Soulmate gibawi ni James

CEBU, Philippines – Human  niatras,  gibalik napud og kuha  ni  James Reid ang teleseryeng Soulmate kun diin makapares niya si Nancy sa grupong sa Momoland.

Kahinumdoman nga niulbo ang tsika kaniadto nga niatras  si James sa maong proyekto human matud pa nangigi  kaniya  si Nadine Lustre.

Apan karon nga buwag na sila si James ug Nadine,  gipadayon nalang sa aktor ang maong proyekto.

Una na nga nigawas ang taho nga si Joshua Garcia  unta ang ihulip  ni  James kun nadayon pa kini og atras sa maong  teleserye. 

Bahad sa Viva atubangon ni Nadine

Andam ra atubangon sa kampo ni Nadine Lustre kun pananglitan  ikiha siya sa

Viva Artists Agency (VAA).

Una na nga nibahad  ang Viva  nga mohimo og legal nga action human gi-terminate ni Nadine ang iyang kontrata sa maong talent agency,.

Gitataw sa  Viva magpabilin nga exclusive artist si Nadine sa ilang agency.

Si  Atty. Lorna Kapunan  ang abogada ni Nadine. Tua karon sa New York si Atty. Kapunan    kauban ang  iyang team sa  Kapunan & Castillo Law Offices.

Nipadala ang maong abogada  og statement ngadto sa PEP nga nagkanayon:

“We welcome any legal action by VIVA so their unconscionable, oppressive and illegal Contract with Nadine (and their other artists) can be litigated in the proper forum.It’s about time that a David strikes out a Goliath that has taken advantage of young artists in the industry for the longest time.Viva lawyers have not replied to our earlier letters but chose to wait in ambush to malign Nadine and harass Third parties dealing with her in good faith.”

Kalabot usab sa commitment ni Nadine sa  Viva Films  , giingong nagpabilin ang kontrata niini  apan subject gihapon kini sa iyang katungod sa pagbalibad og proyekto.

Bag-ong ambassadors sa NCCA ginganlan na!

Gianunsyo sa  National Commission for Culture and the Arts (NCCA) ang mga pangalan sa duha nila ka bag-ong  ambassadors  ug kini mao silasi  Asia’s Pop Diva Julie Anne San Jose alang sa music ug Miss Universe 2018 Catriona Gray alang sa  arts.

Nahitabo ang pag-anunsyo  sa buhatan sa NCCA sa Intramuros kagahapon nga tipik sa selebrasyon  sa  annual National Arts Month karong  February.

Samtang ni-renew  usab sa NCCA  isip music ambassador  ang singer nga si KZ Tandingan.

Inigo pasok sa world tour sa New Rules

Nalakip  si  Inigo Pascual sa  UK ug  Ireland  tour karong tuiga sa sikat nga  British band  nga New Rules.

Nakatrabaho na ni  Inigo ang maong banda   sa miaging tuig  ug nakamugna sila og kolaborasyon ug song cover  sa   “Options”ug  “Bad Guy.”

Sa dili pa sa laing nasud. motikang una dinhi sa Pilipinas ang maong grupo.

Ang  New Rules gilangkoban sa  songwriter-musicians  nga sila si  Ryan Meaney, Alec McGarry, ug Nathan Lambert.

Timeslot, dili isyu kang Kim

Dili isyu  alang  kang  Kim Chiu ang pang-hapon nga timeslot  sa  teleserye niya nga  Love Thy Woman.

Kauban ni Kim sa  Love Thy Woman ang boyfriend niya nga si  Xian Lim.

Matud pa sa aktres nga dili sukdanan sa artista  kun unsa nga  timeslot ang iyang  show.

Matud pa niya nga sa panahon karon, walay pili sa oras ang masa kun motan-aw og mga programa sa telebisyon.