Lahi ang personal

CEBU, Philippines — Kalmadong gitubag ni 2015 Miss Universe Pia Wurtzbach ang usa ka netizen kinsa nikuwestiyon kaniya nganong nipahigayon pa siya og fundraising campaign alang sa  frontliners nga daghan man daw siya og kwarta tungod sa iyang mga endorsements.  pa  "Hiwalay pa po diyan yung galing po sa akin mismo,"tubag pa ni Pia.

Nanghatag og pagkaon

Nidonar ang ABS-CBN og mga pagkaon ngadto sa mga residente sa  San Roque, Bagong Pagasa, Quezon City,  usa ka adlaw ang nilabay human nagprotesta ang maong mga lumulopyo ug nangayo og  food ug financial aid sa gobyerno. Pinaagi sa Pantawid ng Pag-ibig campaign, nidonar kini og 505 ka sako nga bugas, 1,200 boxes nga noodles, ug 78,000 kilograms nga macaroni ngadto sa 7,000 ka mga pamilya.

Positibo gyud

Kumpirmado nga positibo gyud sa COVID-19 ang namatay nga aktor nga si Domingo Menggie Cobarrubias. Gikumpirmar kini sa asawa sa aktor nga si Gina Cobarrubias human nakadawat sa test result.

Breakdown

Gipaambit sa aktres nga si Bela Padilla ang breakdown sa mga beneficiaries sa P3M donation nga iyang nahipos  sa gipasiugdahang fundraising campaign alang sa naglisod nga pamilya tungod sa COVID-19 outbreak. Gipaambit matod pa kini sa aktres aron makahibalo ang tanan asa padulong ang kwarta nga iyang nakolekta.

Midayeg kang Angel

Gidayeg ni megastar Sharon Cuneta ang Kapamilya star Angel Locsin sa wala'y puas nga pagtabang niini ngadto sa mga frontliners. "Mabuhay ka, Angel Locsin sa pagpapatayo mo ng tents para sa ating mga bayaning frontliners na kailangan pa nating lahat na pasalamatan ng 1 million times more than we’ve been thanking them! "post pa ni Sharon sa Instagram.

Pahinungod sa health workers

Nangayo og pasaylo ang singer nga si Yeng Constantino ngadto sa healthcare workers nga nakontra niya kaniadto ug nisuwat siya og kanta alang kanila  isip pagpasalamat sa ilang dedikasyon  pakigbatok sa COVID-19. Gikanta niya ang iyang  bag-ong awit nga “Kumapit,” ug gi-post kini sa Instagram. "Ngayong araw nagdedesisyon po ako na itapon ang hiya at humingi ng tawad sa lahat po ng nasaktan ko sa medical field. Patawad po,”post pa ni Yeng.

Gipili si Sarah

Gikilig ang  fans nilang Matteo Guidicelli ug Sarah Geronimo human nag-post ang nauna nga mas gipili niya ang asawa nga si Sarah kaysa sa Crash Landing On You star  Se Ri. Gi-retweet ni Matteo ang post sa usa ka netizen nga nipakita sa hulagway ni Sarah ug ni Se Ri. "I choose Sarah g!"tweet pa sa aktor.

"Wag ako"

Nipagawas sa iyang gibati ang Kapamilya actress Nadine Lustre human siya  gi-bash tungod sa iyang opinyon sa social media nunot sa poltical issue sa nasud.“Yung P275 Billion hanapin niyo, wag ako. Kaloka. Makapaghalaman na nga,” post pa niini sa iyang Instagram story.

Gigamit ang pangalan

Gipahimagnoan sa celeberity couple nga silang Billy Crawford ug Coleen Garcia ang netizens nga dili motoo sa usa nila ka fan nga nigamit sa ilang pangalan aron makapangayo og kwarta para matod pa ipalit og  personal protective equipment (PPE). Nangayo matod pa kini ngadto sa usa ka tawo og PhP 250,000 gamit ilang pangalan.

"We do not, and we will never, tolerate scamming. We apologize if you placed your trust on her based on the photos that we have together,"sigon pa ni Billy.