The Clash Na!
Ryan Mark (Banat) - September 24, 2020 - 12:00am

CEBU, Philippines — Nagtaping na niadtong nilabay nga adlaw ang The Clash Season 3 sa GMA7 nga gitakdang makita na sa telebisyon karong October 3. Sila gihapon si Julie Anne San Jose ug Rayver Cruz ang hosts, ug Clash Mates sab gihapon sila si Rita Daniela ug Ken Chan. Mubalik sab isip mga hurado sila si Ai Ai Delas, Lani Misalucha, ug Christian Bautista.

Tiktok

Nahimong lalis nila ni Jake Ejercito ug sa iyang anak nga si Ellie ang Tiktok. Dili gyud unta ganahan si Jake nga magtiktok ang iyang 9 year old nga anak, apan, wala naminaw niya si Ellie, hinungdan nga nisugot na lang siya dungan sa pahimangno nga magmatngon ug magmabinantayon. Si Ellie, anak ni Jake ug sa iyang kanhi hinigugma nga si Andi Eigenman.

Naliwat gyud!

Mura’g mahimo nang regular si Baby Tali sa noontime show Eat Bulaga puhon. Kini kay nilugwa na sab siya kauban ang iyang papa nga si Vic Sotto sa Bawal Judgemental segment niining bag-o lang. Gibutyag ni Pauleen Luna nga excited gyud kanunay ilang anak basta paabilin og co-host sa Eat Bulaga.

Kanus-a man?

Pangutana karon kanus-a magpasalamat si Piolo Pascual ngadto sa mga tawo nga maoy nidepensa niya human sa gibutyag ni BB Gandanghari kabahin sa actor ug ni Rustom Padilla kaniadto. Padayong nagpakahilom si Piolo kabahin sa maong isyu nga inanay na nga nahilom.

Depensa Higala

Gidepensahan nila ni Carlo Aquino ug Young JV si Gerald Anderson kabahin sa gipabuto ni Jay Sonza nga matud pa, napamabdosan sa actor si Julia Barretto. Matud ni Carlo,aduna pay mas daghang importante nga gimuhaton kaysa magpakatap og fake news. Si Young JV sab nihulagway nga fake news gyud ang maong balita.

Mapasalamaton

Niabot na og 10 million ang Intagram followers ni Andrea Brillantes. Suma pa sa www.latestchika.com, wala gyud nagdahom ang Kadenang Ginto star nga muabot og ingon niini kadaghan ang iyang followers sa Instagram hiungdan nga labihan ang iyang kalipay ug pasalamat.

Magna cum laude

Duha na kabuok ang college degree ni Domique Cojuangco human niya natapos niining bag-o lang ang iyang Marketing and Merchandising degree sa Fashion Institute of Design and Merchandising (FIDM) didto sa San Francisco, California isip magna cum laude. Niadtong 2017, nahuman sab ni Domique ang iyang Fashion Design degree gikan sa  Institute Marangoni London. Si Dominique, bugtong anak nila ni  Gretchen Barretto ug Tonyboy Cojuangco.

30 Minutes na lang

Hingpit na nga nibalik sa ere ang State of the Nation news program sa GMA News TV niadtong Lunes sa gabii, apan aduna kini tulo ka mga kausaban. Una, 30 minutes nna lang ang maong programa. Ikaduha, 10:30pm na kini mulugwa, sukwahi sa naandan nga 9pm. Ikatulo, tua pa sa iyang balay nanukad si Jessica Soho isip anchor—wala sa naandan nga studio niini.

Aprobado sa anak

Thirteen years old na ang anak ni Dennis Trillo nga si Calix Andreas niadtong Martes. Nagpahigayon og intimate celebration si Dennis para sa iyang anak nga gitambungan pud sa iyang uyab nga si Jennelyn Mercado ug anak sa aktres nga si Alex Jazz. Suma pa ni Dennis sa usa ka interview, aprobado ni Calix si Jen isip girlfriend sa actor. Nasayran nga weekends ug summer lang ana si Calix mo-istar kauban si Dennis. Ang inahan ni Calix mao ang kanhi beauty queen nga si Carlene  Aguilar.

GMA7
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with