Naka-10M views dayon
(Banat) - May 23, 2020 - 12:00am

CEBU, Philippines — Mapasalamaton si Kim Chiu sa tanang nisuporta sa iyang latest single nga  “Bawal Lumabas”.  Matud pa nakakuha kini og kapin 10 million views sa nagkadaiyang social media platforms sa unang adlaw nga pag-release niini. Kahinumdoman nga kalit-kalit ang paghulma sa maong kanta nga nag-ugat sa  gi-bash niya nga linya sa dihang nanalipod siya sa ABS-CBN.

Gipadalhan og pagkaon

Nakugang si Lovi Poe gumikan kay sagunson siya nga gipadalhan og mga pagkaon nga gikan sa iyang fans ug mga higala. Mapasalamaton siya niini busa dili malikayan nga maguba usahay ang iyang diet.

Nakaung-ong mga proyekto

Nagmalaumon si Joshua Garcia nga mahuman ang duha niya ka pelikula nga kasamtangan nga nahunom tungod sa lockdown. Usa na niini mao film adaptation sa  libro ni Bob Ong nga “Ang Mga Kaibigan ni Mama Susan”. Malakip usab siya sa  “ Keys to the Heart” nga Pinoy adaptation sa usa ka Korean movie. “Actually nami-miss ko na ang trabaho ko. Nami-miss ko na ‘yung mga kasama ko sa trabaho, ang mga kaibigan ko. Miss ko na ang mag-mall. Miss ko na ang magtrabaho ‘yon. Pero wala kang magagawa. At least ngayon may Zoom, nakakausap natin ‘yung mga kaibigan natin,” suma pa ni Joshua.

Naka-adjust ra

Suma pa ni Glaiza de Castro nga naka-adjust ra sa kinabuhing probinsya ang iyang Irish boyfriend nga si David Rainey.   Kahinumdoman nga naatlan sa Baler ,Aurora si Glaiza ug ang  iyang uyab sa dihang gipatuman ang enhanced community quarantine. Giingong mangunay pa og pangumpra sa merkado ang iyang boyfriend.

Gisapot si BB

Giingnan ni BB Gandanghari  ang pipila ka netizens nga unta dili kini magmugna og mga istorya kalabot sa iyang kinabuhi. Nasayran nga dunay uban naghisgot sa iyang kagahapon sa dihang nagtangag pa siya sa pangalan nga Rustom Padilla.

Dili lalim

Gibutyag sa film producer nga si  Atty Joji Alonzo sa  Quantum Films nga dili lalim ang pagsugod og balik sa pagama og mga pelikula tungod sa kasamtangang health crisis. Giingong naapektohan gyud og maayo ang movies industry sa COVID-19 pandemic.

Nauswag ang concert

Giuswag ang North American concert tour nila ni  Sharon Cuneta ug Regine Velasquez  gumikan sa COVID-19 pandemic. Nangayo sa pagsabot si Sharon sa ilang fans ug nanghinaot sila nga mabalik na sa normal ang sitwasyon sa nagkalain-laing dapit sa kalibutan.

Naneguro sa kaugmaon

Aminado si Kris Bernal nga dili gyud matag-an ang mahimong dagan sa iyang career puhon busa namundo siya daan . Nakatutok og maayo si Kris sa iyang negosyo samtang wala pa siya kabalik sa mga taping.

Mi-click ang negosyo

Ang pagpamaligya og mga cake maoy gikabisihan karon sa aktres nga si Nikki Valdez. Nagpungasi matud pa ang nadawat niya nga mga order karong panahona.

Busy sa pagtabang

Nagluto napud si Marian Rivera og laing hugna sa mga pagkaon alang sa frontliners. Samtang ang iyang bana nga si Dingdong Dantes na-busy usab sa laing relief operation.

Bida sa zombie film

Laing Korean zombie film ang giluto alang kang Park Shin-hye ug Yoo Ah-in. Ang istorya niini magtuyok sa misteryosong  outbreak sa Seoul. Nailhan si Park Shin-hye  gumikan sa pagkalakip niya sa  You’re Beautiful, The Heirs, and Doctors, ug uban pa. Samtang si Yoo Ah-in nailhan gumikan sa paglugwa niya sa Secret Love Affair, The Throne, ug Six Flying Dragon.

Giabibahan sa netizens

Gihulagway sa ilang social media followers nga “walang kupas” ang mag-agaw nga Sunshine ug Geneva Cruz  human sila nag-duet sa awit nga “I Know Him So Well”. Ang maong awit gipasikat nila ni Elaine Page ug Barbara Dickson. Nakadawat og mga pagdayeg ang version nila ni Sunshine ug Geneva sa maong awit. Gani duna sila’y followers nga nanawagan nga unta sa sunod nila nga cover video kay apilon napud nila si Donna ug Sheryl Cruz.

“JenDen” mipakilig sa fans

Gipakilig sa mag-uyab nga sila si Jennylyn Mercado  ug  Dennis Trillo  ang ilang fans atol sa ilang online  concert sa miaging gabii. Kabahin gihapon kini sa Bayanihan ,Musikahan concert series nga gipasiugdahan ni Ryan Cayabyab.

Ang ilang tandem  gitawag og  “JenDen” ug usa sa ilang gikanta mao ang “ I Finally Found Someone” nga gi-perform usab nila kaniadto sa CoLove series sa ilang YouTube Channel.

Gikanta pud nila ang Nothing's Gonna Stop Us Now"  ug nagmugna usab sila og special cover sa “ Silly Love Songs" ni Paul McCartney. "Pressure kasi syempre yung mga nauna sa amin eh talagang hindi basta basta 'yung level.So ayun, talagang pinaghandaan namin,” saysay pa ni Jen ngadto sa GMA News.

DAYON
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with