Wala kapugong si Derek

CEBU, Philippines — Wala pay kumpimasyon kun buwag na ba gyud sila si Derek Ramsay ug Andrea Torres, apan sa Instagram sa actor niadtong nilabay nga adlaw, wala siya kapugong ug gitubag ang tulo ka netizens kansang mga komentaryo wala niya nauyoni.

Una niini, nag-post si Derek og hulagway niya para sa iyang endorsement. Komento sa netizen nga natapos na matud pa ang relasyon sa duruha kay nahuman na anng tinalaway. Tubag ni Derek: bastos.

Ang ikaduhang netizen niingon nga nadayon gyud diay sa tinuod nga kinabuhi ang mga init nga eksena sa duruha sa ilang teleserye, ug nga natinuod gyud matud pa nga dili pang forever ang ilang relasyon. Tubag ni Derek: You know me so well noh?

Ang ikatulong netizen niingon nga  maong nagbuwag sila kay daw dili ganahan og kaminyuon ang actor. Tubag ni Derek: I think you are wrong.

May laing netizen sab nga nikomentaryo nga ang sunod matud pa nga mabiktima ni Derek mao ang iyang musunod nga leading lady, ug nga pasalamat matud pa ang actor nga wala siyay anak nga babaye kay kay aduna pa, mao gyud unta kini ang mabaslan.

Ang unang komentaryo ra sa netizen ang gitubag ni Derek, ug wala ang ikaduha. Suma pa sa actor, si Andrea ang unang leading lady nga iyang nakarelasyon.

Ang mga nakarelasyon ni Derek mao ang model nga si Joanne Villablanca, ug ang mga aktres nga sila si Angelica Panganiban, Solenn Heussaff  ug Christine Reyes.

May anak si Derek ug ang Pinoy-Indian model nga si Mary Christine Jolly. Kini mao si Austin.

Kahinumduman nga nibuto ang tsika nga nagbulag na ang 43-anyos nga si Derek ug 30-anyos nga si Andrea human nabantayan niadtong Lunes nga wala nay mga hulagway ang duruha nga nag-uban sila sa ilang tagsa tags aka Instagram account. Wala na sab mo-follow pa si Andrea kang Derek sa IG.

Nakumpirma ang relasyon sa duruha sa nilabay nga September diin nilawom ang ilang relasyon pinaagi sa ilang teleserye sa GMA7 nga The Better Woman.

Ellen Adarna may sitcom

Dili lang kay si John Lloyd Cruz ang gitakdang magbalik telebisyon pinaagi sa usa ka sitcom nga pagaubanan nila ni Bea Alonzo, kundi hasta sab ang inahan sa iyang anak nga si Ellen Adarna. Ang tsika nga nigawas adtong Martes sa hapon mao nga adunay sitcom si Ellen nga mao ang John En Ellen kauban si John Estrada. Si John matud pa ang nikumbinse kang Ellen nga dawaton kining maong project, sanglit ang actor maoy line producer. Sa TV5 kini isalida karong January 2021.

“Filipina” Catriona!

Nag-upload sa Instagram si 2018 Miss Universe Catriona Gray og hulagway niya nga may tatak nga “Filipina” human siya gipaila atol sa Miss Colombia Universe pageant niadtong nilabay nga adlaw isip, “Australian by birth who represented the Philippines.” Gisaway sab sa pipila ka netizens ang maong pagean kay imbes Gray, “Garay” ang ilang gibutang nga apelido ni Catriona. Usa sa mga hurado sa maong pageant si Catriona.

Billy, maoy nitambag kang Bobit

Usa matud pa si Billy Crawford sa mga rason nganong nibiya ang director nga si Bobit Vidanes sa It’s Showtime sa ABS-CBN. Tsika ni Ogie Diaz, si Billy ang nagtambag kang Vidanes nga makig-meeting sa mga kadagkuan sa Brightlight Productions aron makabalhin siya sa Lunch Out Loud sa TV5. Kini human usab nangayo matud pa og increase si Vidanes sa ABS-CBN apn gibalibaran gumikan usab kay wala na renew ang franchise sa network. Maayo matud pa ang offer sa Brightlight, ug dihang gipahibawo niya ang ABS-CBN management, wala na siya pugngi. Si Billy, kinsa usa sa mga hosts sa Lunch Out Loud karon, kanhi host sab sa It’s Showtime.

Mura’g mga amaw

Kana maoy birada ni Vice Ganda ngadto sa tanang nikomentaryo nganong kinahanglan pa niya nga mag-FUNDKABOGABLE Donation Drive para sa mga naapektuha sa sunod-sunod nga bagyo nga adunahan man siya ug mahimo kaayo siyang mohinabang gamit ang iyang kaugalingong kwarta. Matud ni Vice, ang iyang gihimo para sa iyang mga fans nga ganahan mo-donate ug wala masayud asa nila ihatag ang ilang donasyon. Gipasalig niya nga mo-donate sab siya gamit ang iyang personal nga kwarta. Nakatigom na sila og P700K nga donasyon niadtong Martes GMA7 SID.

Wala abti og 24 oras, nakadawat na og kapin sa milyon nga views ang Christmas Station  ID sa GMA7 nga Isang Puso Ngayong Pasko human kini gi-upload sa facebook niadtong Lunes. Liboan sab ka views ang naangkon niini sa GMA Network Youtube channel.

Unta sunod-sunod na

Balik acting ang Brazilian-Japanese actor nga si Fabio Ide pinaagi sa season 2 sa teleseryeng Ang Daigdig Koy Ikaw sa Net25. Paghinaot niya nga magsunod-sunod na ang iyang acting projects. Gibutyag sab ni Fabio nga gisirado usa iyang restaurant sa Siargao ug Taguig, u gang iyang Japanese restaurant na lang ang bukas apan delivery system sila. May bag-o sab siya nga online business nga mao ang usa ka smoothie nga gikan pa sa Brazil ang ingredients.

Christmas Tree

Alang kang Kim Chiu, basta aduna lay Christmas tree karong pasko, okay na. “Magtayo lang ng Christmas tree yun na yun (laughs). At least meron tayong Christmas spirit. Kasi meron pa ring COVID eh, delikado pa rin when we go outside. So wala talaga and most important talaga is really family with you, sa kainan. And lagay ka lang ng Christmas tree, maliit o malaki, as long as may christmas tree diyan sa side alam mo Pasko na.”

Sekreto nga pagtabang

Dili matud pa kinahanglan nga adunay camera kun motabang.Kini maoy tubag ni Heart Evangelista ngadto sa usa ka netizen nga nangutana kun niabli na ba siya sa iyang kaugalingong wallet aron motabang sa mga naapektuhan sa bagyo karon. Gitubag sab niya ang usa ka netizen nga niingon nga dili karon panahon nga isekreto ang pagtabang, ilabi na nga daghan siya og followers sa Instagram. Angayan nga ipakita matud pa aron madasig ang followers ni Heart nga motubang pud. Apan matud ni Heart, dili importante niya ang Instagram likes, importante  niya ang iyang puntos sa langit.

“Be a citizen”

Dili kinahanghanglan nga politico ka aron magpakabana ka sa nasud. Kini matud pa sa TV host nga si Robi Domingo niining bag-o lang. “What I learned is you don’t have to be a politician to care about your country. You have to be a citizen and right now, we are forced to go into our houses to watch news on television and before we didn’t have that luxury of time kasi palagi akong kayod ng kayod, gipit na gipit kasi ako eh. Trabaho ng trabaho. But right now, binigyan tayo ng pause, sinabi sa iyo ito yung mga nangyayari sa buhay, it was not a great equalizer but it was a great magnifier of what’s happening right

now. And the only thing na nakikita kong light dito is nakita ng buong tao, ng buong sambayanan and we should we could do and we should do something about it.”

CSID pa more

Aduna pay laing tulo ka Christmas station id ang gipaabot nga mulugwa sa telebisyon human sa GMA7 niadtong Lunes. Kini mao ang Ikaw at Liwanag sa ABS-CBN; Ituloy Natin Ang Liwanag ng Pasko sa TV5; ug ang iya sab sa PTV4 nga kasamtangan karong gigama.