CEBU, Philippines — Gihimakak sa Kapusong si Tekla ang mga alegasyon sa iyang live-in partner nga si Michelle Lhor Bana-ag kabahin sa matud pa sexual abuse ug kakuwang nga pinansyal nga ayuda. Matud ni Tekla, unta giistoryahan na lang nilang pribado ang maong mga hisgutanan. "Michelle, karapatan mo yun, karapatan mo yun, nung una pa lang. Binlock n'yo na ako sa Facebook, wala akong idea nagkalabuan tayo. Gusto mong makipaghiwalay sa akin. Hindi ko pinagsisiksikan yung sarili ko sa inyo Michelle. Alam mo yan sa sarili mo. Alam mo yan, Michelle. Six years. Magsi-six years, anim ko kayong inaruga. Six years, wasted lahat,"
Importante daghang nalipay
May mga nihingalan na kang Gardo Versoza nga bayot nga karon lamang niladlad gumikan sa viral Tiktok videos niya kauban sa iyang asawa nga si Ivy. Kuntudo make up man gud si Gardo sa uban niyang videos. Apan matud ni Gardo, kinsa modala og papel sa us aka bayot sa The Hows Arrest of Us movie series sa Kathniel, dili na niya tagdon ang ingon niini nga pagsaway. Ang importante niya pa, mas daghan ang nalipay.
Vicky vs. Korina
Angg Wish Ko Lang ni Vicky Morales sa GMA7 ang makontra sa Rated Korina ni Korina Sanchez sa pagsugod na niini ugma puhon sa TV5. Palig-onay gyud sila og episodes. Ang Wish Ko Lang ni Vicky ugma kabahin sa usa ka pamilya nga nakadaog sa lotto apan gidemalas. Si Korina nipahibawo na nga aduna sila istorya kabahin sa usa ka inahan nga gihimong balay ang iyang van. Ugma, 4pm to 5pm ang unang panagsungag sa duka mga shows.
Kissing scene
Trending hangtud karon ang kissing scene nila ni Jennylyn Mercado sa ilang I Can See You” Truly, Madly, Deeply” pilot episode niadtong October 19. Istorya kini sa mag-bestfriends niadtong high school pa sila nga nagkalagyo human nikompisal ang usa nga nahigugma siya sa iyang higala labaw pa sa bestfriend. Paglabay sa mga katuigan, subling nagkurus ang ilang mga dalan.
Ganahan mag-artista
Nikabat na ngadto sa 37, 000 ang ni-audition alang sa PBB Connet pinaagi sa KUMU app, human gipahibawo niadtong Domingo nga subli na nga moabli ang Bahay ni Kuya. Hangtud sa November 11 pa ang audition.
Love na kaayo
Gipaambit ni Heart Evangelista ngadto sa PEP niining bag-o lang nga nakumpirma niya nga lawom na ang gugma sa mga anak ni Chiz Escudero ngadto niya niadtong nakuha ang iyang gisabak nga kaluha unta niadtong 2018. Sukad 2012, niadtong nagsugod ang relasyon nila sa iyang bana nga si Chiz, gisugdan sab ni Heart ang pag-umol og relasyon ngadto sa duha ka mga anak sa nahauna. Ug niadtong 2018, nation niya nga lawom na gyud ang pagbati nila sa usag-usa sanglit apektado ang duha sa pagkapunit sa umaabot unta nila nga mga igsuon.