Easter photo shoot

CEBU, Philippines — Gikagubtan sa online world ang Easter photo shoot sa anak nilang Anne Curtis ug Erwan Heussaff nga si baby Dahlia Amelie. Ang maong cute photos ni Dahlia kay giupload sa tagsa-tagsa nga Instagram accounts nilang Anne ug Erwan ug dali kining gikagubtan sa ilang mga followers.

Giablihan og balik

Giablihan og balik sa Kapuso star Alden Richards ang iyang gi-franchise nga fast food chain  didto sa Biñan, Laguna. Kahinumduman nga nasira kini gumikan sa gipahigayon nga enhanced community quarantine sa Luzon.

Pamilyang Guidicelli

Nagsaulog sa Easter Sunday ang newlywed couple nga silang Matteo Guidicelli ug Sarah Geronimo uban sa tibuok pamilya  sa mga Guidicelli . Gipaambit sa inahan ni Matteo nga si Glenna ngadto sa Instagram ang mga hulagway nga kuha  atol sa ilang panagpundok. Gikasal si Matteo ug Sarah niadtong Pebrero.

Lloydie nagbalak

Gipaambit sa Kapamilya actor John Lloyd Cruz ngadto sa Instagram ang usa ka video diin makita nga nagbasa siya og usa ka balak. Wala gitino sa aktor kung para asa ug para kang kinsa kining maong balak.“Isang tula para sa panahon nang pakikidigma para sa katotohanang walang sinuman ang magkakamit. Mamamatay tayong mangmang,”  caption pa sa aktor sa maong video.

"Rebirth"

Giisip sa aktres nga si Iza Calzado ang pagsugat niya sa Easter Sunday isip iyang rebirth o pagkatawo og balik. Kahinumduman nga bag-o lang naayo sa  COVID-19 ang aktres. “Rebirth. Happy Easter!!! This is the most meaningful Easter for me. Rebirth, another shot at life. A deeper understanding of our interconnectedness, with God, fellow human beings, animals, Mother Nature,"sigon pa sa Kapamilya actress.

Mihalad og kanta

Namalandong ang aktres ug vlogger nga si Alex Gonzaga atol sa pagsaulog niini sa Semana Santa. Pinaagi sa iyang latest vlog, nikanta kini og awit nga 'Oceans' uban ang iyang iyaan nga si Ella. Sa pagka-karon, niabot na og kapin 1 million views ang maong vlog.

Makeup challenge 

Nihimo og makeup challenge ang aktres nga si Mika dela Cruz diin gipagwapahan niini ang iyang ate nga si Angelika. Gisunod ni Mika ang newly look sa Korean actress nga si Song Hye Kyo. Ang maong makeup challenge kay gipaambit ni Angelika sa Instagram ug gikatakda kining makita sa iyang Youtube channel sa umaabot nga mga adlaw.

Fake diay!

Gipahibalo sa komedyanteng si Ethel Booba nga dili siya ang tag-iya sa popular Twitter account nga @IamEthylGabison nga dugay na nga panahon nga naglihok sa social media gamit ang iyang ngalan. Ang maong Twitter page kay adunay  1.6 million followers ug kanunay magtrending ang mga tweets niini.  "BEWARE of this FAKE! twitter! #StopUsingMyName #fake #fakenews #peke," post pa ni Ethel.

Second child

Gipakatawo sa former "Starstruck Ultimate" Sweetheart nga si Jewel Mische ang ikaduha nilang anak sa banang si Alister Kurzer. Nahimugso ang anak niini nga si Baby Emerald "Emrie" Jade niadtong  Abril 3, Biyernes.

Hulagway pagkabata

Nag-post og throwback photo aktres nga si Antoinette Taus  kauban ang  igsoon niya nga si Tom Taus isip pagsabay sa uso sa social media karon nga  National Siblings Day. Ang maong  childhood photo sa duha nagpakita kung unsa sila kasuod sukad kaniadto . “Popsicle buddies since the 80's,"caption pa ni Antoinette.