Emosyonal sa mga panghitabo

CEBU, Philippines — Wala kapugong si Christian Bables sa nagsagol niya nga  emosyon  gumikan aa health crisis sa nasud.

“Parang rollercoaster siya. Noong una masaya kasi akala ko sandali lang ang lockdown, ang nasa isip ko makakapag-pahinga po ako mula sa sunod-sunod na shootings and tapings. Noong nag-extend nang nag-extend, nakaramdam na ako ng lungkot dahil hindi po ako nakauwi sa family ko sa Cavite,”saysay pa sa aktor  sa interview niini sa PUSH.

Samtang nagdagan ang adlaw, daghan matud pa siya og nakat-onan.

“Naabutan po ako ng lockdown dito sa house ko sa QC with my driver and P.A. Pero habang tumatagal ang mga araw ng quarantine, ang dami kong na-realize, natutunan, at na-discover sa sarili at sa buhay. I also got the time to reconnect with my core,” dugang pa ni Christian.

Gawas sa pandemya , dako usab og epekto kaniya ang pagkahunong sa operasyon sa ABS-CBN.

“Sobra po akong nasasaktan para sa kampanyang naging instrumento ni God para maging realidad ang mga pangarap ko. Kasi sila yung mga taong unang nagpakita ng paghanga at pagtitiwala sa mga kaya kong gawin bilang isang aktor,” dugang pa niya.

Suma pa sa aktor nga duna unta siya’y nakalinya nga mga show sa ABS-CBN.

“Nakakapanghinayang dahil dalawang shows na gagawin ko sa ABS-CBN ang na postponed, pero mas nadudurog ako para sa mga empleyado ng ABS-CBN. Pero naniniwala akong hindi sila pababayaan ni God,” nagkanayon si Christian.

Kapamilya judges

Ang Kapamilya stars nga sila si  John Arcilla, Janice de Belen ug Joross Gamboa maoy mga hurado sa  programang Bangon Talentadong Pinoy sa  TV5 . Si Ryan Agoncillo ang host sa maong show.

Cinemalaya 2020

Usa sa mga entry sa   2020 Cinemalaya Independent Film Festival mao ang short film nga Basurero  nga gibidahan ni Jericho Rosales  . Nalakip usab ang Nang Em nga gibitoonan sa Cebuana  veteran actress nga si Gloria Sevilla.

Malangan napud?

Human sa report nga plantsado na ang umaabot nga TV show ni Kris Aquino sa TV5, niulbo napud ang chika nga basin malangan napud ang pag-ere niini. Suma pa sa niulbo nga chika nga dunay gamay nga wala pagkasinabtanay tali nila ni Kris ug ang producer niini.

Gipikhan ni Alessandra

Gipanalipdan ni Alessandra de Rossi ang iyang maguwang nga si Assunta de Rossi kinsa gisuyaan sa mga kritiko gumikan sa pagka-adunahan niini.“Don’t rich, rich. It’s malasakit. You get what you give,” mensahe pa ni Alessandra nga tataw nga palagot sa kontra.

Nangandam daan

Gibutyag sa magtiayong Zoren Legaspi ug Carmina Villaroel nga gipangandaman gyud nila ang mga posibleng mahitabo kun pananglitan magdugay pa ang pandemya.  Mapasalamaton ang duha gumikan kay wala gyud nabakante ang ilang mga showbiz career.

Throwback nalang

Igo nalang  sa pag-post og throwback photo si Vice Ganda kauban ang iyang boyfriend nga si Ion Perez. Dili pa gyud niya matino kun kanus-a sila makabalik og suroy sa laing nasud. “Sa alaala muna tayo rumampa,” suma pa ni Vice.

Nakat-on og luto

Tungod sa quarantine  , ubay ubay na ka pagkaon ang nakat-onan  og luto ni Julia Barretto. Suma pa sa aktres nga mao ra gyud kini ang kasagaran niya nga mabuhat kun wala siya’y taping.

“The Sharon Show”

Nisikad na niadtong Martes ang online show ni Sharon Cuneta  nga “The Sharon Show"  nga makita sa iyang  YouTube channel. Sa pilot  episode niini ,  gihisgotan ni Sharon ang COVID-19 pandemic.

Gipili ang probinsya

Gipili sa anak ni  Kris Aquino nga si Joshua nga sa probinsya magpuyo. Kauban ni Joshua didto sa Tarlac mao ang iyang uyoan nga si kanhi Presidente Noynoy Aquino.

Misuporta sa  frontliners

Nipadangat si Anne Curtis sa iyang pagsaludo sa frontliners. Suma pa sa aktres nga sila ang makonsiderar nga mga bayani karong panahona.