Barbie napasaylo na ni Paul
CEBU, Philippines — Gitataw ni Paul Salas nga nakapasaylo na siya sa gibuhat kaniadto sa iyang ex-girlfriend nga si Barbie Imperial.
Wala na gidetalye pa sa aktor ang nabuhat sa kanhi niya nga hinigugma.
Kahinumdoman nga gubot kaayo ang ilang panagbuwag niadtong 2018.
Kasal nila JC ug Rikkah giuswag
Kaslon na diay unta karong October 10, 2020 sila si JC De Vera ug Rikkah Cruz apan nakahukom sila nga ilaha kini iuswag sa wala pa matino nga petsa tungod sa pandemya.
Aminado ang duha nga wala ‘y kaseguroan kun kanus-a mahuman ang health crisis.
Kahinumdoman nga nahuman na ang ilang prenup niadtong Pebrero.
Mobalik sa ere sunod semana
Gikatahong mobalik na sa ere sugod karong August 17 ang Kapuso afternoon series nga “Prima Donnas”.
Ang maong teleserye gibitoonan nila ni Jillian Ward o Donna Marie, Althea Ablanas isip Donna Belle ug Sofia Pablo isip Donna Lyn.
Sila si Katrina Halili ug Wendell Ramos maoy nidala isip ilang ginikanan.
Sila si Aiko Melendez (Kendra) ug Elijah Alejo (Brianna) maoy mga kontrabida sa maong teleserye.
Maricel motabang sa mga kauban
Wala ra’y problema ang Diamond Star Maricel Soriano sa higayon nga magpatabang kaniya ang iyang co-stars sa seryeng Ang Sa Iyo Ay Akin nga sila si Sam Milby, Jodi Sta. Maria ug Iza Calzado.
Suma pa sa aktres nga dili gyud niya idalo sa ubang artista ang iyang acting tips.
“Kung magtatanong ang mga bata (co-stars), sinasagot ko naman sila ng buo lalo na yung mga natutunan ko sa acting,” niya pa.
Usa sa nakadayeg kang Maricel mao si Iza gumikan kay daghan gyud siya og nakat-onan niini.
JM nitabang sa mga na-stranded
Nisalmot si JM De Guzman sa mga relief operation sa Philippine Coast Guard alang sa mga na-stranded sa Manila North Harbor.
Sa iyang Instagram post, makita ang video kun diin nag-apod apod siya og mga pagkaon.
Nasayran nga makadaghan na nga higayon nga nitabang si JM alang sa mga naapektohan sa krisis.
- Latest
