Hey Instagram!

CEBU, Philippines — Nagparamdam og balik sa Instagram ang hunk actor nga si Diego Loyzaga human sa usa ka tuig ug tunga nga wala na naggamit sa iyang account. Gibandera niini ang masulon niyang lawas sa una niyang Instagram post niadtong Biyernes.“Hey Instagram! Hoping everyone’s doing okay and safe at their homes! I can understand that the most of us would be wishing to be at the beach so I might as well join you! Stay safe, we will get through this!"post pa sa gwapong aktor.

Pyansahan tanan

Gipahibalo ni Frankie Pangilinan nga piyansahan niya ug sa iyang mga ginikanan nga silang senator Kiko Pangilinan ug Sharon Cuneta ang 21 ka mga nadakpan nga lumulupyo sa Quezon City human nagrally nga wala'y permit. Nagrally ang maong mga residente gumikan kay wala na matod pa sila'y makaon tungod sa gipahamtang nga enhanced community qurantine sa Luzon. Giingong P315,000 ang mabayran para mapagawas ang  mga protesters.

Magpokos sa anak

Gipaambit sa aktres nga si Ellen Adarna nga dili una siya mobalik sa trabaho sa showbiz sulod sa  pito ka tuig aron maatiman ang anak nila ni John Lloyd Cruz nga si Elias Modesto. "I don’t wanna say, like, forever, right? But definitely, not in the next seven years,"paambit pa niini.

Niubos ang timbang

Gipahimuslan ni ABS-CBN veteran journalist Korina Sanchez ang taas nga quarantine period para magpagamay sa iyang lawas. Gipaambit niini sa social media nga niubos ngadto sa 110 lbs ang iyang timbag sa sige og exercise sa balay."Run, weights, swim, diet, kids, sleep, REPEAT. Kaya natin toh,"asoy pa niini.

Nanghatag og bugas

Nidonar og 500 ka kilo nga bugas ang aktres nga si KC Concepcion ngadto sa 100 ka mga naglisod nga pamilya taliwala niining COVID-19 crisis. Gipaagi niya iyang hinabang ngadto sa iyang mga higala nga silang Garlic Garcia ug Mikaela Martinez. "Walang Pilipinong dapat magutom, lalong lalo na sa mga panahong ito... Tulungan tayo, Pilipinas,"post pa ni KC.

Ipasalida og balik

Subling makita sa GMA Telebabad ang seryeng Meant to Be ni Barbie Forteza ug  travel show ni  Drew Arellano nga Biyahe ni Drew sugod karong Lunes.

Makita ang Meant to Be  matag Lunes hangtod Biyernes sa alas 9:30 hangtod 10:15 sa gabii, samtang ipasalida matag Biyernes ang Biyahe ni Drew sa  alas 11:30 sa gabii hangtod alas 12:10 sa kadlawon.

Memories

Nihatag og advice ang Kapuso actress nga si Ina Feleo kung unsay angayan buhaton ngadto sa mga tawo nga gikapoy, naguol ug naglagot. Niya pa, pwede silang mag-post og mga memories sa ilang tagsa-tagsa nga social media accounts. Sa iyang bahin, gipost niya sa Instagram ang hulagway nila sa sa fiance nga si James Gerva samtang nanuroy sila sa  Venice, Italy.

Mobida sa SF8

Gikatakdang mobida sa usa ka drama project ang Super Junior member nga si Siwon Choi nga pagkaulohang  “SF8.” Pagkadalhon niini ang karakter nga Choi Min Ju. Makauban niyang casts mao silang  Hani, Lee Si Young,  Moon So Ri ug uban pa.

Sa Hongkong namalit

Namalit og medical protective gear ang actor-host nga si Richard Juan didto sa Hong Kong ug gihatag kini ngadto sa healthcare workers sa nagkalain-laing ospital sa Metro Manila. Nagpatabang matod pa siya sa iyang mga kaila sa Hongkong para makapalit sa maong mga gamit sanglit nangahurot na man ang supply dinhi sa Pilipinas."I just wanted to find ways to support our frontliners who are risking their lives for us and I’m just trying to do my part,"post pa niini.

Peninsula teaser

Gipagawas n a ang teaser trailer sa sequel sa blockbuster Korean zombie film nga  ‘Train To Busan’  ug giulohan kini og 'Peninsula'. Kini ubos gihapon sa direksyon ni Si Yeon Sang-ho ug bituonan nilang Jung-seok , Lee Jung Hyun, Kwon Hae Hyo, Kim Min Jae, Go Kyo Hwan, Lee Ye Won, ug uban pa. Wala pay petsa kung kanus-a kini ipadalida sa mga sinehan.