“Love life with Kris”
CEBU, Philippines — Tak-om gihapon si Kris Aquino kalabot sa report nga matud pa plantsado na ang iyang umaabot nga show sa TV5 .
Suma pa sa nitumaw nga taho nga nag-ulohan ang maong show og “Love Life With Kris”.
Dugang tsika nga naggawas nga mosikad ang maong show sa hinapos nga bahin karong buwana.
John Manalo gitionan og pusil
Dili masabot ang gibating kakulba sa aktor nga si John Manalo human siya gitionan og pusil sa nagpailang holdaper sa miaging adlaw.
Suma pa sa aktor nga nagpalit siya og lechon manok sa dihang nahitabo ang maong insidente.
“Tinutukan ng baril yung nagtatadtad ng liempo at manok ko. Natutukan din ako. Sobrang bilis ng pangyayari. Di ko alam rereact ko nung una. Nahihiya lang ako kasi nakita sigurong tumatakbo ako sa CCTV,” suma pa sa social media post ni John.
Matud pa niya nga wala’y nasamdan sa maong hitabo gumikan kay naka-responde dayon ang otoridad.
“Guys, sa mga nagtatanong, safe naman kaming lahat. May mga rumespondeng mga authorities agad. Walang nasaktan,” dugang pa sa Kapamilya actor.
Richard mosulod sa Probinsyano
Dunay bag-ong karakter nga mosulod sa teleseryeng Ang Probinsyano ni Coco Martin nga makita sa Kapamilya Channel sa cable.
Sa Instagram post sa Dreamscape Entertainment, gikumpirmar niini nga malakip sa maong teleserye ang aktor nga si Richard Gutierrez.
Nasayran nga giatngan og maayo ang dagan sa istorya niini.
Na-apply na nila ang “new normal” sa taping kun diin gamay na lang ang mga tawo nga naa sa set.
Naka-lock in usab ang mga cast ug crew isip usa sa ilang pamaagi nga malayo sa hulga sa pagkatap sa COVID-19.
Bea mihatag og importansya sa dos
Gisaysay ni Bea Alonzo pinaagi sa social media kun unsa ka importante ang ABS-CBN kaniya nga gihulagway niya nga maoy nag-usab sa iyang kinabuhi.
Ang Kapamilya Network maoy naghatag og katumanan sa iyang damgo hinungdan nga nahatag niya ang mga panginahanglanon sa iyang pamilya.
Gi-post ni Bea ang iyang mga karaang hulagway.
"These were pictures of me when I was a teenager auditioning to be part of a new show of ABS-CBN. Nakakamiss. Hindi ko maiwasang hindi bumalik sa simula. ‘Yung mga panahong iniisip ko lang na abutin yung mga pangarap ko, suportahan ang pamilya ko. Yung mga panahong iniisip kong posible ang lahat," suma pa ni Bea pinaagi sa IG.
Tungod usab sa iyang mga nakatrabaho , daghan siya og nakat-onan ilabi na sa aspeto sa pag-arte.
“Malaki ang pinagbago ng buhay ko dahil sa ABS-CBN. Pero alam nyo na yun. Alam nyo nang naitaguyod ko ang pamilya ko dahil sa tulong nila, at alam nyo na ring malaki ang natutunan ko sa aspeto ng pag-arte dahil sa mga taong nakatrabaho ko mula dito. Alam nyo nang lahat 'yun, “ dugang pa niya.
Gitataw ni Bea nga daghan gyud ang nahatagan og trabaho sa iyang mother network.
“Siguro, ang hindi ninyo alam, maski ako, nagtatanong, bilang Pilipino, ano ba ang tama? Ano ba ang ikabubuti ng karamihan?
Ang alam ko lang, sa halos dalawang dekada ng buhay ko, hindi ko na mabilang kung ilang tao sa paligid ko ang nabigyan ng pagkakataong makapaghanap buhay ng maayos at makatulong sa kanilang pamilya dahil sa ABS-CBN.
Kabilang ako dun,” nagkanayon ang aktres. Sa pagsulay nga nasugatan sa ABS-CBN, gipasalig ni Bea nga magpabilin gyud siya nga Kapamilya.
“Gusto kong magdasal para sa desisyong magbabago ng maraming buhay. Nawa’y gabayan tayo ng Maykapal. Kahit anong mangyari, babalik ako sa simula, kahit saan ako dalhin, ako’y isang kapamilya, nakaukit yan sa puso ko. #IbalikAngABSCBN,” panapos nga post sa aktres.
Taga Baguio maoy Ms. Philippines Earth 2020
Nagmalampuson ang Miss Philippines Earth 2020 kagahapon nga gipaagi online.
Si Roxie Baeyens nga taga Baguio City maoy napili nga Miss Philippines Earth 2020 ug naghinam-hinam na kini isip representante sa nasud sa 2020 Miss Earth pageant.
Napili isip Miss Earth Philippines Air si Patrixia Santos sa Daraga Albay, Miss Philippines Fire si Shane Tormes sa Atimonan Quezon, Miss Philippines Water si Gianna Llanes sa Mandaluyong City ug Miss Philippines Earth EcoTourism si Llysa Marie Mendoza sa Melbourne, Australia.
Basher gipatolan ni K Brosas
Gipalaw sa komedyante nga si K Brosas ang iyang basher nga giingnan siya nga dili siya angayan mosawsaw sa mga isyu sa politika.
Matud pa niya nga bisan usa siya ka komedyante, duna gihapon siya’y ikabuga sa paghatag sa iyang opinyon sa mga nahitabo sa nasud.
“Please makitawa ka na lang. ‘Wag kang makialam sa kung ano post ko kasi kahit ako ng patawa hindi ako bulag at may boses ako na karapatan nating lahat ganern. Bow,” suma pa ni K.
Tekla miangkon sa iyang sala
Naghilak gyud ang komedyante nga si Tekla sa dihang naatubang na niya si Willie Revillame sa programang “Wowowin."
"Hi kuya, na-miss kita. Hello po sa mga naka-Tutok To Win and oh my God, it's nice to be back," suma pa ni Tekla. Una na nga gibutyag ni Willie nga si Tekla maoy nihawa iyang show kaniadto nga wala gyud mananghid.
"Noong una naging matigas pa 'yung puso ko sabi ko 'Hindi, kaya ko ito, mareresolba ko ito,' naging matigas talaga siya, ayaw kong sumurrender sa kanya.And then nu'ng na-realize ko na wala na talaga akong choice, doon na nag-breakdown na ako, sinurrender ko na lahat... 'Yung time na walang wala ka nang magagawa you have to surrender everything, sabi ko 'Tulungan mo ako, sino ang tao na makakatulong sa akin?'" suma pa ni Tekla. Nasayran nga nasakit ang anak ni Tekla ug nangita gyud siya og tawo nga makatabang kaniya.
Angl laing komedyante nga si Donita maoy iyang gihangyo aron sultihan si Willie kalabot sa iyang sitwasyon.
"Gusto kong i-portray 'yung pagiging ako Kuya, pagiging comedian pero ang hirap pala. Sobrang hindi mo mailabas 'yung tunay na ikaw 'pag nararamdaman mo na 'yung ganu'ng kabigat na situation. Alam mo Kuya, nag-aalangan ako, pero nanaig pa rin sa akin na sabi ko, 'Hindi, tutulungan ako ni Kuya Wil,'" dugang pa sa komedyante.
Sensirong gidawat ni Willie ang pagpaubos ni Tekla nga niangkon sa iyang kasaypanan.
"Gusto ko lahat kayo umasenso sa pamamaraan na gusto niyong gawin, pero wala kang nadinig sa akin even a single word... Lagi ko naman kayong iniintindi eh. Ang importante 'yung pagpapakumbaba eh. Nandito ka na, you're back, at siyempre, welcome back Tekla," saysay pa ni Willie.
Gipasalig ni Willie nga motabang sa gisagobang nga problema ni Tekla.
Mag-ampo
Nanawagan ang mga singer nga sila si Martin Nievera ug Gary Valenciano nga mag-ampo nga makalingkawas ang ABS-CBN sa krisis nga giatubang niini. Nanawagan usab ang duha ngadto sa mga kongresista nga i-renew ang prangkisa sa ABS-CBN.
Nagoul og maayo
Usa si Vice Ganda sa mga nagoul og maayo sa hingpit nga pagpanira sa mga comedy bar .Suma pa ni Vice nga nagsugod ang iyang career sa pag-perform sa mga comedy bar ug nasayod siya nga ubay-ubay gyud ang mawad-an og trabaho sa pagpanira niini. Nasayran nga naputol ang pipila ka mga negosyo karong panahona tungod sa pandemya.
Tambag sa anak
Gitataw ni Jessa Zaragoza nga dili kaayo siya magpalabi og istrikta kun makauyab ang anak nila ni Dingdong Avanzado nga si Jayda. Ang labing importante nga kahibalo kini sa paghatag og panahon sa mga prayoridad niini. “Ang advise ko sa kanya, dapat may oras at tamang panahon para sa love at pagkakaroon ng boyfriend. Mas maigi na ‘yung maging wise siya sa pag-prioritize ng mga bagay na dapat unahin lalo na madami siyang pangarap sa career niya,” suma pa ni Jessa.
Nag-negosyo
Gibutyag ni Elisse Joson nga importante kaayo ang negosyo karong panahona bahalag ginagmay. Samtang wala pa kabalik sa iyang trabaho sa showbiz , gikabisihan ni Elisse ang iyang negosyo.
Sunod tuig pa
Lima ka adlaw na diay unta ang nahibilin sa shooting days sa pelikulang Kunwari Mahal Kita nga gibidahan nila ni Nathalie Hart, Joseph Marco ug Ryza Cenon sa Viva Films. Nahunom kini tungod sa pandemic. Napanglantawan nga sunod tuig pa kini matiwas ilabi na nga mabdos karon si Ryza.
Poser
Gipahimagmoan ni Alden Richards ang netizens nga dili dayon magpadala sa iyang poser sa social media. Nasayran nga dunay mga fake account nga nigamit sa iyang pangalan.
Excited sa projects
Nagpanikad na si Ai Ai delas Alas sa umaabot niya nga projects sa GMA-7. Nasayran nga ang GMA Artist Center na ang nagkupot sa career ni Ai Ai.
Mipanaw ang amahan
Mipanaw ang amahan nila ni Angelika ug Mika Dela Cruz nga si Ernie niadtong Sabado. Nasayran nga naka-istar og duha ka semana sa tambalanan ang ilang amahan. Wala gidetalye sa magsoun ang sakit sa ilang amahan.
“Daddy, you are my best friend … ang kakampi ko sa lahat. I’m heartbroken dahil iniwan mo ko agad. I love you so much, Dad. Mabuti kang tao na maraming tinulungan. Pahinga ka na. Rest in peace Dad,” suma pa sa IG post ni Angelika.
Dasig lang
Misulbong ang popularidad sa grupong MNL48 hangtud nga naabtan sa pandemic. Bisan pa man niini , nagmalaumon ang grupo nga magpabilin gihapon ang ilang fans. Nagmalampuson usab ang digital mini series nga MNL48 Presents: Chain nga nagsugod sa miaging buwan.
Kung Siya Man
Gi-release na sa Hashtags member nga si Wilbert Ross ang labing bag-o niya nga kanta sa Star POP nga Kung Siya Man. Matud pa nga sequel kini sa iyang 2019 hit single nga Maaari Ba. Ang maong kanta naghisgot sa paghatag og kagawasan sa mga tawo nga nibiya kanimo.
- Latest