Miss Universe Etneb Etneb…
(Banat) - October 29, 2020 - 12:00am

CEBU, Philippines — Nagkita na sila si Miss Universe Manila Alexandra Abdon ug Mayor Isko Moreno.

Gi-upload niya ang ilang hulagway ni Moreno sa Instagram ug may caption nga: Sup mga tolongges.. Ang tolongges street slang sa “fool” o amaw. Wala nay dugag tsika si Abdon kabahin sa courtesy call niya kang Isko kagahapon.

 Si Abdon ang pambato sa Manila kinsa wala man tuod makadaog apan gihangop og maayo sa netizens gumikan sa iyang ka alegre ug pagpakita sa matuod nga siya.

Nagsugod ang tanan niadtong preliminary interview dihang kalit nga niingon si Alexandra ngadto sa judges: Wait, kailangan kong huminga. Kailangan kong huminga.” Kini sa dayong sugod na sa interview, sangllit naghangak siya human nisaka sa hagdanan ug gitugnaw sab matud pa siya.

Niining bag-o lang, viral usab ang video diin kauban ang pipila ka mga kandidata sa Mis Universe Philippines, gipasigarbo ang ilang mga lugar ug gipaila ang ilang mga kaugalingon.

 Dihang turno na ni Alexandra, nisulti siya sa iyang ngalan dayon ingon nga siya si Miss Universe etneb etneb.

Nalingaw kaayo ang netizens niya, ug may mga nanawagan pa nga angayan matud pa kining musalmot sa PBB Connect sa ABS-CBN. Ang uban niingon nga naliwat gyud matud pa si Alexandra sa iyang mayor nga abtik mobalibali og mga pulong.

Mga suod ra gyud

Giklaro nila ni KZ Tandingan ug TJ Monterde nga bisan wala pay pandemic, planado na gyud nga intimate wedding ang ilang ipahigayon aron mga suod ra gyud nila ug saksi sa ilang love story ang naa kauban nila.

Gikasal ang duruha niadtong August 28, apan pagka October na kini nila gipahibawo sa publiko pinaagi sa video nga gi-upload ni KZ.

Pasabot nilang duha ngadto sa radio show All Out sa RX93.1 : "Kami kasi, the reason why we wanted an intimate wedding talaga, pre-pandemic pa, is because we wanted to invite people who were really there from the beginning.

"Na when we are exchanging our vows, makikita mo sila nodding na, 'Yeah, I saw that part. I saw that phase in your relationship.'

"Sa gabing iyon, it's actually a celebration of not only our union, but ang pag-witness ng mga importanteng taong ito sa journey namin. Kaya importante sa amin na kakilala namin."

Dugang pa ni KZ, "It's our wedding day and we only get married once in our lives. Gusto talaga namin na mag-enjoy.

"[We don’t want to be] conscious na baka may hindi kami kakilala na biglang mag-picture sa amin kapag natalisod ako diyan 'tapos i-a-upload.

Judge sa Miss Colombia

Molupad paingon sa nasud sa Colombia sunod bulan si 2018 Miss Universe Catriona Gray aron molingkod isip judge sa Miss Colombia Universe. Aduna sab siyay mga kalihukan didto isip Smile Train ambassador.

“We made it!”

Gihalad ni Miss Universe Philippines Rabiya Mateo ang iyang kadaugan ngadto sa iyang inahan nga si Christine ug  apohan nga nipanaw na nga si Lola Sol.  “We made it, Mama and Lola! Tipik sa labing unang post ni Rabiya sa Instagram human sa iyang kadaugan. Gisaysay niya nga puros single parents iyang mama ug apohan, apan napadako ang ilang mga anak nga puno sa paglaom ug pangandoy.

Dugangan og esena

Humana matud pa ang pelikula nila ni Coco Martin ug Angelica Panganiban kansang shooting gipahigayo didto sa Dubai sa wala pay pandemic. Kini mao ang Love or Money. Apan suma pa ni Star Cinema exective Olivia Lamasan aduna pa silay ipadugang nga mga eksena apan dili pa magtakdo ang schedule nila ni Coco ug Angelica nga managsama nga busy sa ilang tagsa-tagsa ka mga teleserye.

Vice-Ivana, Super Praybeyt!

Malakip si Ivana Alawi sa Super Praybeyt Benjamin ni Vice Ganda. Lakip kini sa Metro Manila Film  Festival 2020 karong Disyembre. Si Cathy Garcia Molina na maong director niini, apan giplansa pa sab nga magtakdo ang mga schedules. Si anhing Wenn Deramas ang director sa unang duh aka Praybeyt Benjamin movie.

Bili sa pamilya

Ang paghatag og panahon sa pamilya ang usa sa mga makahuloganon nga buhat nga namugna ni 2015 Miss Universe Pi Wurtzbach karon nga adunay pandemya. Gibalikan matud pa niya ang iyang mga higala nga dugay na niyang wala mapangumusta ug ang mga naandan nga gimbuhaton nga napasagdan gumikan sa ka busy.

Ikaw among rayna

Mapasigarbuhon sa iyang pag-umangkon nga si Michele Imperial Gumabao ang veteran actress nga si Isabel Rivas. Matud ni Isabel, wala man tuod maangkon ni Michele ang korona sa Miss Universe Philippines, apan alang nila magpabilin kining rayna. “Our respect of your faith, hard work, perseverance, sincerity beauty, passion, kindness & discipline will take you to higher achievements from here onwards.” Second runner-up si Michele sa MUP. Nasayran nga igsuon ni Rivas ang amahan ni Michele nga si Dennis Roldan.

Proud Mama

Maglusad og kaugalingong rattan bags ang 16-anyos nga anak ni Dimples Romana nga si Callie Ahmee isip pagsuporta sa local products. Hinungdan nga labihan ka mapasigarbuhon ni Dimples. “Sometimes I forget you’re only 16. From your wisdom, entrepreneurial spirit, to the way you go about ideas, you make me so proud to be your mama.”

Bahala ka diha!

Tabangan ni Raffy Tulfo si Super Tekla nga makuha ang anak niini gikan sa inahan sa bata ug kanhi niya live in partner nga si Michelle Bana-ag. Kini human napungot si Tulfo kang Michelle gumikan sa pagdumili niini nga magpakuha og lugas sa buhok aron gamiton sa drug test ug masuta kinsay nagsulti sa tinuod. Kahinumduman nga nidangop si Michelle kang Tulfo sa nilabay nga semana ug gireklamo niini si Tekla og sexual abuse. Nipasalig si Tulfo nga mutabang kang Michelle lakip na ang paghatag niini og panginabuhian. Apan dihang nagdumili si Michelle nga mohatag og lugas sa buhok aron maoy i-test, gisapot si Tulfo ug nagkanayon: "Kahit umiyak ka ng dugo, wala na akong pakialam kasi huling-huli ka na. Hindi mo na ako madadala sa iyakan."

MISS UNIVERSE
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with