Kapamilya online live moarangkada na
CEBU, Philippines — Gilusad dili pa lang dugay sa ABS-CBN ang ilang Kapamilya Online Live kun diin masaksihan sa publiko ang Kapamilya programs pinaagi sa YouTube ug Facebook page sa ABS-CBN Entertainment sugod karong adlawa, Agosto 1.
Gawas nga libre o walay subscription fee nga bayranan, ma-enjoy gyud ang viewers sa Kapamilya Online Live gumikan kay susama nga classic Kapamilya shows ug bag-ong episodes ang idalit niini.
Sa YouTube, magdagan ang Kapamilya Online Live gikan sa 7:40 AM hangtud sa 10 PM. Sa Facebook, dunay regular nga timeslot ang tanang mga programa ug dunay break pinaagi sa timeblocks.
“Ang Kapamilya Online Live ang pinakabagong tahanan ng mga palabas na na-miss at minahal ng mga Pilipino. Isa lamang ito sa mga paraang ginawa ng ABS-CBN para patuloy na makasama ang mga Pilipino at makapaghatid ng entertainment sa kabila ng pagtanggi sa application ng aming prangkisa,” suma pa ni Cory Vidanes, ,ang chief operating officer of broadcast sa ABS-CBN.
Gikan sa Lunes hangtud sa Biyernes,mosikad inigbuntag ang “Magandang Buhay,” “Magpahanggang Wakas,” ug “MMK.” Inig-abot sa udto hangtud sa hapon, makita ang “It’s Showtime,” “Love Thy Woman,” ug “The General’s Daughter.”
Ipasalida sa unang tulo ka semana sa Kapamilya Online Live ang episodes sa “FPJ’s Ang Probinsyano” nga na-ere sa Kapamilya Channel sa cable ug satellite TV.
Inig-abot sa gabii, makita ang “100 Days to Heaven,” “Forevermore,” “Los Bastardos,” ug “A Soldier’s Heart.”
Matag Sabado, makita ang “Halik” nga pagasundan sa “It’s Showtime,” “Wansapanataym Presents” ug “Feel U”. Nalakip usab ang “Paano Kita Mapasasalamatan” ug “It’s Showtime sa Primetime” .
Inig-abot sa Domingo, makita ang “Pangako Sa ‘Yo” , “ASAP Natin ‘To” at “Ipaglaban Mo” , “Iba Yan” ug “Be Careful With My Heart”.
Sa oras sa “TV Patrol” ug “The World Tonight,” ipakita kini sa YouTube channel ug Facebook page sa ABS-CBN News.
Alang sa updates ug mga schedule sa programa, bisita lang sa kapamilyaonlinelive.com.
- Latest