Liza mitingog na
CEBU, Philippines — Nipabuhagay na gyud si Liza Soberano sa iyang simpatiya sa ABS-CBN. Nagmalaumon ang aktres nga ma-renew ang franchise sa iyang mother network.
“I believe that, ABS-CBN, the senate and the congress are all doing their best para maayos ang lahat ng tamang paraan at tamang proseso. Naniniwala ako na kung may pagkakamali o pagkukulang man ang aming istasyon sinisikap po ng aming leaders na maisaayos po ang lahat. That same as our government official are doing their part,” suma pa sa IG post ni Liza.
Maayo motigom
Gibutyag ni Neri Naig nga maayo gyud motigom ang iyang bana nga si Chito Miranda. Nasayran nga dili gyud manginlabot si Chito sa kuwarta ni Neri ug tubagon gyud niini ang panginahanglan sa iyang pamilya.
Dangpanan ni Kim
Gibutyag ni Kim Chiu nga bisan pa man sa mga pagsulay nga iyang naagian, wala gyud siya kalimot sa pagsangpit sa Kahitas-an. “ Maraming pagsubok ang buhay pero wag natin kakalimutan nandyan lang siya naka gabay.Maraming Salamat po! I lift everything in your mighty name! Amen,” suma pa ni Kim.
Mingawon gyud
Nagtipig gyud si Andi Eigenmann sa mga hulagway sa iyang anak nga si Lilo gumikan kay seguradong mingawon gyud siya puhon sa hitsura sa pagkakabata niini. Kasamtangang nakabase sa Siargao si Andi kauban ang iyang partner nga surfer nga si Philmar Alipayo.
Karakter ni Lovi
Gitataw sa aktres nga si Lovi Poe nga dili siya martir pagkababaye sukwahi kini sa iyang karakter sa latest original film sa iWant nga “Malaya”. si Zanjoe Marudo ang kauban niya sa maong digital film. Gipasalida na kini sa iWant niadtong Mayo 28.
Pasok sa Top 10
Nakasulod sa MYX Daily Top 10 ang hit song ni Kim Chiu nga Bawal Lumabas. Nagbaha gyud ang ni-request sa maong kanta. Kusog usab kaayo kini sa Spotify, iTunes, Amazon, Apple Music, ug Deezer.
Pabasahon og libro
Samtang naka-quarantine, pabasahon kanunay ni Jake Ejercito og libro ang anak niya nga si Ellie. Gawas niini, gipaubos usa ni Jake og online class ang iyang anak.
Dili puwede
Nagpa-breastfeed pa si Marian Rivera sa kinamanghoran nga anak nila ni Dingdong Dantes nga si Ziggy hinungdan dili pa puwede moinom og alcoholic beverage ang aktres. Gitataw kini sa magtiayon human nangutana ang ilang followers kung nganong tubig lang ang giinom ni Marian sa special date nila ni Dingdong sulod sa ilang balay. Nasayran nga bino ang giinom ni Dingdong niadtong higayona.
Gihimong theme song
Ang kanta ni Sam Milby nga Last Goodnight maoy theme song sa bag-ong iWant digital film nga Love Lockdown. Kahinumdoman nga nalakip kini sa album nga Sam: 12 . Nagtuki kini sa mga komplikasyon sa gisudlan nga relasyon.
“Ali”
Dili na gyud mabangbang ang kasoud nila ni Andrea Brilantes ug Seth Fedelin. Kahinumdoman nga nagkauban sila kaniadto sa hit series sa ABS-CBN nga Kadenang Ginto. Suma pa sa duha nga “Ali” ang tawganay nila sa usag-usa. “Ali, ako po actually ang nakapag-isip no’n. No’ng una po talaga kasi may pagka-weirdo siya. So naisip ko alien, tapos hinati ko, naging Ali. Kapag magkasama kami, parang may sarili kaming mundo po,” suma pa ni Andrea.
- Latest