Duha Sugbuanon
(Banat) - September 25, 2020 - 12:00am

CEBU, Philippines — Duha ka mga sugbuanon ang lakip  sa Top 30 sa mobalik na nga talent search sa GMA7 nga The Clash. Sila mao si Monique delos Santos ug Jessica Villarubin. Season 3 na sa The Clash. Sa labing unang season niini, ang sugbuanon nga si Golden Canedo ang nidaog.

Gabby Resigned

Ni-resign isip Chairman Emeritus sa ABS-CBN si Eugenio “Gabby” Lopez III. Ni-resign sab siya isip board of director niining musunod nga kompaniya: ABS-CBN Holdings Corporation, Sky Vision Corporation, Sky Cable Corporation, First Philippine Holdings Corporation, First Gen Corporation, ug Rockwell Land Corporation. ‘Personal reasons” lang ang ang gitmbok ni Lopez sa mao niyang resignation.

Kapamilya Forever

Gipadayag ni Noli de Castro nga dili gyud siya mobiya sa ABS-CBN. Siya matud pa ang matuod nga Kapamilya Forever sanglit sakop na siya sa network niadtong gideklara ang 1972 martial law sa Pilipinas. Dungan niini, gipadungog-dungog ni Noli ang ubang talents nga nibiya na sa ABS-CBN, pinaagi sa pag-ingon nga “walang forever.”

Tangkong ang ganahan

Tangkong ang paborito ni James Reid. Kini maoy iyang gibutyag atol sa usa ka event sa Department of Agriculture didto sa Nueva Ecija. Si James maoy gipili nga Ambassador on Food Security sa nahisgutang ahensya.

Gigi nanganak

Malipayon nga gipahibawo ni kanhi One Director member Zayn Malik nga nanganak na iyang hinigugmang supermodel nga si Gigi Hadid. Babaye ang una nilang liwat.

Tak-om gyud

Gi-greet ni Janella Salvador ang iyang inahan ng si Jenine Desiderio kinsa nag-50th birthday sa nilabay nga adlaw. Pero tak-om gyud gihapon si Janella sa tsika nga manganakay na siya karon didto sa United Kingdom kauban ang iyang uyab nga si Markus Paterson.

Perteng pasalamat

Hilabihan ang pasalamat ni Melai Cantiveros ngadto sa magsuong Toni ug Alex Gonzaga gumikan sa kaayo nga gipatagamtam sa duruha ngadto kaniya sa ilang shooting sa bag-ohay lang nahuman nga pelikula. Matud ni Melai, lahi ra gyud matud pa kun barkada nimoang katrabaho kay lingaw ug gaan kaayo sa buot. Mapasigarbuhon sab siya kang Fifth Solomon nga higala sab niya ug maoy ilang director.

Stress diay

Stress ug dili eating disorder ang rason nganong nagniwang siya karon og maayo. Kini maoy giklaro ni Rhian Ramos niining bag-o lang. Niadtong Mayo, gibutyag sab niya nga nahiagom siya og depression gumikan sa pandemya.

Birthday ni Coleen

“I praise God for you,” ang mensahe ni Billy Crawford ngadto sa iyang asawa nga si Coleen Garcia kinsa nagbirhday kagahapon. Bag-ohay lang nga gihimugso ni Coleen ang ilang baby girl ni Billy nga ginganlan nila og Amari. Duh aka tuig na silang kasado.

Gikiha gyud

Pormal na nga nipasaka og reklamo si Liza Soberano ngadto sa usa ka empleyado sa usa ka internet provider nga nibuhi og “rape joke” batok niya. Suma pa, pagpahinumdum matud pa kini nga dili angayang magbinuang kabahin og rape ug nga angayang respetuhon ang kababay-an. Nakugang si Liza sanglit babaye ra sab sama niya ang nibuhi og nahisgutang joke.

GMA7
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with