Eyes Ganda
Sanden J. Anadia (Banat) - May 25, 2020 - 12:00am

CEBU, Philippines — Gilusad ni Vice Ganda sa miaging gabii ang iyang online game show nga “Eyes Ganda”.  Ni-click dayon kini , ug gibutyag ni Vice nga nigahin gyud siya og igong oras aron magkat-on sa mga bag-ong teknolohiya nga haom sa matawag nga “new normal.” Sa pilot episode sa Eyes Ganda, gikuyogan si Vice sa laing komedyante nga sila si  MC ug Petite. Nilugwa usab ang singer nga si Daryl Ong.

Gihangop dayon

Nagmalipayon sila si Elijah Canlas ug Kokoy de Santos gumikan sa init nga pagdawat sa  netizens sa first episode sa ilang  Boys Love series nga Gameboys. Gi-upload kini sa YouTube channel sa The IdeaFirst Company.

Supak si Chariz

Dili uyon ang komedyanteng aktres nga si Chariz Solomon sa subling pagbukas sa klase karong August 24.  Dili makatugot ang aktres nga pagawsan anh iyang anak samtang naa pa’y hulga sa COVID-19 ang nasud. Pabor si Chariz nga ipaunos nalang una sa online class ang mga estudyante.

Online petition

Nanawagan si Kim Chiu sa iyang fans nga suportahan ang online petition nga naghatag og suporta sa ABS-CBN. Suma pa ni Kim nga ganahan na siya makabalik sa trabaho aron padayon nga makahatag og kalingawan ngadto sa viewers.

Nagpasalamat sa rider

Todo pasalamat ang aktres nga si Maritoni Fernandez ngadto sa delivery rider nga niuli sa iyang cash nga P130,000. Suma pa ni Maritoni nga  duna siya’y gipadalhan nga dokumento ug wala niya damha nga naapil niya og hatag ang iyang cash.  Suma pa ni Maritoni nga nibalik gyud ang rider ug niuli kini sa iyang kuwarta.

Unom ka buwan

Giangkon ni Sharon Cuneta nga unom ka buwan na ang iyang pagpahuway sa showbiz. Panghinaot ni Sharon nga makabalik na sa kahanginan ang mother network niya sa ABS-CBN.

Paapilon sa American Idol

Giaghat si Marlo Mortel American Idol 2019 finalist nga si Evelyn Cornier nga mo-audition puhon sa American Idol. Kasamtangang nagkolaborasyon ang duha sa awit nga  Bones . “Sabi niya subukan ko daw sumali kasi magandang experience raw ‘yon saka exposure. Susuportahan din daw niya ako ‘pag nag-audition ako. And dream ko din naman ‘yan, kaya in the future kapag nagka-papers ako,” suma pa ni Marlo.

Tommy nasagmuyo

Mipalag ang beteranong aktor nga si Tommy Abuel  sa nitumaw nga sugyot nga did-an  ang mga senior nga artista sa taping o shooting sa higayon nga masugdan na ang new normal.  Nanghinaot ang aktor nga mapangitaan kini og paagi.

Gibaligya ang mga dulaan

Gipamaligya ni  Ogie Alcasid ang mga collection niya  nga dulaan aron itabang sa kampanya ni Angel Locsin alang sa mass testing. “Been collecting these for over 24 years. Time to let go of most toys so someone else may take care of them and at the same time people will be tested for Covid. Just helping an angel with her advocacy. Go @therealangellocsin,” suma pa sa IG post sa singer.

Dunay misyon

Gipadayag ni Sylvia Sanchez nga duna pa siya’y misyon sa iyang kinabuhi. Mapasalamaton ang aktres sa iyang pamilya nga maoy naghatag kaniya og kusog. Usa ka COVID-19 survivor si Sylvia. 

Maghigala  ra gyud

Gitataw sa aktor nga si Kit Thompson  nga dili angayan hatagan og malisya ang kasoud nila ni Ivana Alawi.

Nahulma ang ilang panaghigalaay kay nagkauban sila sa pipila ka Kapamilya projects.

Una na nga gipadayag ni Ivana nga komportable siya katrabaho si Kit. Gikatakdang mag-uban ang duha sa upcoming Kapamilya series nga Ang Lihim ni  Ligaya. 

Golden sa “Bayanihan Musikahan”

Ang Cebuana singer nga si Golden Canedo maoy molugwa sa episode karong gabii sa “Bayanihan Musikahan” kun diin tumong niini mao ang paghipos og pundo aron itabang sa mga naapektohan sa COVID-19 pandemic.

Gawas kang Golden , malakip usab sa maong online concert ang ubang Kapuso stars nga sila si  Garrett Bolden, Kristoffer Martin uy Kyline Alcantara.  – Sanden J. Anadia

Heart mihimakak sa ‘buntis report’

Hugyanog gihimakak ni Heart Evangelista ang nikatap nga taho sa social media nga matud pa nagsabak siya.

“I am not pregnant...Fake news. Thank you for all your wishes but I am not. I’d like to set the record straight. It is a sensitive topic for me . Thank you," tweet pa niya.

Kahinumdoman nga nakasuway na si Heart nga nagsabak nidtong 2018 apan napunitan kini.

EYES GANDA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with