Iza nakighimamat sa mga nag-atiman kaniya

CEBU, Philippines — Puwerting lipaya ni Iza Calzado gumikan kay nahimamat niya og balik ang mga nurse nga maoy nag-atiman kaniya sa dihang nalandig siya sa tambalanan tungod sa coronavirus.

Kahinumdoman nga naigo siya sa maong sakit niadtong Abril.

Suma pa niya nga gimingaw gyud siya sa mga nag-atiman kaniya sa tambalanan   busa nagmaya siya nga  nagkakita sila og balik niini.

“Allow me to shine the spotlight on my amazing team of nurses (missing a few though!) from Asian Hospital who gave me the best love and care any patient could ever ask for.Together with my brilliant doctors, I really couldn’t have asked for a better team to help me fight and beat COVID-19. I am forever grateful,” suma pa sa iyang IG post.

JaDine nag-ipon og balik?

Niulbo karon ang taho nga matud  nag-ipon og balik sila si James Reid ug Nadine Lustre busa nikisaw og samot ang tsismis nga nagbalik ang duha.

Makadaghan na usab nga higayon nga nag-uban ang duha sa pagpanuroy .

Pabiling tak-om sila si Nadine ug James kalabot sa maong taho.

Wish Ko Lang kumpirmadong mobalik

Human nanamilit niadtong February 15, 2020 ,  mobalik na sa ere sugod karong July 11 ang public service show ni Vicky Morales  sa GMA nga Wish Ko Lang.

Tungod sa pandemya , nakahuna-huna ang GMA nga ibalik ang maong show aron maghatag og inspirasyon  ug paglaom  sa mga tawo .

Ang Wish Ko Lang nagsugod sa kahanginan niadtong June 29, 2002.

Mipasaylo  sa kaaway

Gipasaylo na ni Sharon Cuneta ang kanhi niya soud nga higala nga si Ronald Carballo. Kahinumdoman nga gidaot siya niini sa social media apan nagbasol na kini sa iyang gibuhat. “Hindi kita idedemanda Ronald. Dahil may pinagsamahan naman tayo. At sana, gawin mo itong pagkakataon para magbago, bumalik sa Panginoon, at gamitin ang talento mo sa pagsulat sa mabuti. That’s all I have to say. Please use this chance and learn from this lesson. That is the Christian way,” suma pa sa akrtres.

Kiwaw paminawon

Giangkon nila ni  Migs Villasis ug Genesis Redido nga medyo naglisod sila gamay sa ilang  kissing scene sa  Pinoy BL series nga In Between: Sa Pagitan ng Kamusta at Paalam. Matud pa nila nga mao kini ang unang higayon nga nakahawok sila sa susama nila nga lalaki busa kiwaw gyud paminawon.

Mi-click sa Netflix

Nakadawat og init nga paghangop sa publiko ang pelikulang Ang Pangarap Kong Holdap nga gipasalida sa Netflix.  Gibidahan kini nila ni  Jerald Napoles, Pepe Herrera, Jelson Bay, ug Paolo Contis. Nasayran nga gipasalida kini sa mga sinehan sa miaging tuig apan wala kini mo-click.  Apan sa pagpasalida niini sa Netflix , nabatyagan dayon kini sa katawhan.

Ang pagbalik ni Faith

Mikisaw na og balik ang singer nga si Faith Cuneta nga nailhan kaniadto isip original Asianovela soundtrack royalty. Dunay version si Faith sa awit ni Roxette nga It Must Have Been Love. Mao kini ang theme song sa Korean drama nga gi-ere karon sa GMA nga Misty.

Kabag-ohan

Nadawat na ni Jake Cuenca ang kamatouran  kalabot sa “new normal’ nga pamaagi sa mga taping. “When it comes to the industry, it’s definitely new normal. ‘Yung paggawa ng Love Lockdown na pinadala sa amin ‘yung gamit tapos bahala na kami matuto kung paano namin gagawin ‘yung ilaw, ‘yung audio. It was very challenging but do’n mo makikita na ‘pag gusto mo, maraming paraan,” nagkanayon si Jake.

Nagbase na sa Australia

Nag- migrate na sa Australia ang anak ni  Dra. Vicki Belo nga si Cristalle kauban ang mga anak niini . Usa ka Australian ang bana ni Cristalle nga si Justin Pitt.

Natanggong nga proyekto

Sa pagpirma ni   Jake Ejercito sa Star Magic , nakapangutana ang iyang fans kun unsa kaha ang umaabot nga proyekto sa ilang idolo. Nasayran nga na-timing nga dunay giatubang nga suliran ang ABS-CBN  sa dihang nipirma siya sa Star Magic.

Imahinasyon na lang

Nipaambit nalang sila si Liza Soberano ug  Enrique Gil  sa ilang imahinasyon sa ending sa teleserye nila nga Make It With You. Nasayran nga wala na gipadayon ang maong teleserye tungod sa pandemya . Suma pa ni Liza nga ang mga  karakter nila isip Billie ug Gabo, makatagamtam og simple nga kinabuhi nga mao gyud ang ilang gusto.

Tibouk ang gugma

Ang labing importante nga nagpabiling tibouk ang gugma nila sa usag-usa , mao kini ang naa sa huna-huna nila ni TJ Monterde ug KZ Tandingan kalabot sa pag-uswag sa ilang kasal. Una na nila gipahibalo  nga sunod tuig nalang ang ilang kasal . Nauswag kini gumikan sa COVID-19 pandemic.

40 anyos na

Gisaulog ni  Ciara Sotto  dili pa lang dugay ang iyang 40th birthday. Nagmalampuson ang iyang  purple ug gold-themed intimate party. Nagpasalat siya sa laing kinabuhi nga iyang natagamtaman karon.