Madam Auring, namatay

Nipanaw na si Aurelia Erfelo o mas naila sa publiko isip Madam Auring kinsa sikat nga mananag-an.

Ang iyang apo nga si Simon Pecson ang nipahibawo niini kagahapon. Wala idetalye unsay hinungdan sa kamatayon ni Madam Auring, apan adunay laing apo ang nibutyag nga na-ospital kini niadtong Marso. Naila si Madam Auring human natinuod ang iyang tagna nga modaog si Muhammad Ali laban batok kang Joe Frazier sa “Thrilla in Manila” adtonng 1975.

Natagnaan sab niya nga mahuman ni kanhi President Gloria Arroyo ang termino niini nga walay impeachment, lakip na ang panagbulag nila ni kanhi Presidente Benigno “Noynoy” Aquino III ug Shalani Soledad. Nilugwa sab si Madam Auring sa mga pelikula nga Hinahanap-Hanap Kita, Bikini Open, ug Manay Po 2: Overload. Nipanaw siya sa edad nga 80 anyos.