Makighinabi sa higala

CEBU, Philippines — Gipaambit sa Kapuso star Jasmine Curtis-Smith kun giunsa niya pagsagobang ang gibating  anxiety samtang nag-inusara nga nagpuyo sa iyang  balay taliwala sa COVID-19 crisis. Importante matod pa nga makighinabi kita ngadto sa atong mga higala aron mawala atong kagul-anan ug kabalaka. "Yun the first step is talk to your friends, reaching out with my family also, video call.If hindi enough then I seek professional help,"tipik pa sa tambag niini.

Sideline ni Ai-Ai

Nakahukom ang komedyanteng si Ai-Ai delas Alas nga maninda og   ube pandesal karong panahon sa enhanced community quarantine. Siya matod pa ang tig-bake niini ug iyang bana nga si Gerald Sibayan ang tig-andam sa orders. Aksidente lang matod pa ang pagtukod niya sa maong negosyo ,kini human nangita og ube pandesal ang iyang bana.

Wala na’’ bold background

Nagpasalamat si Pasig City Mayor Vico Sotto nga wala nay participant nga naghubo ang backgroud  sa latest nga  video conference  niini kalabot sa COVID-19. Kahinumduman nga nag-trending ang unang video conference sa mayor human adunay nigawas nga hubong hulagway samtang nakig-estorya sa usa ka miyembro sa Foreign Correspondents Association of the Philippines (FOCAP).

Happy anniversary!

Nagsaulog sa ilang first wedding anniversary sila si  Dani Barretto ug lifestyle vlogger ug DJ nga si Xavi Panlilio. Nag-post og sweet anniversary greetings ang duha  gamit ang ilang nagkadaiyang Instagram accounts.

Kasikas ni Heart

Gipaambit ni Heart Evangelista sa latest vlog niini sa iyang Youtube channel kung unsa iyang gikabisihan karon panahon sa enhanced community quarantine. "These past few weeks, I’ve been working on personal projects, finding ways to get creative on social media, and of course, doing our part in helping the community by arranging donations,"sigon pa ni Heart.

Kumpirmado

Gikumpirmar sa Kapuso actress Pauline Mendoza nga aduna sila'y relasyon ni Alaminos City Mayor Bryan Celeste.  Si Mayor Celeste maoy labing bata nga mayor sa Pilipinas nga may pangidaron nga 23 anyos. "Oo, once and for all, ladies and gentlemen. Nagkakilala kami through common friends sa aking endorsement,"butyag pa niini.

Naboking ang sorpresa

Si Neil Arci gyud ang nangunay og andam sa  intimate surprise birthday party alang sa iyang uyab nga si  Angel Locsin apan wala na nasurpresa ang naulahi sanglit nakahibalo na kini pila ka minutos sa wala pa kini nahitabo."Nalaman ko yung surprise nila 30 minutes earlier.In-arrange ko na iyong sarili kong surprise tablescape.  Surprise! Happy birthday to me! Salamat!"paambit pa sa 35 anyos nga aktres.

Naglisod

Gipaambit sa Kapuso star Chariz Solomon ang iyang kasinatian sa labing unang higayon nga nigawas siya atol sa enhanced community quarantine (ECQ)."Ang hirap pala ng nakamask na tapos naka face shield pa. Claustrophobia at its finest. I puked in my a little bit sa sobrang takot. Grabe saludo ako sa frontliners natin talaga,"paambit pa niini.

Gimingaw ni Ellie

Gimingaw na kaayo si Andi Eigenmann ngadto sa iyang anak nga si Ellie human sa dugay na nga panahon nga wala nagkauban tungod sa gipahigayon nga enhanced community quarantine. Nagpuyo karon si Andi didto sa Siargao kauban ang partner nga si Philmar Alipayo ug anak nila nga si  Lilo samtang tua nagpuyo sa Manila si Ellie. Si Ellie kay anak ni Andi ug sa aktor nga si Jake Ejercito.

Naghiusa sa pagtabang

Nagkahiusa ang mga sikat nga mga komedyante sa showbiz sama nilang Vice Ganda, Ethel Booba, Negi, Pooh, Donita Nose,  Anton Diva ug uban pa aron motabang sa mga stand-up comedian nga naapektuhan ang trabaho tungod sa COVID-19 crisis. Mopahigayon ang maong mga komedyante og on-line benefit show nga nag-ulohan og  “We Laugh As One” nga makita karong Dominggo. 

Namaligya  aron makatabang

Gibaligya ni Marian Rivera ang pipila niya ka sinena pinaagi sa Fashion For Others benefit sale.

Ang kita sa maong auction idonar ngadto sa nagkalain-laing beneficiaries gikan sa film industry workers nga naapektohan  tungod sa (COVID-19) pandemic.

“I’m sharing some of my personally selected pieces to #FashionForOthers benefit sale. All proceeds will go towards Covid19 aid. When you shop, you get to choose a beneficiary and support a community. #ShopForACause,"post pa niini sa Instagram.

Pipila sa mga gibaligya nga sinena ni Marian kay gidesinyo sa mga mga sikat nga designers sama nilang Dolce & Gabbana, Alexander Wang, ug Roksanda.

Gawas ni Marian, nabalita usab nga gibaligya ni Jericho Rosales ug Matteo Guidecille ang ilang mga mahalon nga gamit aron itabang ngadto sa mga naglisod nga mga Pinoy  ug sa mga frontliners.