Alessandra napungot

CEBU, Philippines — Nipabuhagay si Alessandra de Rossi sa iyang sentimento kalabot sa health crisis nga nasinati karon sa nasud.Suma pa niya nga mao unta kini ang angayan hatagan pagtagad sa kongreso . Napungot siya gumikan kay mas giuna pa ang pagtuki sa franchise renewal sa ABS-CBN. “We are not winning.People are hungry, sick and dying, and they need to risk their lives for food. Ano ABSCBN parin ang issue?,” suma pa sa aktres.

AlDub nabanhaw

Nabanhaw ang kusog nga chemistry nila ni Alden Richards ug Maine Mendoza sa Eat Bulaga gumikan sa ilang mga TikTok dance. Napanglantawan nga posibleng mahibalik napud ang gikagubtan nga AlDub.

Maritoni gikasal na

Gikasal ang aktres nga si Maritoni Fernandez ngadto sa iyang partner nga si  Mon Dayrit pinaagi sa civil wedding ceremony didto sa Parañaque City Hall niadtong July 7. “This is the day the Lord has made,” suma pa sa IG post ni Maritoni.

Nagkalami nga relasyon

Malipayon kaayo si Angelica Jane ‘Pastillas Girl’ Yap  sa relasyon nila sa rapper nga si Archie ‘Flow G’ Dela Cruz.  Gawas sa nag-uros uros nga gugma, duna pud sila daghang grasya nga nadawat. Natukod napud ang ilang dream house.

Emosyonal si Loisa

Dili malikayan ni Loisa Andalio nga mahimong emosyonal kun maghisgot sa nakab-ot niya nga pangandoy. Suma pa ni Loisa nga suki siya sa mga teleserye kaniadto ug didto nagsugod ang iyang pangandoy nga mahimong artista. Wala niya damha nga naabot gyud ang panahon nga nakatungtong siya sa showbiz.

Lyca naglikay kang Xander

Target sa singer nga si Lyca Gairanod nga makalugwa puhon sa iyang vlog ang ilado nga YouTubers nga sila si Zeinab Harake, Kim Arda, Jamill, Niana Guerrero, Awra Briguela, Mimiyuuuh, Lloyd Cadena, AC Bonifacio ug Ryssi Avila. Gusto pud unta niya nga  makatrabaho  si Xander Ford  apan dili lang una karon gumikan kay nalambigit pa kini sa kontrobersiya. Nasayran nga nipadayag ang ang ex -girlfriend ni Xander nga nakatilaw siya og pagpamun-og niini.

Mahuna-hunaan og kalit

Aminado si Enchong Dee nga duna gyu’y mga panahon nga makahuna-huna siya nga moretiro sa showbiz  ilabi na nga magpusot-pusot ang mga panghitabo sa nasud.  Target sa aktor nga masudlan   mga butang kun diin daghan siya og matabangan.

Markki bida sa BL series

Dunay bag-ong proyekto nga pagabidahan ang singer-actor nga si Markki Stroem.

Malakip siya sa Boys Love series nga Unlocked ug makauban niya ang aktor nga si Mike Liwag. Si Adolfo Alix Jr. ang direktor sa maong proyekto.