“KathDen”gipangita
CEBU, Philippines — Nanawagan ang fans sa tandem nila ni Alden Richards ug Kathryn Bernardo nga unta mag-uban og balik ang ilang mga idolo sa usa ka proyekto. Kahinumdoman nga nagmalampuson ang pelikula sa duha nga Hello Love Goodbye sa miaging tuig.
Nagkita na gyud
Nanuroy sa London ang mag-uyab nga sila si Pia Wurtzbach ug Jeremy Jauncey. Sa wala pa sila nagkita, nipaubos una sila og 14 days nga quarantine.
Misunod sa tradisyon
Nagkaabot na gyud ang tagsa-tagsa nga pamilya sa mag-uyab nga sila si Mikee Morada ug Alex Gonzaga. Gisunod nila ang tradisyon sa dili pa sila hingpit nga magpakasal puhon.
Nanginahanglan og tabang
Mapasalamaton si John Regala sa tanang nitabang kaniya. Nasayran nga nasakit ang aktor busa nanginahanglan siya og pinansyal nga tabang.
Lahi nga kalipay
Gibutyag ni Kylie Padilla nga dili gyud masukod ang iyang kalipay sa iyang kinabuhi karon isip inahan.
“During this crisis my kids are my saviour and they continue to inspire me every single day. I’m so blessed to be able to get hugs and kisses all day at anytime.,” suma pa niya.
Misaludo sa frontliners
Misaludo gyud og maayo si Vilma Santos sa frontliners. Suma pa niya nga dili lalim ang sakripisyo sa frontliners busa hatagan kini og dakong respeto.
Personal problem
Giangkon ni Mark Anthony Fernandez nga duna siya’y bug-at nga problema karon. Panghinaot sa aktor nga hinay-hinay na kini nga masulbad.
Ganahan mag-presidente
Gitinguha ni Kris Aquino nga mahimong presidente sa Pilipinas. “Im sorry, Catholic Church, please don’t get mad at me. For one day, I want to be President – on the day na ira-ratify na magkakaroon ng divorce sa Philippines, para pirmahan,” suma pa ni Kris nga namantala sa PUSH.
Baby girl
Malipayong gipahibalo ni Assunta de Rossi nga babaye ang umaabot niya nga anak. Panganlan niya kini og Fiore nga gibase sa klase sa buwak.
Segurado na kang Jessy
Giklaro ni Luis Manzano nga wala pa gyud sila maghisgot og kasal ni Jessy Mendiola . Apan napanglantawan niya nga mao gyud kini ang ilang padulngan.
- Latest
