Mommy Divine naglinabad!
BANATANAY - Sanden J. Anadia (Banat) - February 25, 2020 - 12:00am

Sanden:  Maayong adlaw mga Kabanatanay nga wala gyu’y sipyat sa pagsunod sa atong lindog matag Martes. Belated happy birthday sa tag-iya sa Skin 911  nga si Ms. Eleanor Velasco . Mabulukon gyud  ang slelebrasyon sa iyang birthday gumikan kay didto kini gipahigayon sa hugyaw kaayo nga lugar, ang kaharian ni   hampas lupa Jaypee Lao, ang Santa Fe, Bantayan Island.  Dili ta maglangan , ato dayon nga hisgotan ang giingong pag-eksena ug pagsalida ni  Mommy Divine  sa civil wedding nila ni  Matteo Guidicelli ug  Sarah Geronimo niadtong February 20 sa  gabii sa usa ka dakong hotel sa Taguig.  Gisekreto  diay ang maong kasal  hinungdan nga nakugang ang mga  nanambong  sa iyang paglugwa sa tunga-tungang bahin sa seremonya.  Gustong hinabion ni Mommy Divine si Sarah niadtong higayona. Gikatahong nasukmagan pa gyud  ni Matteo ang  body guard ni Sarah nga si Jerry Tamara gumikan kay mao kini ang gitouhang nisulti ngadto kang Mommy Divine kalabot sa secret wedding.  Tungod niini,  gi-bash og maayo  si Mommy Divine gumikan kay best in salida kaayo kini.Hugtanon hinoun nga gihimakak ni Matteo ang maong report.

Jaypee: Olah mga Kabanatanay! Una sa tanan, ako i-greet og happy happy birthday ang akong boss, ang tag-iya sa Skin911, Ms. Eleanor "Leah" Velasco. Long live Ms! Ug karon, lahus sa atong issue karong adlawa.  Gisapot gyud bitaw ko aning Mommy Divine. Palihug lang Divine be. Sa pila  ka tuig nag matinud-anon nimo imong anak nga si Sarah, wala magpabadlong, wala magpariwara, wala maghimo og kalat o maka-uuwaw nga issue sa showbiz. Unya karon nga iyang kalipay ang gusto niyang puy-an, imong pugngan? Naa na tawon siya sa  saktong edad. Hapit na siya mabiyaan sa biyahe intawon uy. Makaingon ta nga  selfish ra kaayo ka. Kapila ta gipalipay ni Sarah sa iyang mga kanta ug pelikula, karon na pod ang panahon nga siya na pod ang malipay. Nganong dili naman lang gyud ta pwede mo -support niya?

Yuri: Hoy Jaypee Lao, kun makayawyaw, mura gyud ka og correct uy. Dili man gud ka usa ka inahan maong ingon ana imong reaksyon. Pagpuyo uy, samot kalabad akong head nimo. Makasabot ra gyud ko ni Mommy Divine! Remember Mother knows best! Basin lang gyud naa siya'y nakit-an  kay Matteo nga dili kaayo  niya feel.  Ang inahan dunay instinct mao nga dili nako mabasol nga mura siya og kontrabida sa maong sitwasyon. And the good  thing, masaya ang showbiz world... Si Mommy nagpaka-inahan lang, busa ayaw palabi og react diha Jaypee nga dili guwapa. Dili tantong  isyu kun unsa  ang mga naa ni Sarah nga kwarta or properties, ang punto nako mao ang respect sa mama.

Sanden: Hala  mga beshie, chill lang mo, mura'g padulong namo magbugno da. Liki ra gyud kaayo si Mommy Divine hinuon Tita Yurs, naa pud kay punto gamay. Apan kun timbangon nato ang sitwasyon, sobraan ra gyud ang pag-salida sa inahan ni Sarah  uy. Sa atong nakutlo nga tsika kaniadto, siya pud baya ang rason kun nganong ni-surrender kaniadto ang mga  ex ni Sarah nga sama nila ni Gerald Anderson ug Rayver Cruz. Tama na, sobra na!Pagpuyo na diha Mommy Divine !

Jaypee: Hala noh. Yuri? Mosabot ka ni Divine? Ah okay. So pareho mong selfish. Samot ako sapot sa imong punto. Klaro kaayo nang sayup siya. May mga nanggawas pa gyud nga chika nga dapat tanang katigayunan ni Sarah,  ma -transfer  ni Divine usa kini mosugot nga magpakasal ang iyang anak. Paeta naman lang gyud. Si Matteo, nga katarung kaayo nga pagkatawo, dato ug responsable. Wala nagpabadlong sa showbiz. Unsa man gyu'y problema ni Divine? Nasobrahan sa pagka-selfish. Ang publiko nidapig man pod nilang Sarah ug Matteo kay nag-trending man pod gani ang hashtag nga #DivineIntervention. Basta go lang ng go lang gyud mong duha mga gwaps, Sarah ug Matteo. Ug ikaw Yuri, paghilom na diha, imong punto nga gadala og masla.

Yuri: Hoy Jaypee, kung makagawas ka ana nga pulong, mura gyud ka og perpekto uy, samot kaguba akong adlaw nimo.  Usa ra gyud ang akong masulti, nagpaka-inahan lang si Mommy Divine. Bisan unsa pa ka kontrabida ni Mommy Divine, makaingon ra gyud na si Sarah puhon nga  sakto gyud pud diay si Mama. Sakto gyud diay ang panultihon, maantos sa anak ang pagbungol o sama sa gibuhat ni Sarah pero never ang inahan. Busa sa pagkakaron, enjoy the married life. The honeymoon stage. Itaga mo sa bato, ig-ngaab nimo,  manawag raka og Mama. No photo, itupad lang ni sa banatanay. Yuri ug Jaypee

MOMMY DIVINE
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with