CEBU, Philippines — Gitugtan sa Binibining Pilipinas Charity Inc.ang Talisaynon nga si Gazini Ganados nga maoy mokorona sa mapili nga labing unang Miss Universe Philippines didto sa Baguio, City karong October 25.
Usa ka bulan nga gipaabot ang hukom sa BPCI kalabot sa kagustohan sa grupo nila ni kanhi Miss Unuverse 3rd runner-up Shamcey Supsup aron si Gazini gyud maoy mokorona.
Nasayran nga dili na ang BPCI maoy naggunit sa Miss Universe franchise dinhi sa nasud sugod karong tuiga, kundili ang grupo na nila ni Supsup.
Si Gazini, kinsa nalakip sa Top 20 candidates sa Miss Universe sa nilabay nga tuig ang katapusang naghupot sa titulo nga Bb. Pilipinas-Universe.
Sa interview sa ABS-CBN, si Gazini nagkanayon: “I thank the Binibining Pilipinas Charities for allowing me to relinquish the Miss Universe Philippines crown to my successor. It has been an experience of a lifetime. My journey is about to come full circle, and being able to pass on the legacy personally is the final chapter i will forever cherish."
Rating sa SNL, tungason pa!
Trending ang pilot episode sa Sunday Noontime Live sa TV5 niadtong Domingo, sanglit daghan ang nag-atang unsay bag-o niini, ilabi na nga ang pipila ka hosts lakip na ang director, gikan sa ASAP Live sa ABS-CBN. Busa, sugod niadtong Domingo, tulo ka noontime shows ang nagsungagay sa ratings game: SNL, ASAP Live ug All- Out Sundays sa GMA7.
Sigon pa sa www.pep.ph, wala pa malakip ang A2Z Channel--diin makita ang ASAP Live---sa ratings survey, busa TV5 ug GMA7 pa ang nasuta.
Suma pa, nitala og 1.2 percent rating, base sa AGB Nielsen Philippines national urban audience measurement data ang bag-ong show nila ni Piolo Pascual, Maja Salvador ug Catriona Gray ubos sa direksyon ni Johnny Manahan.
Gipildi kini sa All – Out Sundays sa GMA7 nga nihipos og 5.8% noong October 11.
Ang duha pa ka mga bag-ong show sa TV5 niadtong Domingo mao mao ra og rating sa SNL. Ang gag show nga Sunday Kada nakakuha og 1.5%, samtang ang romance drama nga I Got You adunay 1.1%.
Replay episode ang gitugbang sa GMA7 niini nga mao ang Wagas nga nitala og 4.9%, gikan sa sa 5.3% niadtong October 11. Ang bag-ong episode sa Dear Uge nakaangkon og 4.8%, nikunhod og 1% kun itandi niadtong October 11 nga rating.
Gihunahuna’g maayo
Nilungtad pa og tulo ka adlaw una nihukom si kanhi Miss International Kylie Versoza nga dawaton ang lead role sa Pinoy adaptation sa Viva Films sa Korean melodramatic erotic film nga The Housemaid. Daring ang mga esena sa housemaid nga si Daisy-- nga maoy hatagan og kinabuhi ni Kylie—kauban sa iyang amo nga lalaki nga pagad-on sa beteranong si Albert Martinez. Apil sab niini ang mga beteranang aktres nga sila si Alma Moreno ug Jacklyn Jose. Nasayran nga niadtong 2010 pa kini namugna sa South Korea ug nahimong entry sa Cannes Film Festival.
Showbiz forever
Disisiete na ka tuig si Maja Salvador sa showbiz, ug nakita niya nga nakita niya nga magpabilin pa gyud siya og dugay sa industriya. Kini maoy gitug-an niya sa latest vlog ni Enchong Dee. Matud ni Maja, mohinay-hinay siya puhon kun ugaling aduna na siyay pamilya aron kini maoy iyang hatagan og dakong atensyon, apan dili gyud siya mawala sa showbiz.
Sarah’s Priority
Pamilya sab ang priority ni Pop Star Princess Sarah Geronimo pito ka tuig sukad sa ilang kasal ni Matteo Guidicelli. Suma pa niya sa virtual presscon sa Manulife niining bag-o lang, ang iyang bana maoy iyang gibubuan sa iyang dakong panahon karon, apan giklaro niya nga magtigom una sila, sa dili pa sila magbaton og anak.
Ayaw mo’g binuang!
Mensahe ni Ruffa Gutierrez ngadto sa umaabot nga karelasyon sa iyang mga anak nga kinahanglan mahalon gyud nila si Lorin 17, ug Venice 16. Kay kun binuangan matud pa, dili lang kay siya ug ang amahan sa iyang mga dalagita ang makontra kundili ang iyang tibuok pamilya.
Mas nidaghan ang fans
Gibutyag ni Kim Domingo niining bag-o lang nga daghang mga lalaki nga fans ang nawala o nibiya human nga giusab niya ang iyang image—gikan sa pagka sexy star ngadto na sa dramatic actress niadtong 2018. Apan mas daghan matud pa ang nipuli nga nagmahal niya karon sanglit dili na lang mga lalaki ang iyang fans, kundili aduna nay mga bata. Nagsugod kini niadtong 2017, dihang siya maoy kontrabida ni Marian Rivera sa GMA7 series nga Super Maam.
Balik Vicor
Balik Vicor Music si Martin Nievera, human siya gitanyagan sa maong music label nga magrecord og album karong may pandemya. Medyo na emosyonal si Martin niini sanglit ang Vicor maoy naghatag niya og break kaniadto, diin matud pa niya, wala pa siyay ngalan gyud,apan nisugal ang maong record label niya, ug nakahimo siya og lima ka mga album niadtong 1983 hangtud 1989.
Makaguol uy…
Giangkon ni Loisa Andalio nga muna-muna niyang pugong sa tinuod niyang gibati taliwala niining pandemya nga nawad-an siya og trabaho. Suma pa niya ngadto sa Magandang Buhay siya maoy breadwinner, busa dili siya buot nga maguol ang iyang pamilya, busa nagpa aron ingnon siyang okay ra ug lig-on siya,apan ang tinuod, naguol ug nahadlok gyud siya nga wala pa siyay trabaho gumikan niining pandemic.
Dili lalim
Nagbreakdown si Barbie Imperial sa lock in taping sa umaabot nga teleserye sa ABS-CBN nga Bagong Umaga nga isalida karong Lunes. Kini kay gimingaw matud pa siya kaayo sa iyang kuya ug sa ilang balay, ug dili matud pa lalim nga daghang limitasyon. Suma pa niya, bisan tuig og nakasinati na siya og ingon niini niadtong niapil siya sa Pinoy Big Brother, lahi ra ang sitwasyon nga igo ra magtan-aw sa mga tawo sa gawas, samtang sila naa ra sa hotel ug dili makagawas. Pero gikaya gyud niya pa ang tanan sanglit breadwinner siya.
MU sauna
“I spent a lot of time with John Prats growing up because we were like the love team. He was my MU [mutual understanding]. I remember our [hashtag] was 020202 nu’ng naging MU kami nu’ng bata kami,” kana maoy giangkon ni Heart Evangelista sa iyang latest vlog, samtang gilab-as ang iyang mga projects kaniadto sa ABS-CBN.
Balik na’s Pia
Balik Instagram na si kanhi Miss Universe Pia Wurtzbach, usa ka semana human siya u gang iyang inahan, ginganlan og dili mao sa iyang manghod nga si Sarah. Gikalipay sa followers ni Pia nga nagparamdam na siya sa IG niadtong Lunes sa gabii piaagi sa pag-upload og mga hulagway sa iyang pag-istar sa us aka resort sa Batangas.