BrightWin

CEBU, Philippines — Malakip sa cast sa Thailand version sa Boys Over Flower ang nisikat og maayo nga Thai actors dinhi sa Pilipinas nga sila si Metawin “Win” Opas-iamkajorn ug Vachirawit “Bright” Chiva-aree. Ang duruha naila dinhi sa nasud isip BrightWin loveteam nga mga bida sa gikagubtan nga BL series, “2gether”.

“Masaya”

Trending sa Twitter niadtong Miyerkules sa gabii ang Kapuso star nga si Gabbi Garcia human niya gihulagway ang iyang maanindot nga relasyon kang Khalil Ramos sulod na sa tulo ka tuig. Pong pang Gabbi: Ang saya talaga kapag nasa tamang tao ka.”

Katungod

Gidapigan ni Boy Abunda ang pagbatbat ni BB Gandanghari sa iyang kagahapon isip Rustom Padilla diin nalambigit si Piolo Pascual. Suma pa ni Boy, katungod ni BB nga ipadayag ang iyang istorya. Alang kang Boy, dili makadaot kang Piolo kining maong istorya ni BB sanglit mas dagko pa ang mga kontrobersiya nga gikalambigitan niini kaniato.

Yuta

Nakahilak ang igsuon ni Ivana Alawi nga si Hash human kini niya gitunolan og titulo sa yuta isip surprise birthday gift nga nahimutang sulod sa us aka subdivision diin tua sab didto ang luna para sa dream house sa ilang mama. Suma pa ni Ivana, dili hilig og mga luxury items iyang igsuon kay simple ra gyud kini nga pagkatawo, hinungdan nga nakahukom siya nga yuta ang ihatag.

Thankful

Gipahinungod ni Yassi Pressman ngadto sa nipanaw niya nga amahan nga si Ronnie, ang iyang best supporting actress award nga nadawat niining bag-o lang gikan sa 51st Entertainment Box Office Award. Nagpasalamat sab siya sa tanang nisuporta niya, ingon man sa pagsaulog niya sa iyang ikaupat na katuig nga kabahin sa teleseryeng “Ang Probinsyano”.

Love

“Next time spread love ‘nak wag puro hate kasi masyado na maraming pinagdaraanan ang mundo, magdasal na lang tayo kesa mag hasik ng galit.” Kini maoy kalma nga reaksyon ni Pokwang ngadto sa us aka netizen nga nihingan niya’g batig nawong ug OA!

Panahi

Nagpalit gyud og makina para pangtahi ang Viva talent nga si Ella Cruz aron hingpit na gyud siya nga makat-on unsaon pagtahi. Matud ni Ella, ganahan gyud siya manahi sanglit ganahan siya nga usbon ang istilo sa iyang mga sienna matag karon ug unya.Pwes, mao kini iyang gikalingawan karong pandemya, gawas sa pagmugna og videos para sa iyang YT channel.

Guest

Subling nilugwa sa TV Patrol si Karen Davila niadtong Martes sa gabii isip guest anchor. Suma pa niya, gikulbaan siya sa iyangg pagbalik sa nahisgutang newscast sanglit dekada na ang nilabay sukad siya nibiya niini aron molingkod isip anchor sa Bandila.

Gag Show

Balik TV5 sila si Ritz Azul ug JC de Vera isip mga bida sa umaabot nga gag show sa maong estasyon nga ubos gihapon sa Brightlight Productions. Giulohan og Sunday Go Kada, si Bobot Mortiz gihapon ilang director ug makauban nila ang mga cast kaniadto sa Banana Sundae sa ABS-CBN, gawas lang kang Angelica Panganiban ug John Prats.

Healthy

Healthy lifestyle ug stress free ang paghulagway ni Parokya ni Edgar vocalist Chito Miranda sa iyang kinabuhi karon nga adunay pandemya. Sayo na siya matulog ug sayo momata; tea ug soy milk na iyang imnon ug katagsa na lang matud pa ang tagay. Ang sigarilyo hinuon hagbay ra niyang giundang five years ago.