Nova Villa, Jackie Lou Blanco, Ruby Rodriguez, Mike “Pekto” Nacua, Ryan Eigenmann, Buboy Villar, Kiray Celis, Jelai Andres, Jon Gutierrez, Jason Francisco, Divine Tetay, Donita Nose, ug Mahal.

Babawiin Ko Ang Lahat

Naka lock in taping karon ang cast sa umaabot nga teleserye sa GMA7 nga Babawiin Ko Ang Lahat diin John Estrada, Manolo Pedrosa, Kristoffer Martin, ug Dave Bornea. Mulungtad og 28 days ang nahisgutang lock in taping.

Pasok si Elijah!

Pasok si Elijah Canlas sa second season sa sikat nga web series sa IWant TFC nga Past, Pesent, Perfect diin makauban niya sila si Shaina Magdayao ug Loisa Andalio. Si Elijah bag-ohay lang nidaog isip best actor sa Gawad Urian para sa pelikulang Kalel, 15, istorya sa usa ka batan-on nga HIV positive. Nisikat og maayo si  Elijah niining bag-o lang gumikan sa BL series nga Gameboys diin kapares niya si Kokoy de Santos ug minilyon ang views sa matag nila episode.

Isogang Enchong!

Walay kukahadlok si Echong Dee sa pagtweet batok kang Presidential Legal Adviser Salvador Panelo human natin-aw nga sayop ang presidente sa giingon niining nigamit ang bise-presidente og helicopter sa military sa pag-adto niini sa Cantanduanes bag-ohay lang. Tweet ni Enchong: One of the responsibilities of a public official is to make sure they’re fact checking their information, most especially if you are a legal advisor. You are an embarrassment Panelo.

Bag-ong series ni Kim

Nagsugod sa blooper, nga gihimuan og kanta. Karon, aduna nay umaabot nga teleserye sa ABS-CBN nga mag-ulohan og “Bawal Lumabas,” nga syempre pagabidahan ni Kim Chui. Makauban niya si Rafael Rosell niining maong proyekto. Kahinumduman nga ang Bawal Lumabas maoy linya ni Kim atol sausa ka FB live sa Kapamilya stars niadtong emosyonal siya human wala na renew ag franchise sa ABS-CBN. Gibiay-biay siya og maayo sa netizens kay matud pa nagpataka lang gyud og yawit si Kim. Apan wala nagpa apekto si Kim, hinuon, gihimuan niya kini’g kanta ug gi-upload sa iyang Youtube channel diin minilyon nga views ang iyang nadawat.

SHOWBIZ
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with