Pinay nauyonan ni Justin Bieber
CEBU, Philippines — Human nagmalampuson ang Yummy Dance Challenge, nakamugna na usab og bag-ong kisaw sa Tiktok si Justin Bieber pinaagi sa iyang “Come Around Me Challenge”
Nag-post og daghang videos si Justin sa iyang Instagram account sa mga dance cover nga iyang nauyonan.
Usa sa iyang nataypan mao ang dance cover sa usa ka Pinay.
Nauyonan niya ang performance sa interior design student ug kanhi Star Magic artist nga si Jamina Cruz.
Nahimong kabahin ang “Come Around Me” sa latest album ni Justin.
Dugang inspirational song gidalit sa Kapamilya Stars
Nag-usa ang puwersa sa pipila ka performers sa ABS-CBN aron mohatod og igong kusog ug suporta sa publiko bisan paman nga nag-atubang kini og krisis , kini pinaagi sa awit nga “Ililigtas Ka Niya” .
Tumong niini nga makakuha og dugang pundo alang sa programang Pantawid ng Pag-ibig sa ABS-CBN nga motabang sa mga tawo nga naapektohan sa COVID-19 crisis.
Usa sa nihatag og bug-at nga emosyon sa maong awit mao ang beteranong singer nga si Gary Valenciano .
Nalakip usab niini sila si Angeline Quinto, Ebe Dancel, Erik Santos, Inigo Pascual, Janella Salvador, Jason Dy, Jaya, Jayda, Jay R, Jed Madela, Jeremy G, Jessa Zaragoza, Jona, Juris, Kyla, Lani Misalucha, Lea Salonga, Marlo Mortel, Martin Nievera, Moira dela Torre, Morissette, Ogie Alcasid, Piolo Pascual, Regine Velasquez, Toni Gonzaga, Yeng Constantino, Zephanie, ug Zsa Zsa Padilla.
Ang unod sa maong kanta nagkanayon nga luwason sa Kahitas-an ang mga tawo nga naghambin og suliran.
Sinuwat ni Jonathan Manalo ang maong awit ug ubos kini sa Star Music.
Una na nga gipalugwa sa “ASAP Natin ‘To” niadtong Dominggo ang music video sa “Ililigtas Ka Niya” nga gisugdan ni Gary V pinaagi sa pag-ampo.
Kahinumdoman nga sa longest-running action drama series sa telebisyon nga “FPJ’s Ang Probinsyano” una nga nadunggan ang orihinal nga bersyon sa kanta. Napili usab kini nga Best Inspirational Recording sa nilabay nga Awit Awards.
Madungog ang “Ililigtas Ka Niya” sa nagkalain-laing music streaming platforms ug usa na niini ang Star Music YouTube channel.
Nakapuntos napud sa mga hurado
Nahugyaw napud sa performance sa Fil-Am singer nga si Francisco Martin ang tulo ka mga hurado sa ‘American Idol’ .
Nakadawat gyud og standing ovation ang iyang pagkanta sa awit ni Harry Styles’ nga “Falling”.
“I don’t really recognize who you are anymore especially what you did last night. And that’s a good thing,” saysay pa ni Katy Perry ngadto kang Francisco.
Nahimout og maayo sa iyang performance si Lionel Richie .
“When the girls screamed, did you see what he turned into? I don’t even think he sang for a moment. He just kinda sat there and took it all in,” matud pa ni Lionel.
Naka recover na sa COVID-19
Malipayong gipahibalo sa manager ni Iza Calzado nga si Noel Ferrer nga okay na ang kahimtang sa aktres ug negatibo na kini sa COVID-19 human sa gihimong retest.
Gikatahong nakagawas na sa tambalanan ang aktres kagahapon.
Nakompleto na ni Iza ang iyang IV antibiotics.
“We would like to thank each and everyone of you for your prayers, love and support, especially the doctors, nurses and all the health workers who continuously risk their lives to serve us all at this time.Let us continue to pray as Iza continues to heal and support others who are battling with the virus.Indeed, we pray and heal as one. To God Be The Glory,” suma pa ni Ferrer. Nihangyo usab siya publiko nga hunongon na ang pagpakatap sa video ni Iza nga kuha sulod sa tambalanan.
Cloy stars molugwa sa bag-ong K-Drama
Subling mag-uban sa usa ka teleserye nga nag-ulohan og “Shall We Eat Dinner Together? “ ang mga bitoon sa Crash Landing on You nga sila si Seo Ji Hye ug Kim Jung Hyun .
Kahinumdoman nga nataypan sa ilang fans ang chemistry sa duha pinaagi sa CLOY busa nagmaya sila og maayo sa dihang nasayran nila nga subling mag-uban sa usa ka proyekto ang ilang mga idolo.
Nalakip pud sa maong K-drama sila si Song Seung Heon, Lee Ji Hoon, ug Naeun .
Naghisgot kini sa babaye ug lalaki nga natagam sa usa ka relasyon.
- Latest