Rabiya, nasakitan, nisabot na lang!

CEBU, Philippines — Gisakitan si Miss Universe Philippines Sabiya Mateo sa mga intriga nga gibato ngadto niya ilabi na ang may labot sa matud pa, gihatag na daan ang pangutana ngadto niya hinungdan nga nakatubag siya.

Sa interview ni TV5 entertainment correspondent MJ Marfori kang Sabiya niadtong Domingo human sa press presentation, emosyonal nga namahayag ang bag-ong rayna.

“To be honest po, maybe I wasn’t a frontrunner so people didn’t expect me to win and now that I have the crown...

“I’m sorry I’m being emotional. They’re questioning my capability as a person, as a candidate… but I know that I did everything and anything that I could during that night and ibinigay ko talaga.

“And yung mga nagsasabi na the question was given to me that’s why I answered that way, it wasn’t given po sa akin.

"I did everything that I could because I want to make Iloilo City proud,” nagkanayon siya.

Matud niya nga mahimo ra gyud untang istoryahan nila ang mga isyu ug dili na lang dak-on.

“Of course it was painful because there are things na you can settle by talking with each other.

"At the end of the day, this is a competition and being the bigger person in the picture, I need to understand where they are coming from,” niya pa.

Angayan Gyud Marayna!

Gidepensahan ni Miss Davao Alaiza Malinao ang bag-ong Miss Universe Philippines nga si Rabiya Mateo batok sa mga intriga nga gibato ngadto niini nga nakamugna og pagduda sa kadaugan niini.

Suma pa ni Malinao angayan gyud si Mateo sa iyang kadaugan. Kini kay niya pa determinado kaayo ang pambato sa Iloilo City sa bag-ohay lang nahuman nga indigay.

Matud ni Malinao si Rabaya ray nag-make up sa iyang kaugalingon, taliwala sa mga intriga nga nagbitbit kini og kaugalingong glam team didto sa Baguio City.

Dugang pa ni Malinao nga determinado gyud matud pa si Mateo kay niadtong preliminary interview nila, nagpunay kini’g practice sa iyang pagrampa.

Sa rehearsals sab, matud ni Malinao nga magpasuok ra si Mateo og magsige og practice para sa Q&A.

Gumabao: I can handle defeat

Giklaro ni Miss Universe Second Runner-up Michelle Gumabao nga makamao matud pa siya nga modawat og kapildihan, apan nibiya siya sa Bagyo Convention Hall niadtong Domingo sa buntag gumikan kay naglibog siya unsay itubag ngadto sa nagpunay og pangutana nganong dili siya maoy nidaog.

Matud ni Gumabao nga Sabado sa gabii pa siya nakahibawo sa resulta. Nasayran nga Biyernes sa gabii pa gipahigayon ang coronation night ug nahuman kini mga alas tres sa kadlawon na nahuman. Apan, wala pay bisan usa sa naglangkob sa Final 5 ang nahibawo kinsay nakadaog sanglit tagsa-tagsa sila nga gikuhaan og video samtang gikoronahan ni Miss Universe 20119 semifinalist Gazini Ganados.

Ang pamahayag ni Gumabao nga gimantala sa IG account sa Aces&Queens (nga iyang beauty camp) nagkanayon:

"To all my Michelin stars thank you for being with me on this journey!

"I love each and everyone of you! Thank you for all your support! Til the very end Laban!

"I left this morning sa bcc while the pageant was on going.

"I knew who won last night pa I tried to go to our viewing party but everyone kept asking what happened all the hugs all the looks i couldnt handle that.

"I can handle defeat hahahaha I can't handle the people asking me why why why. "I'm sharing this with you because you deserve to know my side, we don't need to defend to anyone.

"I did my very best and I have no regrets."

Walay isyu uy!!

Gidepensahan ni Miss Universe Philippines, 3rd Runner-up Pauline Amelinckx ang pageant host nga si KC Montero  batok sa mga pagsaway kay matud pa gibastos niini ang pambato sa Bohol atol sa Q&A, ug nga daw gipaboran niini ang nakadaog nga garbo sa Iloilo City.

Kini dihang nibawos si Amelinckx og pangumusta apan niingon si KC nga dili siya mahimong pangutan-on.

Una na nga nidepensa si KC nga taped ang pageant busa edited na ang version nga gipakita sa TV sanglit nagkataw-anay pa gani sila ni Miss Bohol sa wala pa niya kini gipangutana.

Gisigundahan kini ni Amelinckx nga nagkanayon nga dili angayan himuon og isyu ang nakita sa telebisyon sanglit wala gyud silay problema ni KC. Gani, nakatabang pa kini niya aron ma-relax siya sa wala pa siya nitubag sa pangutana.

Pagtin-aw ni Amelinckx pinaagi sa iyang IG story: "We had small talk on stage before the QnA which helped me take a breath and calm my nerves before answering the Question. "That part was indeed cut short for airtime.

"Regardless, what he said in response to me asking how he was doing was just humor to me."