Dili ganahan

CEBU, Philippines — Gipaambit sa aktres nga si Beauty Gonzalez nga kung siya ang pabut-on, dili siya ganahan nga mosulod sa kalibutan sa showbiz ang unica hija nga si Olivia. Gipaambit niya kini atol sa random question-and-answer sa iyang followers sa Instagram. "I don't want her to chase after it, it has to chase her. My dream for her is for her to build, create something, to be happy, to affect people and to make a difference," niya pa.

Nausab ang lifestyle

Gipaambit sa aktres nga si Ellen Adarna nga nausab gyud iyang lifestyle human natawo ang anak nila ni John Lloyd Cruz  nga si Elias Modesto. Giasoy  niini nga dili na kaayo siya magsige og party  ug nag-pokus nalang sa pag-atiman sa iyang anak. Gipaambit niya kini ngadto ni Karla Aguas ug Rico Robles sa RX 93.1 pinaagi sa usa ka video call.

May kolehiyala na

Gipasigarbo ni Sunshine Cruz sa social media ang anak nga si  Angelina kinsa nakahuman  na sa high school. Sigon pa sa Love Thy Woman star, niadtong Biyernes na unta  ang graduation ceremony sa iyang anak apan wala kini nahinayon tungod sa  COVID-19 crisis. "I am very much proud of you. Congratulations, Angelina. May kolehiyala na ako!”pasigarbo pa niini.

Giguba ang balay

Gidemolis matud pa ang marital home sa ex-couple nga silang Song Joong Ki ug Song Hye Kyo ug gikatakda kining tukoran og laing building. Gi-report kini sa Hong Kong-based news outlet nga South China Morning Post. Nagdumili sab og hatag og komento kalabot niini ang talent management agency ni Joong Ki.

Modonar og blood plasma

Gikatakdang modonar og blood plasma ang aktres ug COVID-19 survivor nga si Iza Calzado ngadto sa mga pasyente sa Philippine General Hospital ug Makati Medical Center. Ang blood plasma kay usa ka "colorless liquid" nga parte sa dugo. "I already said yes to PGH and Makati Medical Center, but has to be 14 days after my first negative result and I just have to be assessed again,"sigon pa niini.

Hinaot pa unta

Nanghinaot ang aktor nga si John Prats nga mawala na ang COVID-19 pandemic sa panahon nga manganak na ang iyang asawa nga si Isabel Oli. Nasayran mao kini ang  ikatulo nilang anak. Unom na ka buwan nga nagsabak ang aktres nga si Isabel ug gikatakda kining manganak karong Hulyo.

Wala nakapanamilit

Nagmagul-anon ang singer nga si Janno Gibbs sanglit wala kini nakapanamilit  sa nipanaw nga iyaan nga former Sampaguita contract star nga si Liberty Ilagan human  wala nakagawas tungod sa enhanced community quarantine. "Yes, sadly, hindi pa kami nakapagpaalam kay Auntie Liberty," asoy pa niini.

Sestra's birthday

Maayong panglawas ang wish sa ABS-CBN star Anne Curtis ngadto sa iyang igsoon nga si  Jasmine kinsa nagsaulog sa kasumaran sa adlawn'ng natawhan niini. Nag-post si Anne og hulagway  nilang duha ni Jasmine sa bata pa sila.“Happy Happy Birthday to my Sestra @jascurtissmith. We are all missing you so much and are praying for you to stay safe and healthy,"mensahe pa niini.

Alang sa frontliners

Gi-dedicate sa Kapuso Soul Balladeer Garrett Bolden ang bag-o niyang kanta ngadto sa mga frontliners sa COVID-19 pandemic. Nag-ulohan kini og "Soldier In White" nga gi-compose ni Lolito Go ug giduyogan sa pianist nga si Jayr Gypsyj Bañez.