Banggiitan nakatrabaho sa Ben & Ben
CEBU, Philippines — Sa latest song sa Ben&Ben nga “Lifetime”, nakatrabaho sa maong grupo si master engineer Leon Zervos, nga mao usab ang naghan-ay sa pipila ka mga kanta sa international artists nga sama sa Maroon 5, Ponk, Rihanna ug uban pa.
Matud pa sa Ben & Ben nga nakugang gyud sila sa maong kalamboan ug dako kaayo og tabang niini ang ilang record label nga Sony Music Philippines.
Nakatrabaho na usab nila kaniadto si Leon sa awit nila nga Fall ug Doors.
Dakong sayop ni Daniel
Giangkon ni Daniel Padilla nga nakasingka siya kaniadto sa iyang uyab nga si Kathryn Bernardo
Suma pa ni Daniel nga dakong sayop ang iyang gibuhat.
“Kasi hindi madadaan ang mga usapan sa ganoon, e, sa galit. Laging dapat klaro ka. Hindi ka puwedeng ang taas mo agad lagi,” suma pa ni Daniel.
Suma pa niya nga kinahanglan gyud nga dili magpadala sa sapot.“Ako, nakita kong problema ko noon kapag nag-aaway kami ni Kathryn, parang, pag mas malakas yung boses ko, baka mas manalo ako, parang may ganu’n.Na parang sa akin ngayon, na-realize ko mali pala yung ganu’n, parang hindi dapat ganu’n,” niya pa.
First anniversary
Gisaulog dili pa lang dugay nila ni Karla Estrada ug sa iyang non-showbiz boyfriend nga si Jam Ignacio ang first anniversary sa ilang relasyon. Nag-romantic date sila sa balay ni Karla.
Mag-rosaryo og balik
Nagkat-on og balik sa pag-rosaryo si Jessy Mendiola human siya nagdamgo kalabot sa maong butang sa miaging adlaw. Suma pa ni Jessy nga mag-rosaryo siya kanunay kaniadto apan nahunom kini sa dihang nipanaw ang iyang lola. Tungod sa iyang damgo, giingong senyales kini nga mag-rosaryo na sjya og balik. “Maybe it was my lola or Mama Mary who told me in my dream. Either way, it was a wonderful, meaningful sign. Now, I pray the rosary everyday and it has changed me in a lot of ways.Also praying for everyone who needs to go out on the first day of GCQ. Stay safe and healthy. God bless you all,” suma pa ni Jessy.
Dinner date
Nahimong emosyonal si Jinkee Pacquiao human nagpasiugda og dinner date ang iyang mga anak alang nilang duha ni Manny Pacquiao . “Ka sweet sa akua mga anak (Ang sweet ng mga anak ko)! Abi man nako mothers day gihapon (Akala ko Mother’s Day pa rin)! We are very grateful to God for our children! Thank you Lord for choosing us to be their mom and dad, to love and to care for them! Ang dinner setup sana sa labas ng room namin kaso umulan kanina nilipat nila sa office ni Manny. #surprisedinnerdateathome,” suma pa sa IG post ni Jinkee.
Baby girl
Malipayong gipahibalo sa Celebrity couple nga sila si Isabel Oli ug John Prats nga babaye ang umaabot nila nga anak. Gipahibalo kini sa magtiayon pinaagi sa ilang vlog. Mao kini ang ikatulo nila nga anak.“Actually sinabi ko kina mommy at daddy na okay na ako sa dalawang anak, pero kung bibigyan pa kami, mas okay. Hanggang sa dumating ang isa pang pagkakataon. Biniyayaan kami ng isa pang bata. Ito si Baby #3. Ano handa na ba kayong makilala siya? Ladies and gentlemen, ito na po ang aming Baby #3. It’s a baby girl,” suma pa ni John.
Dili madayon
Nakahukom ang mga tagdumala sa Miss Asia Pacific International 2020 nga temporaryong suspensohon ang coronation night sa maong indigay. Dili pa matino kun kanus-kini mapadayon sanglit duna pa’y hulga sa COVID-19. “Staging of Miss Asia Pacific International 2020 pageant is suspended until further notice.To all Miss Asia Pacific International friends and supporters, it is with a heavy heart that I inform you of the organization’s decision to postpone this year’s Miss Asia Pacific International pageant. This decision was difficult to make, but the health and safety of our staff, candidates, partners, and supporters take utmost priority,” tipik sa statement sa maong indigay.
Faces in the World
Nominado sila si Daniel Matsunaga, Ivana Alawi, James Reid, Kathryn Bernardo, Enrique Gil, Liza Soberano, sa 100 Most Handsome / Beautiful Faces in the World. Nominado usab niini ang ubang international stars nga sila si Noah Centineo, Chris Hemsworth, Zac Efron, Brad Pitt, Selen Gomez ug uban pa.
Nagpanikad na
Nagpanikad na si Alexa Ilacad sa sequel sa pelikulang “Four Sisters and a Wedding” . Modala siya isip Bobbie Salazar nga unang gidala ni Bea Alonzo. “Can’t wait to start shooting,” suma pa sa IG post sa aktres.
Record of Youth
Si Park Bo-Gum ang bida upcoming Netflix K-Drama nga ‘Record of Youth’. Malakip usab niini sila si Park So-dam ug Byeon Woo-seok. Gikatakda kini nga i-release sa tunga-tungang bahin karong tuiga.
Negatibo sa COVID-19
Negatibo sa coronavirus disease ang magtiayong Sarah Geronimo ug Matteo Guidicelli . Panagsa ra gyud mogawas sa balay ang magtiayon. “We just go out when we need to go out doing groceries and all these essential things," suma pa ni Matteo.
Daghan na ang natabangan
Nagsagunson ang pag-trending sa live show ni Willie Revillame sa GMA-7 nga Wowowin ilabi na sa segment nga Tutok To Win. Daghan na ang natabangan sa maong show.
- Latest