Rabiya: I want to use my strength to make an impact

CEBU, Philippines — Ang pambato sa Iloilo City nga si Rabiya Mateo maoy nakoronahan isip labing unang Miss Universe Philippines.

Daghang ang nipakpak sa tubag ni Mateo sa usa sa duha ka final questions nga nagkanayon: "If you could create any new paper currency with the image of a Filipino on it, dead or alive, who would it be and why?"

Tubag ni Mateo: "If I were given the chance, I want to use the face of Miriam Defensor Santiago for those who don't know, she was an Ilongga.

"But what I admired about her is that she used her knowledge, her voice to serve the country.

"And I want to be somebody like her. Somebody who puts her heart, her passion into action."And after all, she is the best president that we never had."

Ang laing pangutana nga gibato ngadto kang Rabiy mao kini: "This pandemic has made clear our priorities, essential or non-essential. Where do pageants stand in this crisis?"

Tubag niya, "As a candidate, I know I'm not just a face of Iloilo City.

"But I am here carrying hope as a symbol of light in the darkest times.

"As of the moment, I want to help my community. I want to use my strength to make an impact.

"And that is the essence of beauty pageants—it gives us the power to make a difference."

Samtang ang ubang mananaog mao kining musunod:

First runner-up: Miss Parañaque Ysabella Roxas Ysmael

Second runner-up: Miss Quezon City Michelle Gumabao

Third runner-up: Miss Bohol Pauline Cucharo Amelinckx

Fourth runner-up: Miss Cavite Billie Hakenson

Wala silay group photo isip mga mananaog sanglit ang chika mao nga taped as live na niadtong Biyernes sa gabii ang coronation kagahapon, diin ang top 5 tagsa-tagsa nga gikuhaan og video nga gikoronahan ni Bb.Pilipinas Universe 2019 Gazzini Ganados, hinungdan nga alas tres na sa kadlawon niadtong Sabado nahuman ang taping.

Samtang pasok gyud sa Top16 ang mga pambato sa Sugbo nga naglangkob nila ni: Miss Cebu City Tracy Maureen Perez, Miss Mandaue City Lou Dominique Piczon ug Miss Cebu Province Apriel Smith.

Sandra’s pasabog!!

Aduna matud pay ipabuto nga kontrobersiya si Miss Taguig Sandra Lemonon karong adlawa.

Wala pa gidetalye ni Lemonon kabahin sa unsa kini, apan nagduda ang mga netize nga kabahin kini sa bag-ohay lamang nga nahuman nga Miss Universe Philippines pageant diin nalakip siya sa Top 16 candidates.

Nagduda sab ang netizens nga kabahin kini sa bag-ong nakoronahan nga Miss Universe Philippines nga si Rabiya Mateo sanglit gi-unfollow na matud pa ni Sandra ang maong rayna sa Instagram. Hasta sab ang second runner-up nga si Michele Gumabao wala na mo follow kang Rabiya.

Naintriga sab ang netizens sanglit bugtong si Gumabao lamang ang wala mopatim-aw kagahapon sa press presentation nilang lima ka mga mananaog.

Samtang ang makapa intriga nga post ni Sandra sa iyang IG story human gyud sa coronation kagahapon nagkanayon: Get ready loves, tomorrow I will announce big news. It’s time to be honest and speak facts.  The truth always comes out. It’s just about timing. Karma is real soon. Because we deserve justice.

Dili bet

Samtang ang mga chismosa nagpusot-pusot sab ang posts pinaagi sa nagkadaiyang social media sites kabahin sa umaabot nga isyu nga pabuthon ni Sandra. May mga niingon nga dili matud pa bet o wala mauyoni sa ubang mga kandidata si Sabiya. May mga niingon nga gumikan kini kay nagdala og kaugalingong glam team didto sa Baguio City alang sa kompetisyon bisan daan na silang gipasabot nga dili kini pwedeng buhaton. Ang nakapaliki matud pa kay nisugot ra sab MUP organizers. Kahinumduman nga niapil si Sandra sa Bb. Pilipinas pageant niadtong 2018 diin nalakip siya sa semifinalists. Nag-trending siya human nga wala makatubag sa pangutana kabahin sa ‘Build, Build, Build” projects sa adminstrasyon.

True Queen

Samtang salabtunon sab ang tweet ni Miss Universe 2014 semifinalist MJ Lastimosa kagahapon. Si MJ nga usa sa mga hurado, nagkanayon: BBP2012 taught me my biggest pageant lesson in life. A true queen is one who can accept defeat and rise above it. A crown doesn’t define us, we define it. This is not the end but only the beginning for our #MissUniversePhilippines girls. Congratulations everyone.

Kahinumduman nga katulo niapil sa Bb. Pilipinas si MJ kaniadto usa pa siya narayna. Una siyang nisalmot adtong 2011 diin nahimo siyang second runner-up ug si Shamcey Supsup ang nidaog. Pagka sunod tug, subli siyang nisalmot ug nalakip sa Top12. Pagka 2014, nibalik siya og apil diin hingpit na siyang nidaog isip Bb.Pilipinas-Universe.