Paghimo og facemask

CEBU, Philippines — Nihimo og tutorial si Kapamilya actress Kathryn Bernardo unsaon paghimo og washable face masks. Gipaambit niini ang video sa iyang demonstration ngadto sa iyang Instagram account. Sa pagka-karon, aduna nay kapin 1 million views ang maong video.

Di kay mag-Tiktok lang

Gipaambit ni Kapuso hunk actor Derek Ramsay nga mas taas siya og oras karon kauban ang anak niini nga si Austin, 16 anyos, sa kanhi asawa nga si Mary Christine Jolly. Kanunay matod pa niya kining tambagan mahitungod sa kinabuhi ug usa na niini mao ang pagtabang ngadto sa uban. “We should always help people who are fighting for their life every single day. Iyan ang kailangan mong matutunan, na tumulong ka. Huwag ka lang mag-Tiktok diyan,”tambag pa niini ngadto sa anak.

Nagtudlo og sayaw

Gitudloan ni Scarlet Snow Belo ang inahan nga si Dra. Belo og sayaw nga  "I Am A Gummy Bear". Gitudloan sab niini ang inahan sa proper blocking. Makita ang maong tutorial sa gi-upload nga video sa Instagram. "I will be in the middle because you have to go behind me, so that we can turn into one,”sigon pa ni Scarlet.

Dili pikon

Giasoy sa actress-singer nga si Agot Isidro nga wala niya gikasuko ang nag-trending karon sa social media diin gikumpara ang iyang hulagway ngadto sa usa ka sketch sa namatay nga komedyante nga si Palito. Iimbis nga masuko, gipaambit niini nga usa ka dakong dungog alang kaniya nga makompara ngadto sa beteranong komedyante. Nagduda ang aktres nga ang mga Duterte Diehard Supporters(DDS) ang nagpasiugda sa maong post.

Graduation sa balay

Gihimo ang moving up ceremony sa anak nilang  Judy Ann Santos ug Ryan Agoncillo nga si Luna sulod sa ilang panimalay uban sa mga magtutudlo ug mga classmates niini. Gihimo lang nila kini sa balay gumikan kay dili man sila makagawas tungod sa gipahigayon nga enhanced community quarantine. "Celebrated luna's “quarantined” moving up day with her teachers and classmates today.? congratulations our bunny! May graduate na uli kami!"post pa ni Juday sa Instagram.

Gihilakan ang COVID-19

Gibutyag sa komedyanteng si Ruffa Mae Quinto nga gibati siya og hilabihang kaguol-anan sa giatubang nga COVID-19 crisis karon sa kalibutan. Kini samtang na-lockdown siya didto sa USA kauban ang American husband nga si Trevor Magallanes ug anak nga si Athena. “Ano na nga ba Pilipinas kong mahal? Iniiyakan ko ang pandemic na ito. Ganito ba ang future ng anak ko? Takot, lungkot at inip? Wondering? ghost town? Etc, I get a headache and nanginginig laman ko sa news, asawa ko pa frontliner din! Working so much as police,”post pa ni Ruffa.

Nigawas sa balay

Gipaambit ni Kim Chui sa social media ang porma niya sa dihang nigawas siya sa ilang balay ug niadto sa barangay hall aron mangayo og quarantine pass. Makita sa iyang hulagway nga nagsul-ob ang aktres og faceshield. “#quarantinestory it feels different. It’s like we are in a movie and we don’t know what’s the ending. Sana may fast forward button para matapos nato kaagad just like when you’re watching it. Keep safe everyone!”caption pa sa hulagway nini.

Suporta sa Tiktok

Nipaabot sa iyang suporta ang aktres nga si Dimples Romana ngadto sa mga netizens nga mahiligon mo-upload og TikTok videos. Sigon pa sa aktres, dako kini og tabang ngadto sa mga tawo hilabi na karon nga nag-atubang kita sa COVID-19 crisis. "We all cope differently. Especially now, we have to take care of our mental health also. Dapat pati 'yung pag-iisip mo inaalagaan mo. Kung iyon ang nagpapasaya sa 'yo at this point, OK. Ako, support ako sa ganyan,"sigon pa sa aktres.

Na-misinterpret ang comment

Midepensa sa iyang kaugalingon si Miss Universe 2015 Pia Wurtzbach batok sa mga fans ni Heart Evangelista nga gilain og sabot ang iyang komento ngadto sa post sa ilang idolo.“Wasnt implying that the work she is doing is ‘small’. Of course not! She does so many things to help other people,”pasabot pa ni Pia.

Nakahilak sa programa

Nakahilak ang GMA-7 Wowowin host Willie Revillame human nakita ang gihimo nga tribute sa iyang programa alang ngadto sa  mga frontliners sa COVID-19 pandemic. Usa sa gipakita niini mao ang usa ka bata nga giputos una og plastic sa wala pa gipagakos ngadto sa iyang ginikanan nga frontliner. “Napakalungkot po talaga na anak mo, di mo mayakap. Mahirap po talaga ang pinagdadaanan natin, hindi lang dito sa Pilipinas, kundi sa buong mundo. Sana ho, makinig na tayo. Huwag na kayong lumabas ng bahay,” sigon pa sa host. 

Kristofer Hivju naayo na sa COVID-19

Malipayon nga gipahibalo sa ‘Game of Thrones’ actor Kristofer Hivju ngadto sa iyang mga fans nga naayo na siya sa COVID-19. “After several weeks in quarantine, and also a couple more indoors after being free of all symptoms, we are finally safe and sound. We were lucky to only have mild symptoms of COVID-19,” post pa niini.

Nipaabot sab sa iyang pasalamat ang 41 anyos nga aktor ngadto sa tanang nisuporta kaniya.

"Thank you for all of your support, and please remember to stay vigilant and keep your distance, wash your hands, and most of all, take care of each other in this strange time. Lots of love from us,” sigon pa niini.

Kahinumduman nga gianunsyo sa Norwegian star niadtong Marso nga nagpositibo sila sa iyang asawa sa COVID-19. 

2NE1 Minzy nibiya sa agency

Gipahibalo sa former 2NE1 member Minzy nga pormal na siyang nibiya sa iyang agency nga The Music Works human sa pila ka buwan nga wala nagkasinabot.

Kahinumduman nga una nang nipasaka og reklamo ang South Korean singer ngadto sa iyang agency tungod sa wala pagtuman niini sa gikasabutan nilang kontrata.

Giasoy niini sa Instagram nga andam na siya mobuhat og laing laraw  ug nagpasalamat kini sa iyang fans sa wala’y puas nga pagsuporta ngadto kaniya.

“I’m about to embark on a new journey. I left my company and got freedom. For the fans who always support me, I ended the contract with my agency well through negotiations,” sigon pa niini.

Misaad kini sa iyang mga fans nga mas visible na siya karon nga aduna na siya’y kagawasan nga mobuhat sa iyang mga gusto.

“I leave much to be desired because I haven't been able to show you my works and performance in recent years, but from now on, I can show you more often. I will meet you bright and energetic on the stage to match the name, Minzy. Above all, I will communicate more often with fans who always support me!”saad pa sa singer.

Kahinumduman nga niadtong  2016 kay nibiya si Minzy sa YG Entertainment ug nitapon sa  Music Works nga iya sab gibiyaan karon.