“No to red-tagging, Yes to red lipstick”

CEBU, Philippines — Giklaro ni Angel Locsin pinaagi sa Instagram kagahapon nga dili siya sakop sa New People’s Army kun NPA.

Kini human usa ka taas nga opisyal sa milatar ang nilambigit niya, iyang igsuon nga si Ella ug uyuan nga si Bayan Muna chairperson Neri Colmenares ngadto sa NPA.

 "We live in a country where our freedom to speak and express ourselves are enshrined and protected by the Constitution. May paniniwala ako, may paniniwala ka. At sa ilalim ng Consitution, pareho tayong mayroon karapatan sa ating nga sariling paniniwala," niya pa.

"Kung magkaiba tayo, hindi ibig sabihin pwede mo na ako i-red tag. Hindi tayo magkakalaban dito. Hindi rin ako 'red'. Magkaiba lang tayo ng paniniwala.”

#NoToRedTagging, #YesToRedlipstick ang gigamit nga mga hashtag ni Angel sa iyang post nga nakadawat og 156, 915 likes sa Instagram sulod lang sa unom ka mga oras. Ang paglambigit sa ngalan nila ni Angel, nitumaw human usab nibuhi og pasidaan ang maong military official ngadto kanila  ni Liza Soberano ug Catriona Gray.

Gikondena sa kampo nila ni Liza ug Catriona ang nahitabong red-tagging nga gihulagway nila nga dili makatarunganon ug “uncalled for.”

WOW, Eric!

Viral ang hulagway ni Eric Quezon kagahapon human siya nag-post nga nagtapis lamang og tualya. May mga nakadayeg sa iyang lawas nga na maintain gihapon sa edad nga 53-anyos.

Walay issue!

Gipakagamay ni Kim Chiu ang nagsugod na pagtuyhakaw nga intriga sa kun kinsa gyuy haom tawgon nga “Queen of the Dance Floor” nga may gihatag nga gitulo ngadto niya sa ASAP Live. Kini human usab nibiya si Maja Salvador aron molangkob sa mga hosts sa Sunday Noontime Live sa TV5. Matud ni Kim, walay isyu. Ang importante, malipayon sila sa ilang gibuhat, ug malingaw sab ang viewers.

Wala moy labot!

Nahibulong si Kylie Versoza nganong nahimong isyu nga nagtipon sila og puyo sulod sa tulo ka bulan saiyang uyab nga si Jake Cuenca. Matud ni Kylie, hagbay ra matud pa siyang independent, ug dili na sila mga teenager ni Jake. Naa sa hustong edad na sila. “Naiinis kasi ako na parang ano ba’ng pakialam n’yo, di ba? Para sa akin, pakialam n’yo ba? Ganoon ako mag-isip, eh. So what?”

Bag-ong shows

Adunay umaabot nga shows sila si Boy Abunda ug Charo Santos Concio sa KUMU. “The Best Talk” nga usa ka talk show ang kang Abunda, samtang, Dear Charo ang kang Concio nga us aka lifestyle show.

Pasok na’s Cignal

Kumpirmado na nga makita sa Cignal ang Kapamilya Channel sa dili madugay. Kini maoy gi-tweet ni Vice Ganda sa nilabay nga adlaw nga giuyonan sab sa mga taga Cignal. Naa sa Kapamilya Channel ang FPJ’s Ang Probinsyano, Ang Sayo Ay Akin, u gang Bagong Umaga nga magsugod na karong Lunes puhon.

Laban ni Tekla

Gipanalipdan nila ni Donita Nose ug Boobay ang ilang higala ug katrabaho nga si Super Tekla taliwala sa pasangil sa live-in partner niini nga biktima siya og sexual ug financial abuse. Matud sa duruha ka mga komedyante, bakak ang maong pasangil. Nagbisyo man tuod si Tekla kaniadto apan nagtarong na kini sa iyang kinabuhi. Inlab matud pa kaayo si Tekla kang Michelle busa impoibling tuohan ang mga alegasyon niini.

Mabdos  si Vaness

Mabdos sa ilang unang anak ni Matt Kier ang Starstruck alumna nga si Vaness del Moral. Duha ka bulan na ang iyang gisabak, apan gitago niya kini sulod sa duha ka semana human niya og pregnancy test. Kini kay tumong niya nga sorprisahon ang iyang bana pinaagi sa maong balita atol sa birthday niini. Tuod man, wala makatingog iyang bana, apan tataw nga nalipay kini sa sorpresa.

Mahinayon lagi

Giklaro ni direk Cathy Garcia-Molina nga dili kanselado ang gikahinaman nga John Lloyd Cruz-Bea Alonzo reunion movie. On hold lamang kini, dili lamang gumikan sa pandemya, kundili, kay dili na magtakdo ang ilang mga schedule. Suma pa niya, aduna gyuy creative process nga sundon, busa samtang gihapasay nila ang mga detalye sa pelikula, naabtan nga dili na pwede si Lloydy sanglit aduna na kini prior commitments. Apan gipaniguro niya nga mahinayon gyud gihapon ang maong reunion movie.

Fresh episodes

Inanay na nga fresh o bag-ong episodes ang ipakita sa GMA7 sa ilang mga teleserye. Sa November 5, bag-ong episodes na ang isalida sa Descendants of the Sun nila ni Jennylyn Mercado ug Dingdong Dantes. Ang ubang teleserye sama sa Bilangin Ang Bituin, Anak ni Biday vs. Anak ni Waray ug Prima Donnas nakahuman na sab og lock-in taping busa andam na ang ilang mga fresh eisodes.

Ganahan mag-artista

Pangandoy na gyud diay ni Ginebra San Miguel Girl Christelle Abello nga ma-artista kaniadto pa. Nangandoy sab siya nga magka billboard. Kun mahatagan og higayon nga makasulod sa showbiz, ganahan siya nga makatrabaho si Anne Curtis nga niya pa, humble kaayo. Ganahan sab siya makatrabaho si Daniel Padilla sanglit Kathniel fan gyud siya kaniadto pa samtang nagdako didto sa California. Apan focus una siya sa Miss Universe Philippines pageant isip pambato sa Aklan.