"May Pera Sa Basura"
Ryan Mark (Banat) - August 9, 2020 - 12:00am

CEBU, Philippines — Gitubag ni Pokwang ang usa ka netizen nga nihulagway sa umaabot nga shows sa TV5 nga basura.

Matud ni Pokwang, "may pera sa basura."

Nagsugod ang tanan dihang nikomento ang maong netizen nga basura ang mga shows basi sa teaser nga gipagawas na sanglit karong August 15 na mulugwa ang mga entertainment show sa nahisgutang istasyon.

Tataw nga fan ni Kris Aquino ang maong fan gumikan sa komento usab niini nga ang show sa nahisgutan ra gyuy gipaabot sa mga tawo.

Apan subli na usab kini nga dili mahinayon og pasalida ug matud pa adunay wala pagsinabtanay tali sa original producers sa maong show.

Si Pokwang hinuon niingon nga "save the best for last" ang show ni Kris ug mapasalida gihapon kini aduna pa lay giplantsa nga mga detalye.

Samtang tarong nga gitubag ni Pokwang ang netizen:“thank you… opinyon mo yan iho, pero tandaan may pera sa basura…

“at minsan nakakapag pasaya, ngiti kana kasi napaka dami na ng nakakapgpalungkot na mga nangyayare sa mundo…

“pag masdan mo paligid mo iho may virus na kumikitil ng buhay, may mga taong nawalan ng trabaho, may mga sumasabog na bulkan at mga nagugutom,“…be greatful iho kasi malusog ka at may oras ngumiti at iyon ang layunin ng mga shows na basurang sinasabi mo.”

Adunay duha ka umaabot nga shows si Pokwang sa TV5.

Kini mao ang usa ka morning show kauban sila si Pauleen Luna ug Ria Atayde ug usa ka game show kauban si Jose Manalo.

Dili na muhisgot sa iyang lovelife

Gibarugan gyud ni Julia Barreto ang iyang hukom nga dili na maghisgot ngadto sa publiko kabahin sa iyang lovelife.

Sa iyang labing bag-ong vlog entry, nagdumili pagtubag si Julia sa pangutana kabahin sa iyang lovelife.  Ang nahisgutang vlog nilungtad lamang og upat ka minutos ug walay katin-awan si Julia mahitungod niini. Kahinumduman nga sa usa ka birthday post niadtong Marso, may mga senyales na si Julia kabahin sa iyang bag-ong hinigugma. Ug sa interview sa usa ka radio station kang Julia niadtong Mayo, wala siya direkta nga nihisgot kabahin sa iyang hinigugma.

Nagkanayon hinuon siya atol sa Magic 89.9 interview nga dili na niya hisgutan pa ang mga butang nga angayang magpabiling pribado.  “If there’s something that you really wanna last and work out, protect it as much as you can,” sabi ni Julia sa interview.

“Don’t share too much about it. “Don’t share so much about a relationship that is supposed to be just between two people.”

Paliwanag niya: “I think, the less people know about something, the less they could have an opinion about it.” “So now, I want things to work out, I want things to last. “I’m gonna protect it with all that I have. “I’m gonna keep a lot of things to myself from now on when it comes to that aspect in my life.”

Kahinumduman nga sa nilabay nga tuig, nakontrobersyal si Julia human gipasanginlan nga maoy third party sa panagbuwag nila ni Gerald Anderson ug Bea Alonzo. Hugtanong gihimakak ni Julia ug Gerald ang nahisgutang pasangil.

Never uy!

"Never" ang tubag ni Heart Evangelista sa pangutana sa usa ka netizen kun mulansar ba siya didto sa Sorsogon puhon, diin kasamtangan nga gobernador ang iyang bana nga si Chiz Escudero.

First TVC

Nag-shoot sila si Sarah Geronimo ug Matteo Guidecilli sa labing una nilang product endorsement isip magtiayon.

Ang ilang tv commercial may labot sa electric bill atol sa enchanced community quarantine kun ECQ didto sa kaulohan.

The One

Kun si Sam Milby maoy pangutan-on, si kanhi Miss Universe Catriona Gray na matud pa ang "the one" alang niya.

Kini bisan pa man og dako'g gintang ang ilang mga edad. Si Sam, 36 years old. Manghud niya og 10 years si Catriona.

"Buhay Tayong Lahat!"

Emotional si Iza Calzado atol sa virtual presscon sa umaabot niyang teleserye nga mag-ulohan og, " Ang Sa Iyo Ay Akin" kauban sila si Jodi Sta. Maria, Sam Milby ug Maricel Soriano. Ang virtual presscon nahitabo niadtong Biyernes pinaagi sa zoom app. Na-emotional si Iza human nga gikantahan siya og birthday song sa iyang co-stars. Magsaulog si Iza sa iyang 38th birthday karong Miyerkules.

Matud ni Iza, ang umaabot niyang birthday, maoy "most meaningful." Nagkanayon si Iza,  Oh my God, thank you! Shocks, sorry, I was completely caught off-guard,

“Sorry, I don’t want to hijack this presscon, this is not about me. “But then, this is probably the most meaningful birthday in my life. Samtang namahid sa iyang mga luha, nidugang siya sa pag-ingon, “Teka, bakit tayo umiiyak? Sabi ko nga, bawal iyakin, masaya lang tayo, guys! Buhay tayong lahat!”

Kahinumduman nga niadtong Marso, natakbuyan si Iza og Covid 19 nga niresulta sa iyang pagkalandig gyud sa tambalanan. Samtang, niadtong Marso pa pud unta mulugwa sa telebisyon ang nahisgutang teleserye, apan gumikan sa pandemya, nauswag kini human naapektuhan ang taping sa mga teleserye gumikan sa ECQ nga gipatuman didto sa kaulohan. Apan karong August 17, hingpit na gyud mulugwa  ang maong teleserye pinaagi sa Kapamilya Channel sa cable ug Kapamilya Online Live sa Facebook ug Youtube.

BASURA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with