Listening Ears

Chechera kaayo akong kasakay sa jeep adtong Biyernes uy. Soo chikadora! UPAT ka stories gyud iyang nalenggua for everybody in the jeepney to hear. Hahaha! Pakkk!

Story 1

Wala gyuy nitagad niya permiro, nya nichika man gyud siya to nobody in particular beh, so akong tupad maoy nipalit sa iyang istorya.  Gilibak ni grandmother ang mama sa classmate sa iyang apo. Kusog kuno moreklamo nganong gagmay og grado ang iyang anak. Gisuyaan kuno iyang apo kay maoy top 1 sa ilang klase. Alkanse kuno sila kay abroad kuno ang papa sa classmate sa iyang apo magpa party kuno's mga maestra. May na lang kuno kay dili na mahaylo ang mga maestra karon, utukay na gyud.

Story 2

Naghikog kuno ang iyang usa ka apo last year. Sixteen years old. Naguol kay gibuwagan sa uyab. Nya, musuyop daw to iyang apo man gud. Pisi ang gigamit paghikog. Ang anak sab kuno's iyang amiga nga gwapa naghikog sab kuno.Pisi gihapon ang gigamit. Sixteen years old sab kuno. Murag tungod kuno's family problem kay dato sila sauna unya nasakit kuno'g TB ang papa maong na pobre na, nya ang mama sige na la'g inom.

Story3

Taga probinsya kuno siya. Nitipon kuno siya'g puyo sa iyang ig-agaw nga arangan og kabutang. Sa sinugdanan kay nindot pa kuno'g batasan, pero kadugayan nausab na, mamoyboy na. Nya ang iyang apo daw kay dapatan sa bana sa iyang ig-agaw maong nihawa na lang siya.

Story 4

So nangamo na lang kuno siya og tindahan sa downtown. Gamay ra kuno'g sweldo. Usahay hatagan siya og P100 sa usa ka adlaw. Libre hinuon kuno og kaon ug puy-anan. Siyay gipabantay pud sa bag-ong paabangan nga balay sa iyang amo. Wala pay nangabang kay mahal sab kuno. P4000 ang usa ka kwarto.

Pakkk!

I believe adunay duha ka mga pagtulun-an ang atong makutlo dinhi. Una, naa gyuy mga tawo nga muistorya ug makig-istorya aron makapahungaw sila sa ilang gibati. Basin mao ra na ilang pamaagi aron maibanan kun dili man gani mapapas ang ilang gihambin diha sa ilang galamhan. So just be a listener. Do not judge. Just lend a listening ear. Usahay man gud ang pagtabang wala nagkinahanglan og kwarta, kundili, panahon nga igahin nimo sa imong isigkatawo paigo na kaayo ug maoy labing maayo nga tabang nga gikinahanglan.

Ikaduha, magmatngon sab ta sa atong mga baba diha sa publiko. Dili kita magpalabi og dako sa atong tingog pagyagyag sa istorya sa kinabuhi sa uban kay basin musampot kini sa kagubot. Basin makiha na hinuon kita, so ang ending kitay maalaot.

A blessed Sunday, dear okRYANians!