Ex-PBB housemate, positibo sa COVID-19

CEBU, Philippines — Nagpositibo sa COVID-19 ang kanhi housemate sa Pinoy Big Brother nga si Niña Jose ug ang bana niini nga mayor sa Bayambang, Pangasinan nga si Cezar Quiambao.

“During our 14-day quarantine, we confirmed that we were both positive so we received proper treatment from the doctors who believe that we have now recovered,” tipik sa   statement sa bana ni  Niña.

Samtang si Niña sa iyang bahin, mapasalamaton siya sa Kahitas-an gumikan  kay niarang-niarang na ang ilang  kondisyon. “Yes, we are positive for corona virus but because God is more powerful than this, we are doing fine and we are doing great!,” suma pa niya.

Nailhan si Niña isip usa sa mga housemate sa labing una nga  teen edition sa Pinoy Big Brother niadtong  2006.

Ka-batch niya sila si  Gerald Anderson, Matt Evans, ug nahimong Big Winner si Kim Chiu.

Dasig lang 

Dako ang pagtoo sa aktres nga si Judy Ann Santos nga ang paghigugma sa  pamilya maoy usa sa importanteng butang nga nilutaw og maayo karong panahona taliwa sa  krisis nga nahatag sa coronavirus (COVID-19).

Bisan paman sa enhanced community quarantine , padayon ang komunikasyon nila sa iyang pamilya pinaagi sa video call.

“Video calls. Alam mo kung ano ang na-realize ko itong naka-quarantine tayong lahat: at the end of the day, it’s really family. Sila pa rin talaga ‘yung una among iisipin. Sila ang una mong kakamustahin. Kahit iba-iba tayong sitwasyon, I’m sure marami sa kanila ang iniisip ano ang kakainin kinabukasan, sino ang makakalabas or ano ang ipambibili nila, dahil ‘yun nga karamihan ay minimum wage. Tapos hindi sila makalabas para magtrabaho, paano mo siya gagawan ng paraan. So doon lalabas ‘yung pagsasama-sama ng pamilya para maitawid ang isang buong araw,” saysay pa ni Judy  Ann sa programang Magandang Buhay.

Importante matud pa karong panahona ang pagpakalig-on. “I-appreciate natin ang pinakamalaking blessing na ibinigay ng Panginoon sa atin is family. Kaya lahat tayo may isang malaking treasure na pinanghahawakan, ‘yun ang family natin. So ito ang pinoproteksyunan natin. So kapit lang tayo. Kaya ito, tayo pa ba?” dugang pa ni Judy Ann.

Suma pa niya nga dunay kataposan ang krisis nga gisagobang karon sa katawhan.

“Maniwala lang tayo na matatapos din ito, babalik sa normal ang mga buhay natin. It is not going to be soon but it will happen, kapit lang,” saysay pa sa aktres.

Nagpadala  usab og hinabang si Juday ngadto sa  frontliners.

Tinagoang talento milugwa

Samtang naka-enhanced community quarantine ang Luzon , gipaneguro ni Mark Bautista nga mahatagan niya og oras ang talento niya sa painting.

Gigahinan usab niya og oras ang  scriptwriting .

"I miss the freedom of just doing whatever you want and I miss the feeling of going out without any fear at all, “saysay pa niya nga namantala sa PEP.

Sa giatubang karon nga   COVID-19 pandemic, nihatag usab siya og mensahe kalabot niini.

"At this moment in our fast-paced, crazy and busy lives, we need something to make us stand still and something to make us grounded.Reflect on what’s good and what’s bad. Reflect on life—realizing what we’ve done to our world and to mankind and the things that matter the most,” niya pa.

Martin isip Hudas

Sa umaabot nga semana santa,  i-ere ang  espesyal  nga  programa sa  GMA Network  ,kini ang  series nga “Jesus His Life.”

Sa episode nga “ Jesus His Life: Judas,” ang tingog  ni Martin del Rosario ang mohatag og kinabuhi sa  karakter ni Judas.

Suma pa ni Martin nga mao kini ang labing unang higayon nga nag-dub siya og usa ka series.

Aminado ang aktor nga mas lisod mag-dub kaysa  moarte atubangan sa kamera. “Siguro ito 'yung pinakamahirap for me kasi ilang years na ako nag-a-acting sa TV. Tsaka mas sanay ako 'yung sa 'pag sa TV mas relax lang,” saysay pa niya ngadto sa GMA News.

“Oras Na” ni Warlyn

Gi-release dili pa lang dugay ang binisaya nga awit  ni Warlyn Gallaza nga nag-ulohan og “Oras Na”.

Nauyonan pag-ayo ni Warlyn  ang gisuwat nga awit nila ni Ryan Taborada ug Vanessa Abad gumikan kay naka-relate gyud siya niini. Si  Neil Salarda  ang nag-mix niini ug nahulma gyud ang usa ka “beautiful piece”, inubanan usab sa dugang mugna ni Anthony Uy.  Madungog na ang “Oras Na” sa nagkadaiyang  major digital platforms ug naka-upload  kini sa YouTube channel sa Viva Records.  Nalakip usab kini OPM Workday Marathon ug New Music Friday playlists sa Spotify.

Nadine misuway og pika

Nipadangat si Nadine Lustre sa iyang komento ngadto  sa  gobyerno ug COVID-19  outbreak.

"The people need help, compassion (minus Koko), and transparency not threats and lies,”suma pa sa iyang IG post.

Nagkalain-lain ang reaksyon sa iyang followers kalabot sa maong post.

Celebrities misuporta kang Vico

Nipadangat sa ilang suporta ang  pipila celebrities ngadto kang  Pasig City Mayor Vico Sotto  human kini giimbistigar sa National Bureau of Investigation (NBI) gumikan sa ubang pamaagi niini samtang giimplementar ang enhanced community quarantine didto sa Luzon.

Nipadangat sa ilang suporta sa mayor sila si Bianca Gonzales, Angel Locsin, Zsa Zsa Padilla, Janine Gutierrez, Jodi Sta. Maria, Kim Chiu, Angelica Panganiban. Donny Pangilinan, ug uban pa.

Usa usab si Bela Padilla  sa nanawagan sa iyang higala nga protektahan si Vico. Nag-trending sa Twitter sa miaging gabii ang hashtag nga #ProtectVico.

Usa sa gihatagan og konsiderasyon  ni Mayor Vico mao ang operasyon sa mga tricycle gumikan kay gamit kaayo kini panahon sa emerhensya.