Maine molugwa sa TV5

CEBU, Philippines — Dunay umaabot nga show si Maine Mendoza sa TV5 ug gisugdan na ang preparasyon niini. Nasayran nga manager ni Maine si  Mr. Tony Tuviera  nga nag-produce og pipila ka mga show sa TV5 nga sama sa Chika Besh, Fill in the Bank ug Bawal Na Game Show.

Mitin-aw sa isyu

Hugtanong gihimakak ni Matt Evans ang nigawas nga taho nga matud pa wala siya nagsustento sa iyang anak . Suma sa aktor nga naatol lang gyud nag-atubang  siya og krisis karong panahona.

Immune system palig-onon

Gitambagan ni Michael V ang katawhan nga kinahanglan nga palig-onon gyud ang ilang immune system. Usa kini  sa gikampanya og maayo sa komedyanteng aktor human siya nataptan sa COVID-19.

Busy sa negosyo

Samtang wala pa’y showbiz projects , ang pag-atiman sa iyang negosyo maoy giatiman ni Benjamin Alves. Mao usab kini ang gibuhat sa laing aktor nga si Edgar Allan Guzman.

Dating app. na lang

Wala na maghandom  si K Brosas nga makabaton pa og hinigugma.  Komedya pa ni K nga iyaha nalang kini nga itugyan sa dating application.

Madayon gyud

Nahuwasan na si Christian Bables  human niya nadawat ang taho nga madayon ang iyang serye kun diin makauban niya sila si Rafael Rosell, Jameson Blake, Richard Gutierrez, ug Bea Alonzo.  Suma pa ni Christian nga  nangandam na siya og sugod niini. Wala pa’y tataw nga petsa sa pagsugod sa taping sa maong proyekto.

Todo workout

Malipayon si Carla Abellana gumikan kay niminos gyud ang iyang timbang. Naningkamot gyud ang aktres sa pag-workout aron malikay usab siya sa mga sakit.

Nauyonan sa ginikanan

Pinangga sa ginikanan ni Barbie Forteza ang aktor nga si Jak Roberto. Napanglantawan nga kaminyoon ang padulngan sa ilang relasyon.

Thai series

Mosikad na sugod karong adlawa ang bag-ong dalit sa GMA Heart of Asia, ang hit romantic comedy series sa  Thailand nga Madam Pushy and I.

Gibitoonan kini sa  Thai superstars nga sila si Mario Maurer ug Ploy Laila Boonsayak.

Moeskwela og balik

Malipayong gipahibalo ni McCoy De Leon nga mobalik na siya sa pag-eskwela.

Kahinumdoman nga naputol ang iyang pag-eskwela kaniadto gumikan sa ka-busy sa iyang showbiz career. Gikuha niya ang kursong Civil Engineering.