Donasyon ni Kim

CEBU, Philippines — Nidonar si Kim Chiu og  P300,000  alang sa mass testing. Samtang   1500 usab ka pamilya nga naapektohan sa pandemic ang gihatagan niya  og food packs. Matud pa nga gikan kini sa kita sa iyang  “Bawal Lumabas” merchandise.

Naliki sa hulagway

Naintriga og maayo ang fans ni Gerald Anderson sa hulagway nga gi-post sa ilang idolo sa Instagram kun diin naa kini ka-holding hands. Duna siya’y fans nga nilenggua nga posibleng bag-o kini nga uyab ni Gerald, apan duna pu’y niingon nga tipik lang kini sa eksena sa teleseryeng

A Soldier’s Heart. Ang maong hulagway adunay caption nga ,“Treating each and every moment, no matter how challenging - as something to be embraced, not avoided. To not only be ok with it , but love it and be better for it. So that like oxygen to a fire, obstacles, and adversity become fuel for your potential.”

MohaUm sa panahon

Sa umaabot nga episode sa  "FPJ's Ang Probinsyano", giingong ang dagan sa istorya niini maghisgot   sa usa ka infectious disease. Gikatahong nahaum kini sa kasamtangang sitwasyon sa nasud nga nag-atubang og pandemya.

Mag-live na

Gikatahong mag-live na og balik ang  All-Out Sundays  sa GMA sulod karong buwana.  Dunay manukad sa studio  samtang ang uban mag-live pinaagi sa Zoom.

Gigathan ang bashers

Wala kaagwanta si Ion Perez ug gigathan gyud niya ang iyang bashers nga nitawag kaniya og “bading”.  Nasayran nga nagpakolor si Ion sa iyang buhok ug dinhi nagsugod ang pagtamay-tamay sa iyang bashers.

Proud sa igsoun

Isip pagsaulog sa pride month, gipasigarbo ni Yassi Pressman ang iyang igsoun nga babaye nga usa ka bisexual. Gi-share niya ang cover video sa iyang igsoun nga si Jessie Reyez nga nikanta og “Body Count”.

Gimingaw sa pamilya

Gimingaw na og maayo si Maja Salvador sa iyang  pamilya didto sa kaulohan. Nasayran nga naabtan si Maja og lockdown didto sa Palawan kauban ang iyang hinigugma.

Nakat-onan atol sa lockdown

Samtang wala pa ang normal nga klase, gipaneguro sa child star nga si Xia Vigor nga duna siya’y laing makat-onan samtang naka-quarantine. “I think it’s a good chance that we get to learn things at home.Aside from what we learn in school, we learn life skills, self-sustainability, pagga-gardening po, kasi I really think it’s important lalo na ngayong quarantine,” suma pa niya.

Nag-sorry sa inahan

Nagtulo ang  luha ni Elisse Joson  atol sa paglugwa niya sa "Magandang Buhay" kagahapon human siya nangayo og pasaylo sa iyang inahan nga nakabikil niya dili pa lang dugay. Bisan pa man sa bugnaw nila pagtagdanay, ipadayon gihapon nila ang nasugdan nila nga negosyo.

“Actually po kasi hindi kami okay ni mommy ngayon pero gusto po naming gawin ito kasi we also want to share with you guys 'yung binuild namin na business and also para ma-share din sa ibang tao na hindi dahil nawalan ng trabaho during quarantine eh wala na tayong puwedeng magawa at wala na tayong puwedeng gawin para kumita in a different way," suma pa ni Elisse.

34th birthday

Gisaulog ni  Iya Villania ang iyang 34th birthday pinaagi sa pag-workout ug pakig-bonding sa iyang pamilya  sulod sa ilang panimalay.“Never imagined this is what 34 would look like for me. It was a good day. Thank you, Lord and thank you everyone for the love,” suma pa sa IG post ni Iya.

Bag-ong pamaagi

Target sa movie director nga si Adolf Alix Jr. nga ipaambit sa uban ang iyang talento sa pagmugna og pelikula. Ilusad niya puhon ang online film making class isip pagsanong sa new normal.