Tigi sa family sitcoms

Dili managsama og timeslot, apan giisip nga magkaribal sa kasingkasing sa masa ang mga sitcom nila ni Michael V sa GMA7 ug Ian Veneracion sa TV5. Kini kay ang Pepito Manaloto ni Michael u gang Oh My Dad ni Ian, managsama nga nagtuki kabahin sa pamilya. Managsama sab nga molugwa matag Sabado.

Pa-Abs ni Julia

Viral ang hulagway ni Julia Barretto nga gi-upload niya sa instagram niadtong Huwebes sa gabii.  Nakaangkon dayon kini og 330,000 likes ug 1000 comments wala damti og 24 oras. Kasagaran sa nikomento  ni pakpak sa abs ni Julia.

Si Marian?

May usa ka showiz personality matud pa nga nakawaay niya ug dili gyud niya malimtan. Apan nagdumili si Heart paghingan kinsay iyang gipasabot sa kabalaka nga uwanon na sab siya og pagsaway. Apan giklaro ni Heart sa Facebook Live interview sa photographer nga si Raymond Isaac nga nahusay na sila sa maong showbiz personality. Kahinumduman nga nabaniog kaniadto ang away tali ni Heart ug Marian Rivera niadtong gigama nila ang remake sa Temptation Island movie didto sa Ilocos niadtong 2011. Usa ka tuig ang nilabay, nabalita nga nagkauli na sila sa maayong kabutbut-on og civil na sila usag-usa.