Determinasyon ni Rabiya
(Banat) - October 28, 2020 - 12:00am

CEBU, Philippines — Labihan ang paningkamot ug determinasyon ang gibubo ni Miss Universe Philippines 2020 Rabiya Mateo kaniadtong nagtungha pa siya.

Kini maoy unod sa post ni Ramon Munez sa Facebook kinsa nisaysay nga nakapuyo sa ilang gipanag-iya nga boarding house si Mateo kaniadtong nagtungha pa kini sa kursong physical therapy sa Iloilo.

Suma niya, mga dul-an sa usa ka semester lamang si Mateo nga nag-istar sa ilaha, wala kini kwarta ug gihatagan lang og banig sa iyang boardmates aron kahigdaan niini.

Nitapos sa kolehiyo si Mateo niadtong 2018 nga cum laude ug best intern.

Sa iyang video sa Ring Light Series sa MUP, gipadayag niya nga dako kaayo niyang kalipay nga nakagraduate siya pinaagi sa paningkamot sa iyang inahan hinungdan nga maningkamot gayud siya kanunay aron malipay ug ipasigarbo siya niini.

Half-Indian si Mateo apan wala niya nakauban ang iyang amahan hinungdan nga naglaom siya nga makataak sa nasud sa India puhon

Pamub-anay'g buhok

Gikagubtan karon sa netizens ang bag-o sab nga nakoronahan nga Miss South Africa nga si  Shudufhadzo Musida, gumikan kay lahi kini sa naandan nga beauty queens. Kun si reigning Miss Universe Miss Universe Zozibini Tunzi, nga gikan pud sa South Africa mubo kaayo’g buhok, si Musida, kagis gyud ang buhok.

Ang 24-anyos nga si Musida gradwado sa kurso nga  Bachelor of Social Sciences in Philosophy, Politics and Economics from the University of Pretoria. Kasamtangan siya nga nagtungha og BA Honours in International Relations.

Mubo sab og buhok ang bag-ong nakoronahan nga Miss Universe Canada nga si Nova Stevens kinsa anti-racism advocate ug spokesperson sa Keep6ix, usa ka organisasyon nga nagtabang sa mga bata-on nga nasaypan nga nakabuhat og krimen. Volunteer sab siya sa Operation Smile.

Ang 27-anyos nga natawo sa South Sudan, Kenya, international model ug katulo niapil sa Miss Universe Canada usa pa hingpit nga nakoronahan.

Mup rating

Nitala og 8% nga nationwide rating ang Miss Universe Philippines pageant nga gisalida sa GMA7 niadtong Domingo sa buntag. Kini sigon pa sa AGB NUTAM. Suma pa sa observers, maisip nga taas na kini nga rating sanglit dili pa kaayo daghan ang motan-aw og TV basta buntag kun buot hunahunaon. Samtang ang replay niini nianang pagka gabii, nitali og 3% rating.

Indecent proposals

Normal na matud pa ang indecent proposals nga nadawat nila kaniadto isip membro sa Viva Hot Babes suma pa ni Sheree. Nag-reunion ang pipila ka membro niini isip pangandam sa ilusad nila nga Viva Hot Babes Youtube Channel. Nitunga sila si  Maui Taylor, Katya Santos, Gwen Garci, Andrea del Rosario, JC Parker, Zara Lopez, ug Sheree. Sikat ang grupo kaniadto kansang hit songs mao ang Bulaklak ug Kikay.

Excited much si lola

Nagpanikad na si Nenita Schiavone nga makugos ang iyang labing unang apo nga anak nila ni Assunta de Rossi ug Jules Ledesma. Atua pa sa Italy si Nenita, ug dili pa matino kanus-a kini makabalik sa Pilipinas gumikan sa pandemya. Pangutana niya ngadto sa lain pa niyang anak nga si Alessandra kun mailhan ba kaha siya sa iyang apo nga gitubag sa aktres nga sigurado gyud nga makaila sa iyang lola si Fiore sanglit sabaan kaayo kini.

Dili pa priority

Makadaghan na gihagad si Michelle Vito aron paapilon og national beauty pageants, apan nibalibad pa kini sanglit pagtungha ug showbiz ang iyang mga priority. Apil si Michelle sa cast sa bag-ong ABS-CBN teleserye nga Bagong Umaga, ug naa sab siya sa toprating series, Ang Sa Iyo Ay Akin.

Bug-at nga paghukom

Nakadayeg kaayo si Dingdong Dantes sa iyang asawa nga si Marian Rivera nga gibalibaran gyud ang TV comeback unta niini nga First Yaya sa GMA7 kauban si Gabby Concepcion. Matud ni Dingdong nga labihan ka lisud para sa iyang asawa ang desisyon niini sanglit nasayud siya nga naghinamhinam na gyud ang aktres niining maong project unta. Apan gumikan sa pandemya, gibalibaran na kini ni Marian ug si Sanya Lopez na ang gihulip niya. Matud ni Marian, dili siya magsilbi sa lock in taping sanglit nag-atiman pa siya sa online schooling kwatro anyos nilang anak nga si Zia ug mag-patutoy pa siya sa one year old nga si Ziggy.

Nahadlok sa gidangatan

Nahadlok si Jake Cuenca sa nahitabo sa character sa iyang gibidahan nga horror movie nga Sitsit nga ipasalida sa IWantTFC. Kini kay niya pa nasobrahan ang pag-inom og lumay niini hangtud nga dili na maayo ang gipangbuhat niini ngadto sa iyang isigkatawo. Samtang nakauyon kaayo si Jake sa lok in taping sanglit maka concentrate gyud matud pa ka sa imong trabaho ug dili nimo mawagtang sa imong hunahuna unsaon pag-atake ang imong character sa usa ka salida.

Na-crush diay

Medyo nauwaw si Ivana Alawi sa producer sa iyang horror film nga Sitsit nga si Paulo Avelino. Kini kay crush diay niya si Paulo kaniadto. Mao nga sa sinugdanan wala siyay tingog tingog basta naa si Paulo kay nauwaw siya hangtud nga iyang naobserbahan  nga hilumon ug mauwawon sab si Paulo hinungdan nga makigistorya na siya. Duha ang istorya sa Sitsit, kang Ivana giulohan og Aswang, ug ikaduha mao ang Scorpio diin bida si Jake Cuenca.

Sgt. Arci

Nitapos na si Arci Munoz sa iyang 30 ka adlaw nga training sa Philippine Air Force Reserve Command o PAFR ug Sargent na iyang ranggo.  “For thirty training days, she underwent HADR training, marksmanship training, Obstacle Course, Field Training Exercise (FTX) and other activities that prepared her for her future roles as a Reservist of the Phippine Air Force,” nagkanayon ang post sa PAFR, kansang graduation gipahigayon niadtong Lunes.

Huling ulan sa tag-araw

Gi-usab na pud ang title sa upcoming launching movie sa loveteam nila ni Rita Daniela ug Ken Chan o RitKen, nga ubos sa Heaven’s Best Entertainment nga gipanag-iya ni Harlene Bautista. Unang title niini mao ang My First, Your Last (Luis Loves Luisa), apan giusab kay mora’g nagpasabot og first day, last day sa takilya. Gihimong My First and Always ang title. Kagahapon sa birthday ni Harlene, ipahibawo nga bag-o na ang title ug mao na gyud kini ang final: Huling Ulan Sa Tag-araw.

"Siguro, isinilang ako sa mundo para mahalin ka. Mamahalin kita nang sobra." Mao nay linya ni Ion Perez ngadto kang Vice Ganda atol sa pagsaulog nila sa ilang ikaduha ka tuig isip maag-uyab. Si Vice sab sa iyang bahin, naghimo og balak diin gipadayag niya iyang pasalamat ug pagmahal kang Ion nga wala gyud matud pa siya gikauwaw ug wala magtagad sa negatibog reaksyon sa uban.

RABIYA MATEO
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with