Fil-Am, early favorite sa American Idol
CEBU, Philippines – Nahimong early favorite karon sa kasamtangang season sa American Idol ang Filipino-American nga si Francisco Martin.
Bitbit ang iyang gitara, gikanta ni Francisco atol sa audition ang “Alaska” ni Maggie Rogers.
Nakadawat og mga pagdayeg si Francisco gikan sa mga hurado nga sila si Lionel Richie, Katy Perry ug Luke Bryan. Mao kini ang naghatag kaniya og kahigayonan sa paglugwa sa sunod nga round.
“I just checked the pulse of a future superstar,” suma pa sa hurado nga si Luke.
Giintriga dayon
Niulbo karon ang taho nga duna na’y tam-is pagtinagdanay ang mga bida sa Korean serie nga “Crash Landing on You” nga sila si Hyun Bin ug Son Ye Jin human sila nasigpatan nga sweet kaayo samtang nanuroy.
Apan hugtanon ang gihimakak ang maong taho sa talent agency ni Hyun. Una na nga nasigpatan ang duha nga nanglaag sa United States sa miaging tuig.
Probinsyano gipalokapa ang
Anak ni Waray V.s Anak ni Biday
Sulod sa taas na nga panahon , pabiling naglawig sa primetime ang teleserye ni Coco Martin sa ABS-CBN nga Ang Probinsyano.
Bisan giatbangan na kini sa bag-ong show sa GMA-7 nga Anak ni Waray V.s Anak ni Biday, wala gihapon malabwi ang teleserye ni Coco.
Sa latest result sa AGB Nielsen niadtong February 14, 2020 , ang Anak ni Waray Vs. Anak ni Biday nakakuha lang og rating nga 10.4%, samtang ang kaatbang niini nga Probinsyano nakalangkat og 14.6%.
Samtang sa Kantar Media, wala gihapon kalabaw ang Anak ni Waray Vs. Anak ni Biday nga nakakuha og 17.6% , samtang ang Probinsyano nagtangag sa rating nga 33.3%.
- Latest
