Senate panel motuki na sa ABS-CBN franchise renewal

CEBU, Philippines – Tukion na sa  Senate Committee on Public Affairs  karong February 27 ang   franchise renewal sa ABS-CBN Corporation.

Mopahigayon og  hearing ang komite   nga gipangulohan ni  Senator Grace Poe bisan pa man nga wala pa mahisgoti sa  Kamara ang mga nakaung-ong nga resolusyon alang sa pag-renew sa prangkisa sa maong network.

Gitataw  hinoun  sa senadora nga  ang Kamara gihapon ang dunay gahom  sa maghatag og  prangkisa sa broadcast companies.

Makahimo hinoun sila og  “simultaneous hearing” ang Upper Chamber.

Tukion sa  komite ni Poe ang Senate Bill No. 981 (Renewing the Franchise Granted to ABS-CBN Broadcasting Corporation).

Giduso  kini  sa mga senador nga sila si Ralph Recto ug  Leila de Lima niadtong August 28, 2019.

Marcelito napili nga 3rd tunner-up

Napili  nga third runner-up  si  Marcelito Pomoy sa  bag-ohay lang nga  “America’s Got Talent: The Champions.”

Todo pasalamat  si Marcelito  sa tanang nisuporta kaniya sukad nagsugod ang maong show.

Ang  usa sa mga hurado nga si   Heidi Klum nipadangat usab sa iyang pagdayeg kang Marcelito.

“I love you so much. You have the most beautiful voice. I should actually say the most beautiful voices inside of you. You are a champion. Thank you so much for sharing your talent with all of us,” suma pa ni Klum .

Ang acrobatic dance group nga  V maoy nahimong champion sa maong season.

Fourth runner-up  usab ang Sandou Trio Russian Bar , samtang  si Tyler Butler-Figueroa maoy second runner-up .

Napili usab nga  first runner-up  ang Duo Transcend .

Kahinumdoman  nga sa  final round , gikanta ni Marcelito  ang  “Beauty and the Beast”  nga version nila ni  Celine Dion ug Peabo Bryson.

Mga   pagdayeg ang nadawat  niya gikan  sa mga hurado nga sila si  Heidi Klum, Alesha Dixon ug  Howie Mandel.

Si  Marcelito  ang nahimong champion kaniadto sa  “Pilipinas Got Talent” niadtong   utg nakalugwa usab siya sa  “The Ellen DeGeneres Show”  niadtong  2018.

“JoshNella” sa MMK

Human gihangop ang ilang tandem sa   “The Killer Bride”, padayon ang pagmaya  sa fans sa “JoshNella” love team  gumikan  kay magpares og sa  TV screen ang ilang mga idolo nga sila  sila si . Joshua Garciaug  Janella Salvador. Mahitabo  kini sa usa ka episode   sa  Maalala Mo Kaya” (MMK) .

“We are actually super excited kasi nga this is our first time to work together sa 'MMK' naman,” saysay pa ni Janella ngadto sa   ABS-CBN News.

Mapasalamaton  si Janella sa iyang fans gumikan kay padayon gihapon nga gisuportahan ang tandem nila ni Joshua.

“Sobrang thankful kami kasi nakakatuwa na after matapos nung ‘Killer Bride,’ mas lalo pa silang lumakas and mas naging united. We are very excited to be able to work with each other more pa and make them happy,” dugang pa ni Janella.

Winwyn mosulod sa Philippine Navy

Tinguha  gyud ni  Winwyn Marquez nga sudlan ang mga butang kun diin daghan siya og makat-onan.

Huma   sa iyang Teacher Certificate Program sa miaging tuig , target na usab karon sa beauty queen-actress  nga mahimong  Philippine Navy reservist.

Mapasigarbohong gibutyag ni Winwyn nga nipaubos na siya og  Basic Citizen's Military Training .

Nibisita siya dili pa lang dugay sa buhatan  ni Naval Reserve Command Chief Brigadier General Ariel Caculitan kauban  ang  Kapuso actor nga si Rocco Nacino nga  usa usab ka navy reservist.

"People are asking me why I want to do this..I simply said because I want to..that's it. No need for long explanations. We don't need to justify what we want to do, we can just show them what we women CAN do,” suma pa sa iyang IG post.