12 deleted scenes

CEBU, Philippines — Gipagawas sa Star Cinema ang 12 deleted scenes o wala nakita sa sinehan nga mga eksena nilang Loisa Andalio ug Ronnie Alonte sa gibidahan nilang pelikula nga 'James and Pat and Dave.' Gipost kini sa YouTube channel sa Star Cinema. “Missing "James and Pat and Dave"? Let's relight the fire with these exclusive never-before-seen deleted scenes!” caption pa sa maong  video.

Gitapos na

Gibutyag sa singer nga si JK Labajo nga niundang na siya og pangita sa German nga amahan nga si Oliver Stolz ,kini human siya gi-block  niini  ug nipadala pa gani siya og mensahe ngadto niini sa whatsapp.

"I messaged him two days ago asking if he was Oliver Stolz. The messages got delivered. Today, I tried to message him again just to see that he blocked me.This concludes the end of my search,"post pa niini.

Gitubag ni Luis

Gitubag sa Kapamilya actor Luis Manzano ang usa ka netizen nga nitawag niya og "bayot" sa usa ka post niini sa social media. “Kung maka-bayot ka naman as if masama maging bayot, itsura mo nga 'yung nagnanakaw ng bag sa fast food,” paghot pa ni Luis.

Nagsugod na

Gibuksan na  ang online audition sa singing competition sa GMA-7 nga The Clash alang  sa ikatulo nga season niini. Gipahigayon kini sa GMA's official website ug sa  official Facebook Messenger  sa The Clash sukad niatong Sabado. Gikatakdang matapos ang audition karong Hunyo 28.

Gidayeg ang tingog

Nag-viral sa social media ang video  sa aktres nga si Solenn Heussaff diin makita nga gikantahan niini ang anak nga si Baby Thylane og awit nga  'Heal the World' ni Michael Jackson.Gidayeg sa mga kaubang celebrities  ang tingog sa aktres. Sa pagka karon, aduna na kini 700,000 kapin nga views.

Teaser sa fans

Gipaambit sa Kapuso actor Benjamin Alves sa Instagram ang topless photo niya nga kuha sa usa ka eksena niya sa seryeng  'Owe My Love' diin gidala niya ang karaketer nga Doc Migs.

Tungod niini,  naghinamhinam na ang iyang  fans nga makita ang maong upcoming Kapuso series.

Happy bisan kapoy

Gipaambit ni Arnell Ignacio nga gikatakda na unta siyang mobalik sa trabaho isip Deputy Executive Director sa Overseas Workers Welfare Administration (OWWA) karong buwana apan na-delatar  lang kini tungod sa COVID-19 crisis. Giingong malipayon siya sa maong trabaho bisan pa man nga kapoy kaayo kini."Masaya ako kapag yung ginawa ko e nakatulong para magkaroon ng malaking improvement ang mga buhay nila. Kahit ang kukulit, ang titigas ng ulo,"sigon pa niini.

"Sky baby"

Gipakita sa Lifestyle vlogger  Kryz Uy ang  sonogram images sa gisabak niyang anak nga gitawag niya og  "sky baby"  .Nag-post siya og hulagway niini  sa Instgaram. Nagsabak si Kryz sa unang anak nila sa former Pinoy Big Brother housemate ug businessman Slater Young."Happy to report that the #skybaby is happy and healthy. best news all month. thank you lord,"post pa niini.

Tea lang

Gipaambit sa singer nga si Kris Lawrence nga pwede matod pa nga mapugngan sa sayo pa ang COVID-19 kung mabatyagan nimo nga aduna naka'y sintomas niini. Pwede matod pa kita moinom og ginger/garlic/turmeric tea nga adunay sagol nga lemon. Gibuhat matod pa kini sa iyang higala sa Canada ug epektibo kini.

Gisibog ang petsa

Gi-reschedule sa American rock band nga Green Day ang ilang Asian Tour ngadto na sa tuig 2021  tungod sa hulga sa COVID-19. Gipost sa official Facebook page sa grupo ang bag-ong schedules sa ilang tour ug usa na niini ang pagbisita nila sa Manila nga gisibog  ngadto na sa Marso 13, 2021. Ang maong tour mag-promote sa  umaabot nila nga  album.