Darren mopadayon gyud sa show sa China

CEBU, Philippines — Nagmalaumon si Darren Espanto nga madayon gihapon ang pagsalmot niya sa programang The Singer nga usa ka singing competition nga nanukad didto sa China.

Kahinumdoman nga nakasalmot na niini si KZ Tandingan kaniato.

“I was supposed to go po to China and hindi po natuloy dahil sa corona virus and all the travel bans. And I think it’s safer that way din po na hindi muna lumipad but hopefully po kung ma-lift yun ban na yon matuloy po and we’ll see what will happen,” saysay pa sa singer nga namantala sa PUSH.

Suma pa sa singer nga subo gyud palandungon ang pagkadelatar sa maong show apan gikinahanglan gyud nga dawaton ang wala damha nga sitwasyon. 

“Of course there’s a bit of disappointment pero para sa akin masaya na po na nakapag-guest ako last year sa The Singer and for me, yung experience na yon was enough na rin para sa akin. Pero hopefully po ay matuloy nga and ma-bless po tayo do’n,” dugang pa ni  Darren.

Nasayran  nga taod-taod na diay nga  gitanyagan si Darren nga mahimong kabahin sa maong kompetisyon.  “The Singer talaga was looking for singers who wanted to join in China. And ako po talaga ayoko na sa mga contest, pero for me The Singer was a different platform naman in a different country so when they offered it again end of last year sabi ko, ‘Sige, let’s give it a chance and we’ll see what happens,” niya pa. Malipayon ang singer nga nahibalik na ang regular niya nga tingog.

“Actually, when I was going to puberty nawala talaga yung falsetto ko ng a year and a half. Akala ko hindi na siya babalik and yon nga po dahil sa vocal coaching at tamang placement I learned how to control it and kung paano po pakapalin yung tunog,” dugang pa sa singer.

Christopher Cross, positibo sa COVID-19

Gipahibalo sa American singer-songwriter Christopher Cross  nga nagpositibo siya sa   COVID-19.

"Dear Friends, I’m sorry to report that I am among the growing number of Americans who tested positive for the COVID-19 virus,"suma pa sa iyang Facebook post. Giasoy niini sa iyang post nga usa kini ka delikadong sakit busa dili kini ibaliwala sa publiko.  Nitambag sab ang singer ngadto sa iyang mga higala ug fans nga kanunay'ng protektahan ang kaugalingon sama sa dili una paggawas sa balay ug makanunayong paghugas sa kamot.

"My advice to you is to understand right now that this is a deadly illness spreading like wildfire throughout the world,” niya pa.

Ug sa kataposang bahin sa iyang post, gipahimug-atan niini nga kinahanglan magbinuotan sa usag-usa ug magkahiusa kita aron mapokan ang gikabalak-an nga COVID-19.

"Last but never least: wherever you are in the world, let’s all be kind to one another. Only if we work together can we defeat COVID-19," sigon pa niini.

Gipasikat ni Christopher ang kantang  "Sailing" ug "Arthur's Theme".