Decluterring Cebu

CEBU, Philippines — Gumikan sa pandemya, nakamugna ko'g lima ka group pages sa facebook. Kini mao ang Eats Cebu, Add to Cart Cebu, Pilar Camotes, Akong Paraiso, Plant Happiness Philippines ug Decluterring Cebu. Yes, naa na tanan sa facebook, pangitaa ninyo ug apil mo.  Karon diri ta sa Decluterring Cebu kay nagkanindot ang mga panghitabo niining maong page. Bartering and selling page gyud na siya. Pero kinahanglan preloved or used item imong pabayloan o ibaligya. Dili mahimo ang brand new kay dili nana decluterring. Pero naara sa makigbaylo kuj brand new or prelove ba sab iyang itugbang. Kun baligya, kami maoy magbuot sa presyo. Ikaw maoy mopili unsa nga item imong ibaligya subay sa presyo nga among gibungat. Mao na ang original concept.

Pero niliko siyag kalit few days ago. Kay ang kasagaran sa magpabarter ila mang pabayloan og grocery aron ihatag ngadto sa mga gigutom. Hinungdan nga daghang mga nadutlan ug modonate na lang silag kwarta diretso pinaagi sa page. So mao nay dagan sa page for now. In fact, sukad sa pagsugod ana nga page few days ago, usa pa gyud among successful bartering story. Daghan mig stories of charity.

Then, moliko na sab siya. Kay naay usa ka membro nga negosyante, ganahan siya nga pabaligyaon sa iyang produkto ang katong mangayo og tabang inay hatagan og kwarta. Ang mahitabo kay binlan niya og produkto, paginansyaan, unya ang capital ray iuli. Sa reseller na ang ginansya. Halinon man sab kaayo iyang produkto. So far, sa pagsuwat nako niini kagahapon sa hapon, duha na kabuok iyang ka negosasyon. Unta magkasinabot sila. Ug unta dili usikan ni potential reseller ang chance nga makakwarta siya. Bahalag ginagmay basta kanunay. Kay sa tinuod lang walay basta basta muhatag lang og kwarta, kinahanglan imo sab gyud na nga haguan. Ug kun naay musalig nimo nga dili nimo kaila ug kadugo, kinahanglan dili nimo usikan.

So mao nay dagan sa Decluterring Cebu facebook page karon. Unta musalmot mo aron makabaton sab mo og kahigayunan nga makatabang o matabangan sa ginagmay nga pamaagi. Unta mo join mo so that we can all create stories of help and hope.  Have a blessed Sunday, dear okRYANians.