Gwapa syaa!

CEBU, Philippines — Nauyonan sa labing unang Pinay Miss Universe nga si Gloria Diaz ang bag-ong gikoronahan nga Miss Universe Philippines nga si Rabiya Mateo. Matud ni Gloria sa virtual presscon sa sitcom nga Oh My Dad sa TV5, gwapa si Mateo ug natural ang tubag niini. Apan niya pa, wala nagpasabot nga dili mga gwapa ang napildi. Ang mensahe niini niya pa mao nga si Mateo ang gi-swerte kay sa 11 ka judges, nauyonan siya sa unom. Tambag pa ni Gloria, 22 ang hustong edad aron mosalmot og MUP kay kun mapildi, mahimo pang mosalmot og balik hangtud sa edad nga 27.

Si Kim gipasabot?

“Out here minding my own business” ang caption ni Julia Barretto sa iyang hulgway sa Instagram niadtong nilabay nga adlaw, ug matud pa sa iyang followers si Kim Chiu matud pa ang gipadungogdugog niini, human gi-mention sa TV host ang ngalan sa sa usa ka segment  sa It’s Showtime sa nilabay nga semana. Apan may follower sab si Julia nga mas maayo pa nga moangkon na lamang kini ug si Gerald Anderson sa tinuod nila nga relasyon kay matribukar ra gihapon gyud ang pagbuking ni Kim agig komedya mahitungod sa real score sa duruha. Gi delete na ni Julia ang original caption niini.

Gipaila diay gyud

Si Jodi Sta. Maria na mismo maoy nipaila kang Raymart Santiago ngadto sa iyang co-stars sa teleserye nga Ang Sa Iyo Ay Akin. Kini maoy gibutyag sa komedyanteng si Brenda Mage ngadto sa Magndang Buhay niining bag-o lang. Matud ni Brenda kay assistant sa character ni Jodi ang iyang role sa teleserye, makabantay gyud siya permi kun aduna kini ka video call, hinungdan nga naintriga siya. Hangtud nga ang aktres na mismo ang nipaila kang Raymart isip iyang hinigugma ngadto sa production staff nga mga kaila ra sab sa actor sanglit nakauban niya kini sa Starla kaniadto, ang teleserye nila ni Judy Ann Santos.

Duslak nga kanta

Adunay umaabot nga original song si Piolo Pascual nga giulohan og “Iiyak Sa Ulan”, diin labihan matud pa kasakit paminawon sa maong kanta nga mamahimong kabahin sa iyang album sa Star Music kauban sab ang pipila ka artists. Una ning original song ni Piolo, human sa 13 ka mga tuig.

Formal introducton

Hingpit na nga ipaila isip labing bag-ong kapuso si Khalil Ramos pinaagi sa All Out Sunday karong udto. Masquerade ang tema sa opening production sa nahisgutang noontime show nga langkuban nila ni  Alden Richards, Julie Anne San Jose, Rayver Cruz, Gabbi Garcia, Christian Bautista, Mark Bautista, Rita Daniela, Ken Chan, Ruru Madrid, Miguel Tanfelix, Jeremiah Tiangco, Garrett Bolden, Derrick Monasterio, ug Paul Salas. Guest sila si Rhian Ramos ug Anthony Rosaldo.

Manang shooting

Nahuman na ang lock in shooting sa prequel sa 2013 box office hit Four Sisters and A Wedding. Kini suma pa sa usa sa mga bida niini nnga si Alexa Ilacad kinsa ni upload og hulagway niya kauban ang iyang co-stars nga sila si Gillian Vicencio, Charlie Dizon, ug Belle Mariano. Matud ni Alexa, last  shooting day na nila ug mingawon gyud siya sa iyang co-stars nga giiisip na niyang mga igsuon. Ang prequel, mao ang sinugdanan sa istorya sa unang pelikula nga gibituonan nila ni Alex Gonzaga, Bea Alonzo, Shaina Magdayao, Angel Locsin ug Enchong Dee.

All Sinners

Gitubag ni Kim Atienza ang netizen nga nipasangil niya nga nagsuporta sa pagpangabit, human ang TV host nicomment og “ love you both” sa engagement post ni Liz Uy ngadto sa businessman nga si Raymond Racaza. Matud ni Kuya Kim, igo ra siyang niingon nga love niya ang duruha. Hasta ang netizen love sab niya. “We are all sinners,” ni Kuya Kim pa.

Mommy Pinty’s management

Si Mommy Pint yang manager ni Alex Gonzaga. Kini maoy gitubag sa sikat nga vlogger dihang may netizen nga nangutana kun ubos na ba gyud siya sa pagdumala sa TV5 o pabilin gihapon siya sa ABS-CBN management karon nilugwa na siya sa Lunch Out Loud. Matud ni Alex, “I’m under mommy pinty’s management for life.

Komunikasyon ug Respeto

Respeto ug komunikasyon ang mga sekreto alang sa malig-on nga relasyon ingon man usab sa mga hagit taliawala niining pandemic suma pa nila ni Aubrey Miles ug Troy Montero nga nahinabi sa Magandang Buhay niadtong Huwebes.

"Ako, especially during this time, I would say communication. You have to have really great communication and respect. Make sure you respect. Kasi once you have the respect, it's very easy to have the other things, 'yung love and everything. Very good communication and respect each other," nagkanayon si Troy.

Pag-uyon sab ni Aubrey, "Same din 'yung sasabihin ko, 'yung respect niyo sa isa't isa at 'yung respect sa sarili mo. Kasi parang the way na makikita nila na i-respect ka eh kapag sa sarili mo alam nilang 'oh nirerespeto niya ang sarili niya, I have to give that.”

Matud ni Troy, kun adunay kaayohan nga mapupo niining pandemic, kana mao nga mas daghan na sila og panahon nga magbonding kauban ang ilang mga anak.

"If there's a bright side to this pandemic and everything, it has given us more time with the family, more bonding moments. Parang more time na when your kids talk to you, hindi siya rush kasi you're not going anywhere. Minsan-minsan lang we go out of the house pero most of our work is online lang. In a way it's given us a chance to bond and become closer, all of us," niya pa.