Nadine namaligya og buwak

CEBU, Philippines — Usa sa sa gikabisihan sa aktres nga si Nadine Lustre samtang naka-community quarantine mao ang  iyang mga flower arrangement.

Suma pa ni Nadine nga iyaha kining gipamaligya online  pinaagi sa Instagram account nga ms.bettyblooms.

Gihangop kini og maayo sa iyang fans gumikan sa talagsaon nga mga arrangement niini.

Puwerting lagota

Naglungot-lungot sa kalagot si Nikko Natividad sa taho kalabot sa gihimong anomaliya sa pipila ka dagkong opisyales sa PhilHealth. “Gusto ko ipagsigawan sa mundo na napaka corrupt ng bansang sinilangan ko. im so proud promise walang halong joke.Partida epidemya pa yan. Pano kung ordinary day lang,” suma pa sa social media post sa aktor.

Nitambag ra

Giklaro ni  Arnell Ignacio  nga wala siya nakig-away kang Jennylyn Mercado.  Kahinumdoman nga nitambag si Arnell sa mga artista nga dili mosawsaw sa isyu sa politika. Una na nga gibutyag ni Jen nga walay makapugong kaniya kun moyagyag siya sa iyang mga opinyon.

Wala manangtang

Panahon sa pandemya, wala maghuna-huna si Enchong Dee og dakong ginansya sa usa niya ka negosyo. Suma pa ni Enchong nga wala siya manangtang og empleyado gumikan kay malouy siya niini.

Star Magic gihapon

Gitataw ni Ria Atayde nga ang Star Magic gihapon ang naghupot sa iyang career bisan pa man nga duna siya’y show sa TV5 . Nasayran nga nalakip si Ria sa Kapatid morning talk show nga Rise and Shine kauban sila si Pauleen Luna ug Pokwang.

Mosugot sa DNA test

Misugot si John Regala nga magpa-DNA test aron  masuta ang kamatouran kalabot sa usa ka batan-ong lalaki nga nagpaila nga iyang anak .  Ginganlan usab kini og John kinsa nipadayag nga dugay na gyud siya ganahan nga makakita sa iyang amahan.

GETS

Gilusad dili pa lang dugay sa GMA-7 ang usa sa ilang mga digital platform nga GETS .   Usa kini ka luna alang sa mga entertainment online show sa Kapuso Network. Pipila sa nangulo sa paglusad niini mao sila si Dingdong Dantes, Marian Rivera, Alden Richards, Carla Abellana, Tom Rodriguez, Heart Evangelista, ug Glaiza de Castro.

Molugwa sa TV5

Molugwa sa TV5 sila si  Karen Davila, Jane de Leon  ug KC Concepcion isip special guests ni Luchi Cruz-Valdez sa programang Usapang Real Life (URL).  Suma pa nga nahuman na ang taping niini.

Giluwas ni Kris

Padayon nga gitabangan ni Kris Bernal ang mga empleyado sa iyang restaurant nga nanira tungod sa pandemya. Suma pa ni Kris nga gihimo niya kini og grocery mart.

Starring kanunay

Gibutyag ni Kris Aquino nga dili makompleto  ang iyang show kun wala si  Darla Sauler. Usa si Darla sa kanunay molugwa kaniadto sa programa nga  Kris TV.

Angayan mag-Dyesebel

Nikisaw ang hulagway nga gi-post sa  "Prima Donnas" star nga si Sofia Pablo kun diin nagsul-ob siya mermaid tail blanket. Malipayon si Sofia human siya nakadawat og feedback nga matud pa angayan siya mahimong bida kun himoan og remake ang Dyesebel.” Siyempre sobrang saya ko po na 'yung childhood dream ko na role is nakikita po ng tao sa'kin. Masarap pong pakinggan 'pag galing po sa kanila," nagkanayon si Sofia.

Ikaupat nga anak

Malipayong gipahibalo nila ni Jimmy Alapag ug  LJ Moreno nga duna silay umaabot nga ikaupat nga anak.”I think shocked is the best word but at the end of the day it's an absolute blessing," suma pa ni Jimmy.